‘കൊവിഡ് സുനാമി’യിൽ ആരോ​ഗ്യമേഖല തകർന്നടിയും; ആശങ്ക പങ്കുവച്ച് ലോകാരോ​ഗ്യ സംഘടന

ജനീവ: കൊവിഡിന്റെ പുതിയ വകഭേദങ്ങൾ കൂടുതൽ രാജ്യങ്ങളിൽ റിപ്പോർട്ട് ചെയ്യുന്നതിനിടെ ലോകരാജ്യങ്ങൾക്ക് മുന്നറിയിപ്പുമായി ലോകാരോഗ്യ സംഘടന. ഒമിക്രോൺ, ഡെൽറ്റാ വകഭേദങ്ങൾ മുലം കൊവിഡ് കേസുകൾ വർദ്ധിക്കുന്നത് ആരോഗ്യ സംവിധാനത്തെ തന്നെ തകിടം മറിക്കുമെന്നാണ് ലോകാരോഗ്യ തലവൻ ടെഡ്രോസ് അധനോം ഗബ്രയേസസ് പറഞ്ഞത്.

Also Read : കെ-റെയിൽ; പുനരധിവാസവും നഷ്ടപരിഹാരവും ഉറപ്പാക്കിയായിരിക്കും പദ്ധതി നടപ്പിലാക്കുക: മുഖ്യമന്ത്രി

ഡെൽറ്റ, ഒമൈക്രോൺ വകഭേദങ്ങൾ “ഇരട്ട ഭീഷണികൾ” ആണെന്നും ഡബ്ല്യുഎച്ച്ഒ പറഞ്ഞു. ഇത് പുതിയ കേസുകളുടെ എണ്ണം റെക്കോർഡ് ഉയരത്തിലേക്ക് എത്തിക്കാൻ കാരണമാകും, അതിനൊപ്പം ഇത് ആശുപത്രികളിൽ പ്രവേശിക്കുന്നവരുടേയും മരിക്കുന്നവരുടേയും എണ്ണം വർദ്ധിക്കുന്നതിന് കാരണമാകുന്നുവെന്നും പറഞ്ഞു.

കഴിഞ്ഞ ആഴ്ച ആഗോളതലത്തിൽ കേസുകൾക്കുണ്ടായ വർദ്ധനവ് 11 ശതമാനമാണ്. ബുധനാഴ്ച യുഎസും ഫ്രാൻസും ഏറ്റവും ഉയർന്ന നമ്പറുകളാണ് റിപ്പോർട്ട് ചെയ്തിരിക്കുന്നത്.

Also Read : ഗാഡ്ഗിൽ വിഷയത്തിൽ പി ടിക്കൊപ്പം നിൽക്കാതിരുന്നത് ബാഹ്യസമ്മർദ്ദം കാരണം: തുറന്നുപറഞ്ഞ് ഉമ്മൻചാണ്ടി

ഡൽറ്റ വകഭേദത്തെ അനുസരിച്ച് ഒമിക്രോൺ കൂടുതൽ പ്രചരിക്കാൻ സാധ്യതയുണ്ട്. അതിനാൽ തന്നെ കേസുകളുടെ എണ്ണം ഒരു സുനാമിയിലേക്ക് നയിക്കാൻ ഇടവരുത്തുമെന്നും ഡബ്ലിയുഎച്ച്ഒ മേധാവി മുന്നറിയിപ്പ് നൽകിയിട്ടുണ്ട്.

“ഇത് തളർന്നുപോയ ആരോഗ്യ പ്രവർത്തകർക്കും ആരോഗ്യ സംവിധാനങ്ങൾ കൂടുതൽ തകർച്ചയുടെ വക്കിലും കടുത്ത സമ്മർദ്ദത്തിലേക്കും വീഴ്ത്തുന്നുവെന്നും.” അദ്ദേഹം പറഞ്ഞു.

Also Read : കേരള കോൺഗ്രസ് (ബി) കുടുംബത്തിന്റെ പാർട്ടിയല്ല; സഹോദരിക്ക് മറുപടിയുമായി ഗണേഷ് കുമാർ എംഎൽഎ

ഈ വർഷം അവസാനത്തോടെ എല്ലാ രാജ്യങ്ങളിലെയും ജനസംഖ്യയുടെ 40 ശതമാനം പൂർണമായി വാക്സിനേഷൻ നൽകണമെന്ന് ലോകാരോഗ്യ സംഘടന ആഗ്രഹിക്കുന്നു, 2022-ന്റെ മധ്യത്തോടെ 70 ശതമാനം ആളുകളും വാക്സിനേഷനാണ് ലോകാരോഗ്യ സംഘടന ലക്ഷ്യം വയ്ക്കുന്നതെന്നും അദ്ദേഹം പറഞ്ഞു.

Also Read : ഒമിക്രോൺ: വിർച്വൽ റാലികൾ സംഘടിപ്പിക്കാൻ തയ്യാറെടുത്ത് ബിജെപി

ലോകത്ത് ഇതുവരെയുള്ള കണക്ക് പ്രകാരം 281 ദശലക്ഷം ആളുകൾക്കാണ് കൊവിഡ് രോഗബാധ റിപ്പോർട്ട് ചെയ്യപ്പെട്ടിട്ടുള്ളത്. അമ്പത് ലക്ഷത്തിലധികം ആളുകൾ മഹാമാരിയിൽ കൊല്ലപ്പെട്ടിട്ടുണ്ടെന്നാണ് അന്താരാഷ്ട്ര വാർത്താ ഏജൻസിയായ റോയിറ്റേഴ്സ് പറയുന്നത്.