കുവൈറ്റ് ക്രൈസ്- കുവൈറ്റ് കരയുന്നു
കുവൈറ്റ് ക്രൈസ് (കുവൈറ്റ് കരയുന്നു) എന്ന പേരിലാണ് രാജ്യത്തെ പ്രമുഖ നിയമ വിദഗ്ധരും ആക്ടിവിസ്റ്റുകളും ക്യാംപയിനുമായി രംഗത്തെത്തിയിരിക്കുന്നത്. പ്രവാസികള്‍ക്കെതിരേ സര്‍ക്കാര്‍ ഏര്‍പ്പെടുത്തിയ യാത്രാ നിരോധനം പ്രാവിസകളെ അവരുടെ കുടുംബങ്ങളില്‍ നിന്ന് അകറ്റിയതായും കുവൈറ്റി ബിസിനസുകാര്‍ക്ക് വലിയ നഷ്ടങ്ങള്‍ വരുത്തിവച്ചതായും കുറ്റപ്പെടുത്തി. ഏത് രാജ്യക്കാരാണ് നോക്കിയല്ല വൈറസ് ആളുകളെ പിടികൂടുന്നത്. വൈറസ് ബാധയുടെ കാര്യത്തില്‍ വിവിധ ദേശക്കാര്‍ തമ്മില്‍ അന്തരമില്ലെങ്കില്‍ പിന്നെന്തിനാണ് ഏതാനും രാജ്യക്കാര്‍ക്ക് മാത്രം അതിന്റെ പേരില്‍ യാത്രാ വിലക്ക് ഏര്‍പ്പെടുത്തിയിരിക്കുന്നതെന്നും അവര്‍ ചോദിക്കുന്നു. കൊവിഡ് വ്യാപന ഭീതിയാണ് യാത്രാവിലക്കിന് കാരണമെങ്കില്‍, ശരിയായ രീതിയിലുള്ള ക്വാന്റൈന്‍ വ്യവസ്ഥകള്‍ നടപ്പിലാക്കുകയാണ് വേണ്ടത്. സ്കൂള് അധ്യയന വര്‍ഷം അവസാനിക്കാന്‍ പോകുന്ന ഈ വേളയില്‍ യാത്രാ വിലക്ക് തുടരുന്നത് പ്രവാസികളെ ഏറെ പ്രതിസന്ധിയിലാക്കുമെന്നും ആക്ടിവിസ്റ്റുകള്‍ വ്യക്തമാക്കി.
യാത്രാവിലക്ക് തീരുമാനം മാറ്റണം
വാക്‌സിനെടുത്ത സ്വദേശികളെ പോലെ തന്നെ വാക്‌സിനെടുത്ത പ്രവാസികളെയും അവരുടെ നാടുകളിലേക്ക് യാത്ര ചെയ്യാനും നാടുകളില്‍ കുടുങ്ങിയവര്‍ക്ക് തിരികെ കുവൈറ്റില്‍ എത്താനും അനുവാദം നല്‍കുന്ന രീതിയില്‍ നിലവിലെ നിയമത്തില്‍ മാറ്റം വരുത്തണമെന്നും ക്യാംപയിന് നടത്തുന്നവര്‍ ആവശ്യപ്പെട്ടു. ലോകത്ത് എല്ലായിടത്തും ഈ രീതിയാണ് പിന്തുടരുന്നതെന്നും ഇക്കാര്യത്തില്‍ കുവൈറ്റ് മാത്രം പ്രവാസികളോട് വിവേചനപരമായ നിലപാട് കൈക്കൊള്ളുന്നത് ശരിയല്ലെന്നും അവര്‍ വാദിക്കുന്നു. അവകാശങ്ങള്‍ അനുവദിച്ച് നല്‍കുന്ന കാര്യത്തില്‍ വിവേചനം പാടില്ല. ആരോഗ്യ അടിയന്തരാവസ്ഥയുടെ വേളയിലാണെങ്കില്‍ പോലും ഇത്തരം അവകാശങ്ങള്‍ വ്യക്തികളില്‍ നിന്ന് എടുത്തുമാറ്റപ്പെടാന്‍ പാടില്ലെന്നും ക്യാംപയിന് നേതൃത്വം നല്‍കുന്ന കുവൈറ്റ് സൊസൈറ്റി ഫോര്‍ ഹ്യൂമണ്‍ റൈറ്റ്‌സ് സെക്രട്ടറി ഹുസൈന്‍ അല്‍ ഉതൈബി വ്യക്തമാക്കി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kuwait launch online campaign for expats travel permit kuwait
Malayalam News from malayalam.samayam.com, TIL Network
