ശക്തമായ കാറ്റ്, വിവാഹവസ്ത്രത്തിനുള്ളിൽ കയറി വധുവിനെ നടക്കാൻ സഹായിച്ച് യുവാവ്: വീഡിയോ വൈറൽ

വൈറൽ വീഡിയോ ഫിലിപ്പീൻസിൽ നിന്നും

(representative image)

ശക്തമായ കാറ്റ് കാരണം തന്‍റെ ഗൗണുമായി നടക്കാൻ യുവതി ബുദ്ധിമുട്ടിയപ്പോഴാണ് വധുവിനെ സഹായിക്കാൻ യുവാവ് വസ്ത്രത്തിനുള്ളിൽ കയറിയത്. വധുവിനൊപ്പം വസ്ത്രത്തിനുള്ളിൽ നിന്ന് ഇയാളും നടന്നു വരുന്നതിന്‍റെ ദൃശ്യങ്ങൾ സോഷ്യൽ മീഡിയയിൽ വൈറലാവുകയും ചെയ്തു. ജൂൺ ആറിന് ഫിലിപ്പൈൻസിലെ പിനാമുങ്കജാനിലെ ലൂയി ബീച്ച് റിസോർട്ടിൽ വച്ചായിരുന്നു ഈ വിവാഹം നടന്നത്.

വിവാഹ വസ്ത്രത്തിനുള്ളിൽ ഇരുന്നത് ‘കോസ്റ്റ്യൂമർ’

(representative image)

വധു താൻ ഡിസൈൻ ചെയ്ത വസ്ത്രവുമായി നടക്കാൻ ബുദ്ധിമുട്ടുന്നത് കണ്ട കോസ്റ്റ്യൂമറാണ് വിവാഹ വസ്ത്രത്തിനുള്ളിൽ കയറി ഇവരെ സഹായിച്ചതെന്നാണ് ഇംഗ്ലീഷ് വാർത്താ ചാനലായ ടൈംസ് നൗ റിപ്പോർട്ട് ചെയ്യുന്നത്. ബ്രോസ് ബ്രൈഡൽ ഗൗൺസ് ആൻഡ് ഈവന്‍റ്സിലെ ജോലിക്കാരനായ റോയൽ ലുണേസ എന്ന യുവാവാണ് വധുവിനെ നിർണായ ഘട്ടത്തിൽ സഹായിച്ചത്.

വേദിയിലെത്തിയതോടെ വസ്ത്രത്തിന് പുറത്തേക്ക്

(representative image)

വധുവിന്‍റെ ഗൗണിന് ഉള്ളിൽ കയറി ഇയാൾ സഹായിച്ചതോടെ ശക്തമായ കാറ്റിനിടയിലും വേദിയിലേക്ക് എളുപ്പത്തിൽ ഇവർക്ക് നടന്നെത്താൻ കഴിഞ്ഞു. തന്‍റെ മാതാപിതാക്കൾക്കൊപ്പം വധു വിവാഹ വേദിയിലേക്ക് നടന്ന് വരുന്ന ദൃശ്യങ്ങളാണ് വൈറൽ വീഡിയോയിലുള്ളത്. നടക്കുന്നതിനിടെ ഗൗൺ നേരെയാക്കുന്നതും ഒപ്പമുള്ളവർ ഇതിന് സഹായിക്കുന്നതും വ്യക്തമാണ്. വേദിക്കരികിലേക്കെത്തവെയാണ് ഗൗണിന് ഉള്ളിൽ നിന്നും യുവാവ് പുറത്തേക്ക് പോകുന്നത്. പിന്നീട് ആൾക്കൂട്ടത്തിനൊപ്പം ഇദ്ദേഹം ചേരുകയും ചെയ്തു.

പ്രതികരണവുമായി യുവാവ്

(representative image)

വീഡിയോ വൈറലായതോടെ പ്രതികരണവുമായി ലുണേസ രംഗത്തെത്തുകയും ചെയ്തു. ശക്തമായ കാറ്റ് കാരണം വധു നടക്കാൻ ബുദ്ധിമുട്ടിയതോടെയാണ് താൻ വസ്ത്രത്തിനുള്ളിൽ കയറിയതെന്നും ഇതായിരുന്നു അന്ന് സംഭവിച്ചതെന്നും അദ്ദേഹം ന്യൂസ് വീക്കിനോടാണ് പറഞ്ഞത്. വധു നടക്കാൻ ബുദ്ധിമുട്ടിയതോടെയാണ് ഈ നിർദേശം മുന്നോട്ട് വെച്ചതെന്നും അദ്ദേഹം പറയുന്നു. വധു മറ്റൊരു വസ്ത്രം ഗൗണിനുള്ളിൽ ധരിച്ചാണ് പദ്ധതി നടപ്പിലാക്കിയതെന്നും റിപ്പോർട്ട് ചൂണ്ടിക്കാട്ടുന്നു.

വൈറൽ വീഡിയോ കാണാം