റൂഹ് അഫ്സ മാഗി, ഫ്രൂട്ട് ഫയർ ദോശ, ഗുലാബ് ജാമുൻ സമോസ! ഇതിനൊരു അന്ത്യവുമില്ലേ?

ന്യുട്ടെല്ല ബിരിയാണി, ഓറിയോ ബജി, ച്യവനപ്രാശം ഫ്ലേവറിലുള്ള ഐസ്ക്രീം, മാസ്ക് നാനും കൊവിഡ് കറിയും, പാസ്ത ദോശ, പരിപ്പ് ബിരിയാണി, ഇറച്ചിയുടെ ഫ്ലേവറുള്ള ഐസ്ക്രീം, മാഗ്ഗി മിൽക്ക്ഷേക്ക്, മുളക് ഐസ്ക്രീം, ഫ്രൈഡ് മോമോ, കഴിഞ്ഞ ഏതാനും മാസങ്ങളായി സമൂഹ മാധ്യമശ്രദ്ധ നേടിയ ചില വിഭവങ്ങളാണ് മേല്പറഞ്ഞത്. കഴിഞ്ഞ കുറച്ച് കാലമായി ഇതാണ് ട്രെൻഡ്. പരസ്പരം ഒരിക്കലും ചേരില്ല എന്ന് തോന്നിപ്പിക്കുന്ന ചേരുവകൾ ചേർത്ത് വിഭവങ്ങൾ തയ്യാറാക്കുക, സമൂഹ മാധ്യമങ്ങളിൽ പോസ്റ്റ് ചെയ്യുക, ഭാഗ്യമുണ്ടെങ്കിൽ വിഭവം വൈറൽ. ഈ നിരയിലേക്ക് ഈ ആഴ്ചയും ചില വിഭവങ്ങൾ എത്തിയിട്ടുണ്ട്. ഇവയെ പരിചയപ്പെടാം.



ഫ്രൈഡ് മോമോയുടെ കാലം കഴിഞ്ഞു! ഇനി താരം ഫയർ മോമോ

റൂഹ് അഫ്സ മാഗി

ഇൻസ്റ്റന്റ് ന്യൂഡിൽസ് വിപണിയിൽ തീരെ ആമുഖം വേണ്ടാത്ത ബ്രാൻഡാണ് മാഗി. അതെ സമയം ഉത്തരേന്ത്യയിൽ ഏറെ പ്രചാരമുള്ള ഒരു സ്ക്വാഷാണ് റൂഹ് അഫ്സ. ഇത് രണ്ടും കൂടെ മിക്സ് ചെയ്താലോ? വിചിത്രമായ ഈ ഫ്യൂഷൻ ഭക്ഷണത്തിന്റെ വീഡിയോ ഇപ്പോൾ സമൂഹ മാധ്യമങ്ങളിൽ വൈറലാണ്. ഫുഡ് ബ്ലോഗ്ഗർ അർജുൻ ചൗഹാൻ ആണ് വിചിത്രമായ ഈ ഭക്ഷണത്തിന്റെ വീഡിയോ ഇൻസ്റ്റാഗ്രാമിൽ പോസ്റ്റ് ചെയ്തിരിക്കുന്നത്.

മുളക് ഐസ്ക്രീം റെഡി! എന്നാൽ പിന്നെ ഇഞ്ചിയും വെളുത്തുള്ളിയും ചേർത്തുകൂടെ എന്ന് സൈബർലോകം

ഫ്രൂട്ട് ഫയർ ദോശ

പച്ചക്കറികൾ ധാരാളം ചേർത്ത ദോശ നിങ്ങൾ ഒരുപക്ഷെ കഴിച്ചുകാണും. എന്നാൽ പഴവർഗ്ഗങ്ങൾ ചേർത്ത ദോശ കഴിച്ചിട്ടുണ്ടോ? ഫുഡ് ബ്ലോഗ്ഗർ അർജുൻ ചൗഹാൻ തന്നെയാണ് ഫ്രൂട്ട് ഫയർ ദോശയും പരിചയപ്പെടുത്തിയത്. ഡൽഹിയിലെ ഗീത കോളനിയിലെ അയ്യർ ജി ദോശ വാലയിലാണ് ഈ വെറൈറ്റി ദോശ വിളമ്പുന്നത്. ആപ്പിൾ, വാഴപ്പഴം, ഉണക്കമുന്തിരി, പനീർ എന്നിങ്ങനെ പലതും ഫ്രൂട്ട് ഫയർ ദോശയിലുണ്ട്. ഫ്രൂട്ട് ഫയർ ദോശ എന്ന് പേര് വരാനുള്ള കാരണമാവും ഇപ്പോൾ ചിന്തിക്കുന്നത്. റെഡ് ചില്ലി സോസും ചേർത്താണ് ഫ്രൂട്ട് ഫയർ ദോശ കഴിക്കേണ്ടത്.

ഗുലാബ് ജാമുൻ സമോസ

വെറൈറ്റി മാഗിയും, ദോശയും കഴിച്ച സ്ഥിതിക്ക് ഇനി അല്പം മധുരം ആവാം അല്ലെ? ഗുലാബ് ജാമുൻ സമോസ റെഡി. സമോസയും ഗുലാബ് ജാമുനും ഏറെപേർക്ക് ഇഷ്ടമുള്ള വിഭവമാണ്. ഒരു ഗുലാബ് ജാമുൻ സമോസയുടെ അകത്താക്കി വറുത്ത് കോരിയാലോ? ഡൽഹിയിൽ വിളമ്പുന്ന ഗുലാബ് ജാമുൻ സമോസ അഭിഷേക്ക് എന്ന് പേരുള്ള ഫുഡ് ബ്ലോഗ്ഗറാണ് പരീക്ഷിച്ചു നോക്കിയത്. പക്ഷെ കക്ഷിയ്ക്ക് തീരെ ഇഷ്ടപ്പെട്ടില്ല.

വിശ്വാസം വരുന്നില്ലല്ലേ? ഈ പരസ്യത്തിന് അങ്ങനെ ഒരു കുഴപ്പമുണ്ട്

വെറൈറ്റി ഭക്ഷണങ്ങളുടെ പരമ്പര ഇനിയും അവസാനിക്കില്ല… അടുത്ത ആഴ്ച ഏതൊക്കെ വിഭവങ്ങളാവും ക്ലിക്ക് ആവുക?