എട്ട് എംഎൽഎമാരും മൂന്ന് എംപിമാരും നിരന്തരം ബന്ധപ്പെടുന്നുവെന്ന് തൃണമൂൽ; ബിജെപിക്ക് തിരിച്ചടി

ന്യൂഡൽഹി: എട്ടോളം ബിജെപി എംഎൽഎമാരും എംപിമാരും തൃണമൂൽ കോൺഗ്രസുമായി നിരന്തരം ബന്ധപ്പെടുന്നുണ്ടെന്ന് പാർട്ടി നേതാവ് കുനാൽ ഘോഷ്. തൃണമൂലിൽ നിന്നും ബിജെപിയിലെത്തിയ നേതാക്കൾക്ക് അവിടെ തുടരാൻ താൽപര്യമില്ലെന്നും അവരുടെ കാര്യത്തിൽ മമത തീരുമാനമെടുക്കുമെന്നും അദ്ദേഹം വ്യക്തമാക്കി.



‘തിരുവള്ളുവറിനെ കാവി ഉടുപ്പിക്കേണ്ട’: ചിത്രം നീക്കം ചെയ്‌ത് ഡിഎംകെ സർക്കാർ

തൃണമൂൽ വിട്ടുപോയ മുകുൾ റോയും മകൻ ശുഭ്രാംശു റോയിയും അടുത്തയിടെ പാർട്ടിയിൽ തിരികെയെത്തിയിരുന്നു. മമത ബാനർജിയുടെ സാന്നിധ്യത്തിലാണ് മടക്കം. മുകുൾ റോയ്ക്ക് പാർട്ടിയിൽ സുപ്രധാന ചുമതല നൽകുമെന്നും മമത വ്യക്തമാക്കി. ഇവരുടെ മടക്കത്തിനു പിന്നാലെ പാർട്ടി വിട്ട മറ്റ് അംഗങ്ങളും തിരികെയെത്താൻ ആലോചിക്കുന്നുവെന്നാണ് റിപ്പോർട്ട്.

രാജീവ് ഗാന്ധി വധക്കേസിലെ പ്രതികൾക്ക് ‘ദീർഘകാല പരോൾ’ നൽകാൻ നീക്കം; നിർണ്ണായക ഇടപെടലുമായി തമിഴ്നാട് സർക്കാർ

അതേസമയം, നിയമസഭാ തെരഞ്ഞെടുപ്പിൽ നന്ദിഗ്രാമിലെ തോൽവി ചോദ്യം ചെയ്‌ത് മമതാ ബാനർജി കൊൽക്കത്ത ഹൈക്കോടതിയെ സമീപിച്ചു. നന്ദിഗ്രാമിലെ സുവേന്ദു അധികാരിയുടെ വിജയം ചോദ്യം ചെയ്‌താണ് ഹർജി. മമതയുടെ ഹർജി വെള്ളിയാഴ്‌ച രാവിലെ 11 മണിക്ക് കോടതി പരിഗണിക്കും. നന്ദിഗ്രാമിലെ വോട്ടെണ്ണലിൽ കൃത്രിമം നടന്നിട്ടുണ്ടെന്ന് മുൻപ് മമത ആരോപിച്ചിരുന്നു.