വെള്ളം കുടിയ്ക്കുന്നത് ആരോഗ്യത്തിന് ഏറെ നല്ലതാണ്. വെള്ളം കുടിയുടെ കുറവ് അസുഖങ്ങള്‍ വരുത്തുകയും ചെയ്യും. ചര്‍മത്തിനും മുടിയ്ക്കുമെല്ലാം വെള്ളം ആവശ്യമാണ്. ലിവര്‍, കിഡ്‌നി പോലുളള അവയവങ്ങളുടെ ശുചീകരണ പ്രക്രിയ നല്ലതു പോലെ നടക്കുന്നത് വെള്ളം കുടിയ്ക്കുന്നതു കൊണ്ടാണ്.വെള്ളം പൊതുവേ തിളപ്പിച്ച് ഉപയോഗിയ്ക്കുന്നതാണ് നല്ലതെന്നു പറയാം. ഇടയ്ക്കിടെ ചൂടുവെള്ളം കുടിയ്ക്കുന്നത് ഏറെ ആരോഗ്യ ഗുണങ്ങള്‍ നല്‍കുന്ന ഒന്നാണ്.പല ആരോഗ്യ ഗുണങ്ങളും തണുത്ത വെള്ളം കുടിയ്ക്കുന്നതിനെ അപേക്ഷിച്ച് ചൂടുവെള്ളത്തിന് നല്‍കാനാകും.വല്ലാതെ ചൂടുള്ള വെളളം വേണ്ടാ, കുടിയ്ക്കാന്‍ പാകത്തിന് ചൂടുളള വെള്ളം കുടിയ്ക്കാം. ഇത് നല്‍കുന്ന ആരോഗ്യപരമായ ഗുണങ്ങള്‍ ചില്ലറയല്ല.

​തടി കുറയ്ക്കാന്‍

തടി കുറയ്ക്കാന്‍ സഹായിക്കുന്ന ഒന്നാണ് ഇടയ്ക്കിടെയുള്ള ചൂടുവെളളം കുടി. ചൂട് ശരീരത്തിലെ കൊഴുപ്പ് അലിയിച്ചു കളയാന്‍ ഏറെ നല്ലതാണ്. ഇത് ശരീത്തിലെ ഉപാപചയ പ്രക്രിയകള്‍ ശക്തിപ്പെടുത്താന്‍ സഹായിക്കും. ഇതെല്ലാം തന്നെ തടി കുറയ്ക്കാന്‍, ശരീരത്തിലെ കൊഴുപ്പ് അലിയിച്ചു കളയാന്‍ ഏറെ നല്ലതാണ്. ദഹന പ്രക്രിയ നല്ലതു പോലെ നടക്കാനും ഇതു സഹായിക്കും. ഇതും തടി കുറയ്ക്കാന്‍ സഹായകമാണ്. ഇതു പോലെ നല്ല ശോധനയ്ക്കും ചൂടുവെള്ളം നല്ലതാണ്.

​ശരീരത്തിലെ കോശങ്ങളിലേക്ക്

ശരീരത്തിലെ കോശങ്ങളിലേക്ക് പോഷകങ്ങളെ ആഗിരണം ചെയ്യാനും അണുബാധകൾക്കെതിരെ പോരാടാനും ചൂട് വെള്ളം സഹായിക്കുന്നു. നമ്മുടെ ശരീരത്തിലെ ഓരോ കോശങ്ങൾക്കും പോഷകങ്ങളെ ആഗിരണം ചെയ്യാനും മാലിന്യങ്ങൾ പുറന്തള്ളാനുമായി ആവശ്യമായ ജലാംശം നിലനിർത്തേണ്ടത് അത്യാവശ്യമാണ്. ശരീരത്തിൽ ജലാംശം നിലനിർത്തുന്നതു വഴി എല്ലാവിധ ജൈവ രാസ, ഉപാപചയ പ്രവർത്തനങ്ങളും മികച്ച രീതിയിലാക്കാൻ സഹായിക്കുന്നു. വൃക്കകളെ മികച്ച രീതിയിൽ പ്രാവർത്തിപ്പിച്ചുകൊണ്ട് ശരീരത്തിൽ നിന്ന് മാലിന്യങ്ങളും വിഷവസ്തുക്കളുമെല്ലാം പുറന്തള്ളാൻ ജലാംശം സഹായിക്കുന്നു.

​അതിരാവിലെ

അതിരാവിലെ ഒരു ഗ്ലാസ് ചൂടുവെള്ളം കുടിക്കുന്നത് ശരീരത്തിൽ നിന്ന് വിഷവസ്തുക്കളെ പുറന്തള്ളാൻ സഹായിച്ചു കൊണ്ട് മുഴുവൻ ശരീരത്തെയും ശുദ്ധീകരിക്കുന്നു. എല്ലാ ദിവസവും അതിരാവിലെ ഉണർന്നെണീക്കുമ്പോൾ വെറും വയറ്റിൽ തന്നെ ഒരു ഗ്ലാസ് ചൂടുവെള്ളം കുടിക്കുന്നത് വഴി ഉപാപചയ പ്രവർത്തനങ്ങളെ മികച്ചതാക്കുകയും മലബന്ധത്തെ ഒഴിവാക്കാനാവുകയും ചെയ്യുന്നു. ചൂടുള്ള വെള്ളം ആമാശയത്തിലെ ഭക്ഷ്യ കണങ്ങളെ ലഘൂകരിക്കാൻ സഹായിക്കുകയും കുടലിലൂടെ ഇവ വേഗത്തിൽ കടന്നുപോകാൻ അവസരമൊരുക്കുകയും ചെയ്യുന്നു.

​ചൂടുവെള്ളം പതിവായി കുടിക്കുന്നത്

ചൂടുവെള്ളം പതിവായി കുടിക്കുന്നത് ശരീരത്തെ ഏറ്റവും ഫലപ്രദമായി ശുദ്ധീകരിക്കാൻ സഹായിക്കുന്ന ഒരു പ്രവർത്തിയാണ്.മൂക്കടപ്പ്, കോള്‍ഡ് പോലുള്ള പ്രശ്‌നങ്ങള്‍ തടയാനും തൊണ്ടയുടെ അസ്വസ്ഥകള്‍ മാറാനുമെല്ലാം ഏറെ നല്ലതാണ് ചൂടുവെള്ളം കുടിയ്ക്കുന്നത്. ഇത് ചിക്കന്‍ സൂപ്പ് കുടിയ്ക്കുന്ന ഗുണമാണ് നല്‍കുന്നതെന്ന് പഠനങ്ങള്‍ പറയുന്നു. അര മണിക്കൂറില്‍ തന്നെ മൂക്കടപ്പു പോലുള്ള പ്രശ്‌നങ്ങള്‍ക്കിത് പരിഹാരമാകും. ഇതു പോലെ തന്നെ ശരീരത്തിലെ രക്തപ്രവാഹം ശക്തിപ്പെടുത്തുവാന്‍ ചൂടുവെള്ളം കുടിയ്ക്കുന്നതിലൂടെ സാധിയ്ക്കും. നല്ല രക്തപ്രവാഹം ഹൃദയാരോഗ്യത്തിന് ഏറെ ഗുണകരമാണ്. Also read: ആരോഗ്യകരമായ നടത്തം ശീലിക്കാം ചെരിപ്പില്ലാതെ