ഭാരം കുറയ്ക്കാൻ ശ്രമിക്കുന്നവർക്കിടയിൽ വളരെ പ്രശസ്തമാണ് ഇന്റർമിറ്റന്റ് ഫാസ്റ്റിംഗ്. ഭക്ഷണം കഴിച്ചും അതോടൊപ്പം ഉപവസിച്ചും ചെയ്ത് പോരുന്ന ഒരു രീതിയാണിത്. ഭക്ഷണം കഴിക്കുന്ന സമയത്ത് സമീകൃതാഹാരം കഴിക്കുക എന്നതാണ് ഏറ്റവും മികച്ച രീതി.
ഇടവിട്ടുള്ള ഉപവാസം: ഇവയൊക്കെ കഴിക്കാം
ഹൈലൈറ്റ്:
- ഇന്റർമിറ്റന്റ് ഫാസ്റ്റിംഗ് ചെയ്യുമ്പോൾ എന്തൊക്കെ കഴിക്കാം?
- ആഹാരശീലം സമീകൃതമായിരിക്കണം, ഇവയൊക്കെ ഉൾപ്പെടുത്താം.
ഭക്ഷണം കഴിക്കുന്ന 8 മണിക്കൂർ എന്തും കഴിക്കാം. അതിന് നിയന്ത്രണങ്ങളൊന്നും തന്നെയില്ല. എന്നിരുന്നാലും ആരോഗ്യകരമായ ഭക്ഷണം കഴിക്കാനായി തിരഞ്ഞെടുക്കുന്നതാണ് ഇടവിട്ടുള്ള ഉപവാസം പിന്തുടരുമ്പോൾ ഗുണം ലഭിക്കാനുള്ള മികച്ച രീതി. അതോടൊപ്പം ഓർക്കേണ്ട കാര്യം, ഭക്ഷണം കഴിക്കുന്ന സമയം എത്തും വാരി വലിച്ച് അമിതമായി കഴിക്കുന്നത് നിങ്ങൾ ഉദ്ദേശിക്കുന്ന ഗുണങ്ങൾ നൽകില്ല.
തിരഞ്ഞെടുക്കേണ്ടത് സമീകൃതാഹാരം
നിങ്ങളുടെ ഭക്ഷണ പദ്ധതി പ്രകാരം സമീകൃതാഹാരം കഴിക്കുക എന്നതാണ് ഏറ്റവും നല്ല പരിഹാരം. ഇത് ശരീരഭാരം കുറയ്ക്കുമ്പോൾ തന്നെ നിങ്ങളുടെ ഊർജ്ജ നില നിലനിർത്താൻ സഹായിക്കും. വിത്തുകൾ, ബീൻസ്, നട്ട്സ്, മുഴു ധാന്യങ്ങൾ, പച്ചക്കറികൾ, പഴങ്ങൾ തുടങ്ങിയ പോഷകങ്ങൾ അടങ്ങിയ ഭക്ഷണങ്ങൾ നല്ല തിരഞ്ഞെടുപ്പാണ്.
നിങ്ങൾക്ക് ഇഷ്ടപ്പെട്ട ഭക്ഷണങ്ങളും കഴിക്കാം. വാസ്തവത്തിൽ, ഏറ്റവും നല്ല മാർഗം 80/20 നിയമം പിന്തുടരുക എന്നതാണ്, അതിൽ നിങ്ങളുടെ കലോറിയുടെ 80 ശതമാനവും പോഷക സാന്ദ്രമായ ഭക്ഷണങ്ങളിൽ നിന്നും നിങ്ങളുടെ കലോറിയുടെ 20 ശതമാനവും നിങ്ങൾ ഇഷ്ടപ്പെടുന്ന ഏത് ഭക്ഷ്യ ഉറവിടത്തിൽ നിന്നും ആകാം; ഉദാഹരണത്തിന് ചായ, ചോക്കലേറ്റ്, മധുരപലഹാരങ്ങൾ തുടങ്ങിയവ.
നഖം പറയും നിങ്ങളുടെ ആരോഗ്യം; ഈ മാറ്റങ്ങൾ ശ്രദ്ധിക്കൂ
നിങ്ങൾ ഇടവിട്ടുള്ള ഉപവാസത്തിലായിരിക്കുമ്പോൾ പ്രയോജനപ്രദമായ ചില ഭക്ഷണങ്ങളുണ്ട്
1. അവോക്കാഡോ:
അതെ, അവ ഉയർന്ന കലോറി അടങ്ങിയവയാണ്. എന്നിരുന്നാലും, അവ മോണോസാച്ചുറേറ്റഡ് കൊഴുപ്പുകളാൽ നിറഞ്ഞിരിക്കുന്നു. ഇത് നമ്മെ വളരെ സംതൃപ്തരാക്കുന്നു. നിങ്ങളുടെ ഭക്ഷണത്തിൽ പകുതി അവോക്കാഡോ ചേർത്താൽ, നിങ്ങൾക്ക് കൂടുതൽ സംതൃപ്തി അനുഭവപ്പെടും.
2. മത്സ്യം:
നിങ്ങൾ നോൺ വെജിറ്റേറിയൻ ആണെങ്കിൽ എല്ലാ ആഴ്ചയും കുറഞ്ഞത് 8 ഔൺസ് മത്സ്യം കഴിക്കാൻ ശ്രമിക്കണം. മത്സ്യത്തിൽ പ്രോട്ടീൻ, ആരോഗ്യകരമായ കൊഴുപ്പ്, വിറ്റാമിൻ ഡി എന്നിവ അടങ്ങിയിട്ടുണ്ട്. ഇത് നിങ്ങളുടെ തലച്ചോറിന്റെ ആരോഗ്യത്തിനും നല്ലതാണ്.
3. ക്രൂസിഫറസ് പച്ചക്കറികൾ:
കോളിഫ്ലവർ, ബ്രസൽസ് മുളകൾ, ബ്രൊക്കോളി തുടങ്ങിയ ഭക്ഷണങ്ങൾ നല്ല തിരഞ്ഞെടുപ്പാണ്. മലബന്ധം ഒഴിവാക്കാനും കൂടുതൽ പൂർണ്ണത അനുഭവപ്പെടാനും നിങ്ങളെ സഹായിക്കുന്നതിന് അവയിൽ നാരുകൾ അടങ്ങിയിട്ടുണ്ട്.
4. ഉരുളക്കിഴങ്ങ്:
ശരീരഭാരം കുറയ്ക്കാൻ ശ്രമിക്കുന്നവർക്ക് ഉരുളക്കിഴങ്ങ് ഒരു ആരോഗ്യകരമായ തിരഞ്ഞെടുപ്പല്ല എന്ന് പൊതുവെ പറയാറുണ്ട്. എന്നിരുന്നാലും, അവ വളരെ തൃപ്‌തിദായകമാണ്, മാത്രമല്ല കൂടുതൽ നേരം നിങ്ങളുടെ വയർ നിറഞ്ഞിരിക്കുകയും ചെയ്യും.
5. പയർവർഗ്ഗങ്ങളും ബീൻസും:
ഇവ കാർബോഹൈഡ്രേറ്റ് ആണെങ്കിലും, അവ നിങ്ങൾക്ക് കുറഞ്ഞ കലോറിയും ധാരാളം ഊർജ്ജവും നൽകുന്നു. അവയിൽ പ്രോട്ടീനും ഫൈബറും അടങ്ങിയിട്ടുണ്ട്.
6. പ്രോബയോട്ടിക്സ്:
പ്രോബയോട്ടിക്ക് ഭക്ഷണങ്ങൾ കഴിക്കുന്നത് നിങ്ങളുടെ കുടലിനെ ആരോഗ്യത്തോടെ നിലനിർത്താൻ സഹായിക്കുന്നു. നിങ്ങൾ ഈ ഭക്ഷണക്രമം പിന്തുടരുമ്പോൾ വയറിലെ പ്രശ്നങ്ങൾ ഒഴിവാക്കാൻ അവ നിങ്ങളെ സഹായിക്കും.
Zinc Rich Foods : പ്രതിരോധ ശക്തി കൂട്ടാൻ കഴിക്കണം സിങ്ക് അടങ്ങിയ ഈ ഭക്ഷണങ്ങൾ
7. സരസഫലങ്ങൾ:
സ്ട്രോബെറി, ബ്ലൂബെറി എന്നിവ പോലെയുള്ള ബെറി പഴങ്ങൾ വിറ്റാമിൻ സി പോലുള്ള പോഷകങ്ങളാൽ നിറഞ്ഞതാണ്. അവ ശരീരഭാരം കുറയ്ക്കാൻ സഹായിക്കുമെന്ന് അറിയപ്പെടുന്ന ഫ്ലേവനോയ്ഡുകളാലും സമ്പന്നമാണ്.
8. മുട്ട:
ഓരോ മുട്ടയിലും 6 ഗ്രാം പ്രോട്ടീൻ ഉണ്ട്. മുട്ട കഴിക്കുന്നത് വഴി നിങ്ങൾക്ക് വയറു നിറഞ്ഞതായി തോന്നും.
9. നട്ട്സ്:
അതെ, നട്ട്സിൽ കലോറിയുടെ അളവ് ഉയർന്ന നിലയിലാണ്. എന്നിരുന്നാലും, അവയിൽ നിറഞ്ഞിരിക്കുന്ന പോളിഅൺസാച്ചുറേറ്റഡ് കൊഴുപ്പ് നിങ്ങളുടെ വയർ പൂർണ്ണമായി അനുഭവപ്പെടാൻ സഹായിക്കുന്നു.
10. മുഴുവൻ ധാന്യങ്ങൾ:
അതെ, മുഴുവൻ ധാന്യങ്ങളും കാർബോഹൈഡ്രേറ്റ് ആണ്! എന്നിരുന്നാലും, അവ പ്രോട്ടീനും നാരുകളും നിറഞ്ഞതാണ്. കൂടുതൽ നേരം വയറുനിറഞ്ഞതായി തോന്നാൻ നിങ്ങൾ ഇവ അധികം കഴിക്കേണ്ടതില്ല. ധാന്യങ്ങൾ കഴിക്കുന്നത് നിങ്ങളുടെ മെറ്റബോളിസം വർദ്ധിപ്പിക്കുമെന്ന് ഒരു പഠനം തെളിയിച്ചിട്ടുണ്ട്.
കാപ്പി കുടിച്ചാൽ ലഭിക്കുന്ന ചില ഗുണങ്ങൾ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : add these foods in your diet when you take intermittent fasting
Malayalam News from Samayam Malayalam, TIL Network
