ഇന്ധനവുമായെത്തിയ ടാങ്കർ മറിഞ്ഞു; പരിക്കേറ്റ ഡ്രൈവറെ ശ്രദ്ധിക്കാതെ പെട്രോൾ ഊറ്റി നാട്ടുകാർ

ന്യൂഡൽഹി: ഇന്ധനവുമായി വന്ന ടാങ്കര്‍ ലോറി മറിഞ്ഞ് ഡ്രൈവർക്ക് പരിക്ക്. എന്നാൽ പരിക്കേറ്റ ഡ്രൈവറെ ശ്രദ്ധിക്കാതെ വാഹനത്തിൽ നിന്നും പെട്രോൾ ഊറ്റുകയായിരുന്നു നാട്ടുകാർ. ഇന്ധനവുമായി വന്ന വാഹമ മറിഞ്ഞതറിഞ്ഞ് നിരവധിയാളുകളാണ് പ്രദേശത്ത് ഒത്തുകൂടിയതെന്നും എന്നാൽ ഇവരാരും ഡ്രൈവറെ ശ്രദ്ധിക്കാതെ പെട്രോൾ ഊറ്റുകയുമായിരുന്നെന്ന് ഇംഗ്ലീഷ് വാർത്താ ചാനലായ എൻഡിടിവിയാണ് റിപ്പോർട്ട് ചെയ്തത്.



മധ്യപ്രദേശിലെ ശിവപുരി ജില്ലയിലെ പൊഹ്‌റി എന്ന സ്ഥലത്താണ് വാഹനാപകടമുണ്ടായത്. ഗ്വാളിയോറില്‍ നിന്ന് ഷേപുരിലേക്ക് ഇന്ധനവുമായി പോകുകയായിരുന്നു ടാങ്കര്‍ ലോറി. അമിത വേഗതയെത്തുടർന്നാണ് വാഹനം മറിഞ്ഞതെന്നാണ് റിപ്പോർട്ട്. എന്നാൽ അപകടം നടന്നതോടെ ഓടിക്കൂടിയ നാട്ടുകാർ പെട്രോൾ ഊറ്റുകയായിരുന്നു.

Also Read : ഇടുക്കി ജില്ലയുടെ മന്ത്രിയെന്ന നിലയിൽ പ്രഥമ പരിഗണന ഇക്കാര്യത്തിന്; നയം വ്യക്തമാക്കി റോഷി അഗസ്റ്റിൻ



കന്നാസും കുപ്പികളുമായെത്തി പെട്രോൾ ഊറ്റുന്ന നാട്ടുകാരുടെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. ജില്ലയിൽ ഒരുലിറ്റർ പെട്രോളിന് 106 രൂപയാണ് വിലയെന്നാണ് റിപ്പോർട്ടുകൾ വ്യക്തമാക്കുന്നത്. ഈ സമയത്താണ് ടാങ്കർ മറിഞ്ഞത് അറിഞ്ഞെത്തിയ നാട്ടുകാർ വാഹനത്തിൽ നിന്നും ഇന്ധനം ഊറ്റിയത്. ചിലയാളുകൾ ബൈക്കിലെത്തിയും പെട്രോൾ കൊണ്ടുപോയി.

Also Read : കൊവിഡ് ചതിച്ചു; മോദിയുടെ സ്വീകാര്യതയിൽ 20 ശതമാനം ഇടിവ്, എന്നിട്ടും ലോക നേതാക്കളിൽ മുന്നിൽ



വിവരമറിഞ്ഞ പോലീസ് എത്തിയെങ്കിലും നാട്ടുകാരെ പിരിച്ചുവിടാൻ ഇവരും പണിപ്പെട്ടു. പിന്നീട് നാട്ടുകാരുടെ സഹായത്തോടെയാണ് ജനക്കൂട്ടം ഒഴിവാക്കിയതെന്നാണ് റിപ്പോർട്ട്.