ഒമിക്രോൺ: വിർച്വൽ റാലികൾ സംഘടിപ്പിക്കാൻ തയ്യാറെടുത്ത് ബിജെപി

ന്യൂഡൽഹി: ഒമിക്രോൺ വകഭേദം ഭീഷണി ഉയർത്തുന്നതോടെ തെരഞ്ഞെടുപ്പ് പ്രചരണങ്ങൾ ഓൺലൈനാക്കാൻ ഒരുങ്ങി ബിജെപി. പാർട്ടിയുടെ തെരഞ്ഞെടുപ്പ് ചുമതലയുള്ള കേന്ദ്രമന്ത്രി ഗജേന്ദ്ര സിങ്ങ് ശിഖാവത്തിനെ ഉദ്ധരിച്ച് ദേശീയ മാധ്യമമായ എൻ‍ഡിടിവിയാണ് ഇക്കാര്യം റിപ്പോർട്ട് ചെയ്തിരിക്കുന്നത്.



Also Read : ഗാഡ്ഗിൽ വിഷയത്തിൽ പി ടിക്കൊപ്പം നിൽക്കാതിരുന്നത് ബാഹ്യസമ്മർദ്ദം കാരണം: തുറന്നുപറഞ്ഞ് ഉമ്മൻചാണ്ടി

കൊവിഡ് കേസുകൾ ഉയരുന്നതിന്റെ പശ്ചാത്തലത്തിൽ വിവിധസംസ്ഥാനങ്ങൾ നിയന്ത്രണങ്ങൾ വർദ്ധിപ്പിച്ചിരുന്നു. യുപിയും ഡൽഹിയും മഹാരാഷ്ട്രയും അടക്കമുള്ള സംസ്ഥാനങ്ങൾ രാത്രികാല കർഫ്യൂവടക്കം പ്രഖ്യാപിച്ചിരിക്കുകയാണ്.

ഉത്തർപ്രദേശ്, പഞ്ചാബ് തെരഞ്ഞെടുപ്പുകളാണ് ആദ്യം നടക്കുക. ഈ സാഹചര്യത്തിൽ കൊവിഡ് മാനദണ്ഡങ്ങൾ പാലിച്ച് തെരഞ്ഞെടുപ്പ് റാലികൾ നടത്തുന്നതിലെ ബുദ്ധിമുട്ട് മുന്നിൽ കണ്ടാണ് ഓൺലൈൻ പ്രചരണങ്ങളിലേക്ക് നീങ്ങുവാൻ പദ്ധതിയിടുന്നത്.

Also Read : സംസ്ഥാനത്ത് ഇന്ന് 2,846 പേർക്ക് കൊവിഡ്ബാധ; 12 മരണം

വിർച്വൽ റാലിക്ക് ബിജെപി തയ്യാറാണ്. പശ്ചിമബംഗാൾ തെരഞ്ഞെടുപ്പിനും തങ്ങൾ വിർച്വൽ റാലി നടത്തിയിരുന്നു. ബിജെപിയുടെ തെരഞ്ഞെടുപ്പ് ചുമതലയുള്ള ഗജേന്ദ്ര ശിഖാവത്ത് എൻഡിടിവിയോട് പറഞ്ഞു.

“മഹാമാരിക്കാലത്ത്, ലോകത്തിലെ എല്ലാ രാഷ്ട്രീയ പാർട്ടികളും നിഷ്ക്രിയരായിരുന്നപ്പോൾ, ആ സമയത്തും ബിജെപി പ്രവർത്തകരും അനുഭാവികളും വെർച്വൽ പ്ലാറ്റ്‌ഫോമുകളിൽ പ്രവർത്തിച്ചിരുന്നു,” അദ്ദേഹം പറഞ്ഞു.

Also Read : കേരള കോൺഗ്രസ് (ബി) കുടുംബത്തിന്റെ പാർട്ടിയല്ല; സഹോദരിക്ക് മറുപടിയുമായി ഗണേഷ് കുമാർ എംഎൽഎ

ഒമിക്രോൺ ഭീഷണിയുടെ പശ്ചാത്തലത്തിൽ തെരഞ്ഞെടുപ്പ് രണ്ട് മാസത്തേക്ക് തള്ളി വയ്ക്കണമെന്ന് അലഹബാദ് ഹൈക്കോടതി തെരഞ്ഞെടുപ്പ് കമ്മീഷനോട് അപേക്ഷിച്ചിരുന്നു. അതിന് പിന്നാലെയാണ് ഇത്തരത്തിൽ സജ്ജരാണെന്ന് വ്യക്തമാക്കി പാർട്ടി രംഗത്തുവന്നിരിക്കുന്നത്.

2022ൽ അഞ്ച് സംസ്ഥാനങ്ങളിൽ നടക്കേണ്ട തെരഞ്ഞെടുപ്പുകളുടെ തീയതികൾ ജനുവരിയിൽ തന്നെ പ്രഖ്യാപിക്കുമെന്നാണ് പ്രതീക്ഷിക്കുന്നത്. ഉത്തർപ്രദേശിനും പഞ്ചാബിനും പുറമെ, ഉത്തരാഖണ്ഡ്, ഗോവ, മണിപ്പൂർ എന്നീ സംസ്ഥാനങ്ങളിലാണ് തെരഞ്ഞെടുപ്പ് നടക്കാനിരിക്കുന്നത്.

Also Read : യുപിയിൽ 500 കോടിയുടെ നിക്ഷേപത്തിനൊരുങ്ങി ലുലു ഗ്രൂപ്പ്; പദ്ധതി ഭക്ഷ്യ സംസ്കരണ കേന്ദ്രം സ്ഥാപിക്കാൻ

കുറഞ്ഞ ദിവസങ്ങൾകൊണ്ട് ഇന്ത്യയിൽ കൊവിഡ് കേസുകളുടെ എണ്ണം വലിയതോതിലാണ് വർദ്ധിക്കുന്നത്. ഡൽഹിയിൽ ഇന്നലെ രോഗബാധ സ്ഥിരീകരിച്ചതിലും 76 ശതമാനം വർദ്ധനവാണ് ഇന്നുണ്ടായിരിക്കുന്നത്.