ഡിസംബർ 14ന് കരിപ്പൂർ വിമാനത്താവളം വഴി കേരളത്തിലെത്തിയ യാത്രക്കാരനാണ് രോഗം സ്ഥിരീകരിച്ചതെന്നാണ് റിപ്പോർട്ട്.
പ്രതീകാത്മക ചിത്രം Photo: Agencies
ഹൈലൈറ്റ്:
- ആരോഗ്യനില തൃപ്തികരമെന്ന് അധികൃതർ
- മഞ്ചേരി ആശുപത്രിയിൽ ചികിത്സയിൽ
- എത്തിയത് ഷാർജയിൽ നിന്ന്
Also Read: സംസ്ഥാനത്ത് ഇന്ന് 3297 പേർക്ക് കൊവിഡ്; 43 മരണം
മംഗളൂരു സ്വദേശിയായ 36കാരനാണ് രോഗം സ്ഥിരീകരിച്ചതെന്നാണ് ആരോഗ്യവകുപ്പ് പറയുന്നത്. ഇയാളുടെ ആരോഗ്യനില തൃപ്തികരമാണെന്നും നിരീക്ഷണത്തിൽ തുടരുകയാണെന്നും സർക്കാർ അറിയിച്ചു. ഇയാൾ മഞ്ചേരി മെഡിക്കൽ കോളേജിൽ ചികിത്സയിലാണെന്നാണ് റിപ്പോർട്ട്.
Also Read: ഒമിക്രോണിനെ ഭയക്കണം; ഇന്ത്യയിൽ പ്രതിദിന രോഗികള്‍ 14 ലക്ഷം വരെ ഉയര്‍ന്നേക്കാം: കേന്ദ്രം
ഇന്നലെ എറണാകുളം ജില്ലയിൽ ദമ്പതികൾക്കും ഒമിക്രോൺ സ്ഥിരീകരിച്ചിരുന്നു. യുഎഇയിൽ നിന്ന് നെടുമ്പാശേരി വിമാനത്താവളം വഴി കേരളത്തിലെത്തിയവർക്കാണ് രോഗം സ്ഥിരീകരിച്ചത്. ഇവരുടെ പ്രാഥമിക സമ്പർക്കപ്പട്ടികയിൽ ഏഴോളം പേരുണ്ട്. സംസ്ഥാനത്ത് കൂടുതൽ പേർക്ക് ഒമിക്രോൺ സ്ഥിരീകരിക്കുന്ന സാഹചര്യത്തിൽ അതീവജാഗ്രതയിലാണ് സംസ്ഥാന സർക്കാർ. വിദേശത്തു നിന്നെതത്തുന്ന എല്ലാവരും 14 ദിവസം നിർബന്ധമായും നിരീക്ഷണത്തിൽ കഴിയണമെന്ന് എറണാകുളം ജില്ലാ കളക്ടർ അറിയിച്ചിട്ടുണ്ട്. ഹൈ റിസ്ക് പട്ടികയിൽ പെടാത്ത രാജ്യങ്ങളിൽ നിന്നും കേരളത്തിലെത്തുന്നവർക്ക് രോഗം സ്ഥിരീകരിക്കുന്ന സാഹചര്യത്തിലാണ് അധികനിയന്ത്രണം. വിദേശത്തു നിന്ന് എത്തുന്നവരോടു സ്വയം നിരീക്ഷണത്തിൽ കഴിയാനാണ് ജില്ലാ കളക്ടർ നിർദേശിച്ചിട്ടുള്ളത്.
അതേസമയം, രാജ്യത്ത് നൂറിലധികം പേ‍ര്‍ക്ക് ഒമിക്രോൺ സ്ഥിരീകരിച്ച സാഹചര്യത്തിൽ കനത്ത ജാഗ്രതാനി‍ര്‍ദേശമാണ് കേന്ദ്രസര്ക്കാര് നല്‍കിയിരിക്കുന്നത്. യുകെയിലെയും ഫ്രാൻസിലെയും രോഗവ്യാപന തോത് പരിശോധിച്ചാൽ രാജ്യത്ത് ഒമിക്രോൺ കേസുകളുടെ എണ്ണം പ്രതിദിനം 14 ലക്ഷം വരെയായി ഉയരാമെന്നാണ് കേന്ദ്രസര്ക്കാര് കണക്കുകൂട്ടുന്നത്. ഒമിക്രോൺ വകഭേദത്തിന് തീവ്രവ്യാപനത്തോതുണ്ടെന്നും കേന്ദ്രസര്ക്കാര് മുന്നറിയിപ്പ് നൽകുന്നു. കൊവിഡ് 19 ടാസ്ക് ഫോഴ്സ് മേധാവി ഡോ. വി കെ പോളാണ് മുന്നറിയിപ്പ് നൽകിയത്.
ഫ്രാൻസിൽ നിലവിൽ ഒരു ദിവസം 65,000 പോസിറ്റീവ് കേസുകള്‍ വരെയാണ് സ്ഥിരീകരിക്കുന്നത്. ഈ സാഹചര്യം ഇന്ത്യയിൽ ഉണ്ടായാൽ ജനസംഖ്യ പരിഗണിച്ചാൽ ഒരു ദിവസം 14 ലക്ഷം കേസുകൾ വരെയായി ഒമിക്രോൺ ബാധ ഉയരാമെന്നാണ് കേന്ദ്ര വിദഗ്ധ സമിതികളുടെ നിഗമനം.
ഇത് വീടോ.. അതോ… കണ്ണൂര്‍ അഗ്നിരക്ഷാ നിലയം സൂപ്പറാ!!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : new omicron cases detected in malappuram district as passenger from sharjah tested positive with new variant
Malayalam News from Samayam Malayalam, TIL Network
