രാഷ്ട്രീയക്കാരും മതസംഘടനകളും പറയുന്നവരെ പ്രതികളാക്കുന്നു; പോലീസിനെതിരെ പന്ന്യൻ രവീന്ദ്രൻ

തിരുവനന്തപുരം: കേരളാ പോലീസിനെതിരെ രൂക്ഷ വിമർശനവുമായി സിപിഐ മുൻ സംസ്ഥാന സെക്രട്ടറി പന്ന്യൻ രവീന്ദ്രൻ. പോലീസ് പലപ്പോഴും രാഷ്ട്രീയ പാർട്ടികളും മത സംഘടനകളും പറയുന്നവരെ പ്രതികളാക്കുകയാണെന്ന് അദ്ദേഹം പറഞ്ഞു.



മതസംഘടനകളും രാഷട്രീയ പാർട്ടികളും നൽകുന്ന പേരുവെച്ച് കേസ് ഒതുക്കുന്ന ഏർപ്പാട് പലപ്പോഴും നടക്കാറുണ്ട്. അത് കൂടിക്കൂടി വരികയാണ്. അത് ആപത്താണ്. ചില പോലീസ് ഉദ്യോഗസ്ഥർ അതിനുവേണ്ടി മാത്രം നിൽക്കുന്ന ആളുകളാണെന്ന് അദ്ദേഹം പറഞ്ഞു. വർഗീയ- രാഷ്ട്രീയ കൊലപാതകങ്ങൾക്കെതിരെ എഐവൈഎഫ് സംഘടിപ്പിച്ച മാനവ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

പി ടി തോമസിന്റെ മരണം ആഘോഷിക്കുന്നു; പരാതിയുമായി യൂത്ത് കോൺഗ്രസ്

കൊലപാതകങ്ങള്‍ നടത്തുന്ന പാര്‍ട്ടികള്‍ നല്‍കുന്ന ലിസ്റ്റ് അനുസരിച്ച് പ്രതിപട്ടിക തയ്യാറാക്കുന്ന അവസ്ഥക്ക് മാറ്റം വരണം. ഇത് കുറ്റവാളികള്‍ക്ക് രക്ഷപ്പെടുവാന്‍ അവസരം നല്‍കും. കേരളത്തിലെ ഇടതു ഗവണ്‍മെന്‍റിന് കളങ്കം ചാര്‍ത്താൻ ഭൂരിപക്ഷ- ന്യൂനപക്ഷ വര്‍ഗ്ഗീയ പ്രസ്ഥാനങ്ങള്‍ നടത്തുന്ന ഗൂഢശ്രമങ്ങളുടെ ഭാഗമാണ് കേരളത്തില്‍ രാഷ്ട്രീയത്തിന്‍റെ പേരില്‍ നടക്കുന്ന കൊലപാതകങ്ങൾ- പന്ന്യൻ പറഞ്ഞു.

കോൺഗ്രസിനുള്ളിലെ ഇടതുപക്ഷ മുഖം; പി ടി തോമസിനെ അനുസ്മരിച്ച് ഷിബു ബേബി ജോൺ

നാട്ടിൽ കൊലപാതകങ്ങൾ തടയാൻ കൃത്യമായ ഇടപെടൽ ഉണ്ടാകണം. പോലീസ് ഇക്കാര്യത്തിൽ കർശനമായ ഇടപെടൽ നടത്തണമെന്നും അദ്ദേഹം ആവശ്യപ്പെട്ടു. ആലപ്പുഴയിലെ ഇരട്ട കൊലപാതകങ്ങളുടെ പശ്ചാത്തലത്തിലാണ് പന്ന്യന്റെ പ്രതികരണം.

ആലപ്പുഴയിലെ ഇരട്ട കൊലപാതകങ്ങൾ കഴിഞ്ഞിട്ട് നാല് ദിവസം പിന്നിട്ടെങ്കിലും പ്രതികളെ പിടികൂടാൻ പോലീസിനായിട്ടില്ല. കൊലപാതകത്തിൽ നേരിട്ടു പങ്കെടുത്തവർ ഇപ്പോഴും ഒളിവിലണ്. ഷാന്റെയും രഞ്ജിത്തിന്റെയും കൊലപാതകങ്ങൾക്കു പിന്നിൽ ഉന്നതതല ആസൂത്രണം നടന്നിട്ടുണ്ടെന്നാണ് പോലീസ് കരുതുന്നത്.