കേരള കോൺ​ഗ്രസ് (ബി) കുടുംബത്തിന്റെ പാർട്ടിയല്ല; സഹോദരിക്ക് മറുപടിയുമായി ​ഗണേഷ് കുമാർ എംഎൽഎ

കൊല്ലം: കേരള കോൺഗ്രസ് (ബി) ഒരു കുടുംബത്തിന്റെ പാർട്ടിയല്ലെന്ന് കെ ബി ഗണേഷ് കുമാർ എംഎൽഎ. സഹോദരി ഉഷ മോഹൻദാസിനുള്ള മറുപടിയായാണ് ഗണേഷ് കുമാർ എംഎൽഎയുടെ പ്രതികരണമുണ്ടായിരിക്കുന്നതെന്ന് മാതൃഭൂമി റിപ്പോർട്ട് ചെയ്യുന്നു.



Also Read : പി ടിയുടെ പിൻഗാമിയായി നിയമസഭയിലേക്ക് മത്സരിക്കുമോ? നിലപാട് വ്യക്തമാക്കി ഉമ തോമസ്



കഴി‍ഞ്ഞ ദിവസമായിരുന്നു കേരള കോൺഗ്രസിനെ പിളർത്തി പുതിയ വിഭാഗത്തിന്റെ പുതിയ പ്രസിഡന്റായി ബാലകൃഷ്ണപിള്ളയുടെ മകളായ ഉഷ മോഹൻദാസിനെ തെരഞ്ഞെടുത്തത്. അതിന് പിന്നാലെ ഗണേഷ് കുമാറിനെതിരെ ഗുരുതരമായ ആരോപണങ്ങൾ അവർ ഉന്നയിക്കുകയും ചെയ്തിരുന്നു. ഇതിനുള്ള മറുപടി പറയുകയായിരുന്നു എംഎൽഎ.

അച്ഛൻ രാഷ്ട്രീയത്തിലുള്ളപ്പോൾ ഞാൻ രാഷ്ട്രീയത്തിൽ എത്തിയതാണെെന്നും കഴിഞ്ഞ 23 വർഷം ജനങ്ങൾക്ക് നടുവിൽ അടിത്തട്ടിലിറങ്ങി പ്രവർത്തിക്കുന്നുണ്ടെന്നും കൊല്ലത്ത് വച്ച് പറഞ്ഞു. എന്റെ തീരുമാനങ്ങളല്ല പാർട്ടിയുടേതെന്നും എല്ലാവരും കൂട്ടായ് എടുക്കുന്നതാണെന്നും അദ്ദേഹം വ്യക്തമാക്കി.

Also Read : എസ് രാജേന്ദ്രനെ പാർട്ടിയിൽ നിന്നു പുറത്താക്കാൻ ശുപാർശ ചെയ്ത് പാര്‍ട്ടി അന്വേഷണ കമ്മീഷൻ



തനിക്ക് ശേഷം പ്രളയം എന്ന നിലപാടില്ലെന്നും ഒപ്പം നിന്ന് പ്രവർത്തിക്കാനുള്ള ആളുകളെ വാർത്തെടുക്കാൻ വേണ്ടിയാണ് എല്ലാവരേയും വിളിച്ചു ചേർത്തതെന്നും ഗണേഷ് പറഞ്ഞു.

തന്നെ പാർട്ടി ചെയർമാനാക്കി തെരഞ്ഞെടുത്തത് സംസ്ഥാന എക്സിക്യൂട്ടീവ് കമ്മിറ്റിയാണെന്നും നിയമവിധേയമായി കേരളാ കോൺഗ്രസ് ബി ഒന്നേയുള്ളുവെന്നും ഗണേഷ് കുമാർ പറഞ്ഞു.

ഗണേഷ് കുമാറിന്റെ പ്രവർത്തനം ഏകാധിപതിയെ പോലെയാണെന്ന് ഉഷ മോഹൻദാസ് മാധ്യമങ്ങളോട് പറഞ്ഞിരുന്നു. അദ്ദേഹം കഴിവുള്ള എംഎൽഎയാണ്. എന്നാൽ, ചെയ്യേണ്ട കടമകൾ ഗണേഷ് ചെയ്യുന്നുണ്ടോ എന്ന് സംശയമുണ്ടെന്നും അവർ അന്ന് ആരോപിച്ചിരുന്നു. ഭൂരിപക്ഷം സംസ്ഥാന കമ്മിറ്റിയംഗങ്ങളും ജില്ല പ്രസിഡൻറുമാരും തങ്ങളോടൊപ്പമാണെന്നും ഉഷ മോഹൻദാസ് വ്യക്തമാക്കിയിരുന്നു.

Also Read : തൃക്കാക്കര കടക്കാൻ സുധാകര- സതീശ സഖ്യം; തലവേദനയാകുമോ മുൻ നേതൃത്വം? പ്രതീക്ഷിക്കാൻ എൽഡിഎഫിനും ഏറെ

നിയമസഭാ തെരഞ്ഞെടുപ്പില്‍ ഗണേഷിനോ മുന്‍പ് ആര്‍ ബാലകൃഷ്ണ പിള്ളയ്‌ക്കോ വേണ്ടി ഒരു തവണ പോലും പ്രചാരണ രംഗത്ത് ഇറങ്ങാത്തയാളാണ് ഉഷാ മോഹന്‍ദാസ്. ബാലകൃഷ്ണപിളളയുടെ വില്‍പ്പത്രം കണ്ട് എളുപ്പത്തില്‍ സംസ്ഥാന കമ്മറ്റി ഓഫീസ് പിടിച്ചെടുക്കാനുള്ള സൂത്രപ്പണിയാണ് ഉഷയുടെ നേതൃത്വത്തില്‍ നടക്കുന്നതെന്നും നേതാക്കള്‍ നേരത്തെ ആരോപിച്ചിരുന്നു.