ചർമ്മത്തിലെ കരുവാളിപ്പ് കാണാൻ അത്ര സുഖകരമായ കാഴ്ച ആയിരിക്കില്ല പലർക്കും. ചർമ്മത്തിലെ കരുവാളിപ്പ് നീക്കം ചെയ്യാൻ സഹായിക്കുന്ന ചില പ്രകൃതിദത്ത ചേരുവകളുണ്ട്.
ഹൈലൈറ്റ്:
- ചർമ്മത്തിലെ കരുവാളിപ്പ് എങ്ങനെ പരിഹരിക്കാം?
- ഇതിന് സഹായിക്കുന്ന ചില നാടൻ മാർഗ്ഗങ്ങൾ ഇതാ
ഗ്രീൻ ടീരണ്ട് ടീസ്പൂണ്‍ ഗ്രീൻ ടീ പൊടിച്ചതിലേയ്ക്ക് രണ്ട് നുള്ള് മഞ്ഞൾ ചേർക്കുക. അതിലേയ്ക്ക് രണ്ട് ടീസ്പൂൺ കടലമാവ് കൂടി ചേർക്കാം. ശേഷം കുറച്ച് വെള്ളം ചേർത്ത് മിശ്രിതമാക്കുക. ഈ മിശ്രിതം മുഖത്ത് തേച്ചുപിടിപ്പിക്കുക. 30 മിനിറ്റിന് ശേഷം കഴുകി കളയാം. ആഴ്ചയിൽ ഒന്നോ രണ്ടോ തവണ ഇത് ചെയ്യാം.
കാപ്പിപ്പൊടി
ഒരു നുള്ള് മഞ്ഞളുംഒരു ടീസ്പൂണ്‍ കാപ്പിപ്പൊടിയിലേയ്ക്ക് ഒരു ടീസ്പൂണ്‍ തൈരും ചേര്‍ത്ത് മിശ്രിതമാക്കുക. ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം. ആഴ്ചയിൽ ഒന്നോ രണ്ടോ തവണ ഇത് ചെയ്യാം.മുഖത്തെ കരുവാളിപ്പ് മാറാന്‍ ഈ പാക്ക് സഹായിക്കും. 
ചർമ്മം തിളങ്ങാൻ ശ്രദ്ധിക്കണം ഈ 5 കാര്യങ്ങൾ
കടലമാവ്
അടുക്കളയിലെ പലഹാരങ്ങളുണ്ടാക്കാന്‍ സഹായിക്കുന്ന കടലമാവ് പല തരത്തിലെ സൗന്ദര്യ-ചര്‍മ പ്രശ്‌നങ്ങള്‍ക്കും മരുന്നായി ഉപയോഗിയ്ക്കാം. ചര്‍മത്തിലെ മൃത കോശങ്ങള്‍ സ്‌ക്രബ് ചെയ്ത് നീക്കുവാനും അഴുക്കും ഒഴിവാക്കുവാനും ഈ ഫലപ്രദമായ കടലപ്പൊടി മികച്ചതാണ്. മുഖക്കുരു, പാടുകൾ തുടങ്ങിയ ചർമ്മത്തിലെ അപാകതകൾ തടയുന്നതിനും കരുവാളിപ്പിൽ നിന്ന് മുക്തി നേടുന്നതിനും മുഖത്തെ അനാവശ്യമായ രോമങ്ങൾ നീക്കം ചെയ്യുന്നതിനും ഇത് ഏറെ ഫലം ചെയ്യുന്നു.കരുവാളിപ്പിന് പരിഹാരമായി കടലമാവ് കൊണ്ട് പായ്ക്കുണ്ടാക്കാം. 1 ടീസ്പൂണ്‍ കടലമാവ്, രണ്ടുതുള്ളി നാരങ്ങാനീര്, 1ടീസ്പൂണ്‍ തേന്‍, 1 ടീസ്പൂണ്‍ തൈര്, എന്നിവ ചേര്‍ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം തണുത്ത വെള്ളത്തില്‍ കഴുകാം.
Vitamin E : ചർമ്മ സൗന്ദര്യത്തിന് വിറ്റാമിൻ ഇ ഉറപ്പാക്കും ഈ ഗുണങ്ങൾ
തക്കാളി
ആരോഗ്യത്തിന് മാത്രമല്ല, സൗന്ദര്യത്തിനും തക്കാളി ഏറെ നല്ലതാണ്.ആരോഗ്യകരമായ കാര്യങ്ങള്‍ക്ക് ഏറെ സഹായിക്കുന്ന തക്കാളി സൗന്ദര്യത്തിനും ഏറെ നല്ലതാണ്. പല തരത്തിലെ സൗന്ദര്യ പ്രശ്‌നങ്ങള്‍ക്കുള്ള നല്ലൊരു പരിഹാരമാണിത്. തക്കാളി പല തരത്തിലും സൗന്ദര്യ പ്രശ്‌നങ്ങള്‍ക്ക് മരുന്നായി ഉപയോഗിയ്ക്കാം.സണ്‍ടാന്‍ കാരണമുണ്ടാകുന്ന കരുവാളിപ്പിന് തക്കാളിനീര് ബെസ്റ്റാണ്. അര ടീസ്പൂൺ തേനും ഒരു നുള്ള് മഞ്ഞൾപ്പൊടിയുംതക്കാളി നീരും ചേർത്ത് നന്നായി മിക്സ് ചെയ്യുക. ശേഷം ഈ മിശ്രിതം മുഖത്ത് പുരട്ടാം.15 മിനിറ്റിന് ശേഷം തണുത്ത വെള്ളത്തിൽ കഴുകി കളയാം.
കറ്റാർവാഴ
സൂര്യാഘാതമേൽക്കുന്നതു തടയാനും കരുവാളിപ്പിനുമെല്ലാം ദിവസവും മുഖത്തു പുരട്ടാവുന്ന ഒന്നാണു കറ്റാര്‍ വാഴ. അടുപ്പിച്ചു ചെയ്താല്‍ ഗുണം ഉറപ്പാക്കുന്ന ഒന്നാണിത്. കറ്റാര്‍ വാഴ ദിവസവും അല്‍പകാലം അടുപ്പിച്ചു പുരട്ടുക എന്നതാണ് ഇതിനുള്ള തികച്ചും പ്രകൃതിദത്തമായ പരിഹാരം. ഇതിന് ആന്റി ഓക്‌സിഡന്റ് ഗുണങ്ങളും ആന്റി ബാക്ടീരിയല്‍ ഗുണങ്ങളുമെല്ലാമുണ്ട്. ചര്‍മത്തിലുണ്ടാകുന്ന അലര്‍ജി പ്രശ്‌നങ്ങള്‍ക്കും ഇതു നല്ലൊരു മരുന്നു തന്നെയാണ്.കറ്റാർവാഴ ജെല്ലും തേനും വാഴപ്പഴവും ചേര്‍ത്ത മിശ്രിതവും കരുവാളിപ്പിന് നല്ലതാണ്. ടീസ്പൂൺ കറ്റാർവാഴ ജെല്ലുംതേനും അൽപം പഴുത്ത വാഴപ്പഴത്തിന്റെ പേസ്റ്റും ചേർത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടി 15 മിനിറ്റിന് ശേഷം തണുത്ത വെള്ളത്തിൽ കഴുകി കളയുക.
സൗന്ദര്യത്തിന് മാതളനാരങ്ങ ഇങ്ങനെ ഉപയോഗിക്കാം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : natural remedies to get rid of sun tan
Malayalam News from Samayam Malayalam, TIL Network
