രാജീവ് ഗാന്ധി വധക്കേസിലെ പ്രതികൾക്ക് ‘ദീർഘകാല പരോൾ’ നൽകാൻ നീക്കം; നിർണ്ണായക ഇടപെടലുമായി തമിഴ്നാട് സർക്കാർ

ചെന്നൈ: രാജീവ് ഗാന്ധി വധക്കേസിൽ ശിക്ഷ അനുഭവിക്കുന്ന പ്രതികൾക്ക് ദീർഘകാല പരോൾ നൽകാൻ നീക്കവുമായി തമിഴ്നാട് സർക്കാർ. ഇതുസംബന്ധിച്ച് സർക്കാർ നിയമ വിദഗ്ദരുമായി ചർച്ച നടത്തി. പ്രതികളുടെ മോചനത്തിനായി സർക്കാർ നേരത്തെ ശുപാർശ ചെയ്തിരുന്നു.



നദിയിലൂടെ ഒഴുകി വന്ന പെട്ടിയിൽ ജീവനുള്ള കുഞ്ഞ്; ഒപ്പം ജാതകവും ദേവിയുടെ ചിത്രവും

പ്രതികളെ മോചിപ്പിക്കാനുള്ള സർക്കാരിന്റെ ശുപാർശയിൽ ഗവർണറുടെ തീരുമാനം വൈകുന്ന സാഹചര്യത്തിലാണ് പുതിയ നീക്കം. ഡൽഹിയിലെത്തിയ തമിഴ്നാട് മുഖ്യമന്ത്രി എംകെ സ്റ്റാലിൻ ഇക്കാര്യം കേന്ദ്രത്തോട് ആവശ്യപ്പെടും. പ്രതികൾക്ക് ദീർഘകാല പരോൾ നൽകിയാലും ഇവരെ അഭയാർത്ഥി ക്യാമ്പിലേക്ക് അയക്കാനാണ് സർക്കാരിന്റെ നീക്കം. ഏഴ് പ്രതികളിൽ നാലു പേർ ശ്രീലങ്കൻ പൗരത്വമുള്ളവരാണ്.

സിബിഎസ്ഇ: 12-ാം ക്ലാസ് ഫലത്തിന് 10, 11 ക്ലാസുകളിലെ മാ‍ര്‍ക്ക് പരിഗണിക്കും; യൂണിറ്റ്, ടേം പരീക്ഷകള്‍ നിര്‍ണായകം

രാജീവ് ഗാന്ധി വധക്കേസ് പ്രതികളെ വിട്ടയയ്ക്കണമെന്ന് ഡിഎംകെ നേതാവും തമിഴ്നാട് മുഖ്യമന്ത്രിയുമായ എംകെ സ്റ്റാലിൻ നേരത്തെ ആവശ്യപ്പെട്ടിരുന്നു. പ്രതികളെ വിട്ടയയ്ക്കാനുള്ള നടപടി വൈകുന്നത് മനുഷ്യത്വമില്ലായ്മയാണെന്ന് സ്റ്റാലിൻ പറഞ്ഞു. അടിയന്തരമായി ഏഴ് പ്രതികളെയും വിട്ടയയ്ക്കണം. മൂന്ന് പതിറ്റാണ്ടായി ഇവ‍ര്‍ സമാനതകളില്ലാത്ത ദുരിതം അനുഭവിക്കുകയാണെന്നും അദ്ദേഹം വ്യക്തമാക്കിയിരുന്നു.