Sumayya P | Lipi | Updated: 17 Jun 2021, 05:35:00 PM
കാണികള്‍ക്കുള്ള സേവനം, അതിഥികളെ സ്വീകരിക്കല്‍, മീഡിയ തുടങ്ങിയ വിവിധ മേഖലകളില്‍ സേവനം ചെയ്യാന്‍ വളണ്ടിയര്‍മാര്‍ക്ക് അവസരം ലഭിക്കും.
ദോഹ: ഈ വര്‍ഷാവസാനം ഖത്തറില്‍ നടക്കുന്ന ഫിഫ അറബ് കപ്പിന്റെ സുഗമമായ സംഘാടനത്തിന് വഴിയൊരുക്കുന്നതിന്റെ ഭാഗമായി സംഘാടക സമിതിയായ സുപ്രിം കമ്മിറ്റി ഫോര്‍ ഡെലിവറി ആന്റ് ലെഗസി വളണ്ടിയര്‍മാരെ ക്ഷണിക്കുന്നു. സ്വദേശികള്‍ക്കും പ്രവാസികള്‍ക്കും വളണ്ടിയര്‍ സേവനത്തിന് അവസരമുണ്ടാകും. ഫിഫ ലോകകപ്പിന്റെ റിഹേഴ്‌സലെന്നോണം കൃത്യം ഒരു വര്‍ഷം മുമ്പ് നംവബര്‍ 30 മുതല്‍ ഡിസംബര്‍ 18 വരെയാണ് ഫിഫ അറബ് കപ്പ് ഖത്തറില്‍ നടക്കുന്നത്. അറബ് കപ്പ് ടൂര്‍ണമെന്റിന്റെ ഭാഗമാവുന്നതോടൊപ്പം തെരഞ്ഞെടുക്കപ്പെടുന്ന വളണ്ടിയര്‍മാര്‍ക്ക് 2022ലെ ഫിഫ ലോക കപ്പിലേക്ക് കൂടി സന്നദ്ധ പ്രവര്‍ത്തകരായി സേവനം ചെയ്യാന്‍ അവസരം ലഭിക്കുമെന്ന് അധികൃതര്‍ അറിയിച്ചു.രണ്ട് പ്രധാന ലക്ഷ്യങ്ങളോടെയാണ് വളണ്ടിയര്‍ പദ്ധതിക്ക് 2018ല്‍ ഖത്തര്‍ അധികൃതര്‍ തുടക്കമിട്ടത്. 2022ല്‍ ഖത്തറില്‍ നടക്കുന്ന ലോക കപ്പിന് വേണ്ടി സന്നദ്ധ പ്രവര്‍ത്തകരെ സജ്ജമാക്കുക എന്നതായിരുന്നു ഏറ്റവും പ്രധാനമായി ഇതിലൂടെ ലക്ഷ്യമിട്ടത്. അതോടൊപ്പം ഖത്തറില്‍ നടക്കുന്ന വിവിധ പരിപാടികളിലും മെഗാ ഇവന്റുകളിലും വ്യത്യസ്ത സേവനങ്ങള്‍ അനുഷ്ഠിക്കുന്നതിന് മികച്ച പരിശീലനം ലഭിച്ച ഒരു വിഭാഗത്തെ സജ്ജമാക്കിയെടുക്കുക എന്ന ദീര്‍ഘകാല ലക്ഷ്യവും ഇതിനു പിന്നില്‍ ഉണ്ടായിരുന്നു. മൂന്നു വര്‍ഷം മുമ്പ് ആരംഭിച്ച വളണ്ടിയര്‍ പദ്ധതി വന്‍ വിജയമാണെന്നും പതിനായിരക്കണക്കിന് പേര്‍ സന്നദ്ധ സേവനത്തിന് തയ്യാറായി മുന്നോട്ട് വരുന്നുണ്ടെന്നും സുപ്രിം കമ്മിറ്റിയുടെ വൊളന്റിയര്‍ സ്ട്രാറ്റജി മാനേജര്‍ നാസര്‍ മുഗൈസീബ് പറഞ്ഞു.
Also Read: 
ഭര്‍ത്താവ് ഫോണ്‍ ചോര്‍ത്തിയതിന് വിവാഹ മോചനം തേടി സൗദി യുവതി കോടതിയില്‍
ഇതിനകം 165 രാജ്യങ്ങളില്‍ നിന്നായി 3,72,000 വളണ്ടിയര്‍മാരാണ് പദ്ധതിയിലേക്ക് രജിസ്റ്റര്‍ ചെയ്തത്. 18 വയസ്സും അതിന് മുകളിലും പ്രായം ഉള്ളവര്‍ക്ക് https://volunteer.fifa.com/invite/FAC2021 എന്ന ലിങ്ക് വഴി പദ്ധതിയിലേക്ക് രജിസ്റ്റര്‍ ചെയ്യാം. കാണികള്‍ക്കുള്ള സേവനം, അതിഥികളെ സ്വീകരിക്കല്‍, മീഡിയ തുടങ്ങിയ വിവിധ മേഖലകളില്‍ സേവനം ചെയ്യാന്‍ വളണ്ടിയര്‍മാര്‍ക്ക് അവസരം ലഭിക്കും.
പഠനം മുടങ്ങാതിരിക്കാന്‍ കപ്പ ചലഞ്ച്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar supreme committee seeking volunteers for the inaugural fifa arab cup 2021
Malayalam News from malayalam.samayam.com, TIL Network
