കശ്മീരിൽ രണ്ട് ഏറ്റുമുട്ടലുകളിലായി ആറ് ഭീകരരെ സുരക്ഷാസേന വധിച്ചു

ശ്രീനഗർ: ജമ്മു കശ്മീരിൽ രണ്ടിടങ്ങളിലായുണ്ടായ ഏറ്റുമുട്ടലിൽ ആറ് ഭീകരരെ സൈന്യം വെടിവച്ച് കൊന്നു. അനന്ത്നാഗ്, കുൽഗാം പ്രദേശങ്ങളിലാണ് ഏറ്റുമുട്ടലുണ്ടായത്. ജെയിഷ് ഇ മുഹമ്മദ് ഭീകരരുമായാണ് ഏറ്റുമുട്ടലുണ്ടായത് എന്ന് കശ്മീർ പോലീസ് വ്യക്തമാക്കി.



Also Read : ‘കൊവിഡ് സുനാമി’യിൽ ആരോഗ്യമേഖല തകർന്നടിയും; ആശങ്ക പങ്കുവച്ച് ലോകാരോഗ്യ സംഘടന

കൊല്ലപ്പെട്ടതിൽ നാല് ഭീകരരെയാണ് ഇതുവരെ തിരിച്ചറിഞ്ഞിരിക്കുന്നത്. രണ്ട് പേർ പാകിസ്ഥാനിൽ നിന്നും എത്തിയവരും മറ്റ് രണ്ട് പേർ കശ്മീരികൾ തന്നെയുമാണെന്നാണെന്നാണ് വാർത്താ ഏജൻസിയായ എഎൻഐ റിപ്പോർട്ട് ചെയ്യുന്നു. മറ്റുള്ള രണ്ട് പേരെ തിരിച്ചറിയാനുള്ള ശ്രമങ്ങൾ തുടങ്ങുകയാണെന്നും കശ്മീർ ഐജി വ്യക്തമാക്കി.

ഇന്നലെ രാത്രിയുണ്ടായ ഏറ്റുമുട്ടലിൽ ഒരു പോലീസുകാരന് പരിക്കേറ്റിട്ടുണ്ട്. ഇയാളെ പിന്നീട് ആശുപത്രിയിലേക്ക് മാറ്റി. കൊല്ലപ്പെട്ട ഭീകരരിൽ നിന്നും നിരവധി ആയുധങ്ങൾ സൈന്യം പിടിച്ചെടുത്തിട്ടുണ്ട്. ഏറ്റുമുട്ടലുണ്ടായ മേഖലയിൽ തെരച്ചിൽ തുടരുകയാണ്.

Also Read : കെ-റെയിൽ; പുനരധിവാസവും നഷ്ടപരിഹാരവും ഉറപ്പാക്കിയായിരിക്കും പദ്ധതി നടപ്പിലാക്കുക: മുഖ്യമന്ത്രി

കശ്മീരിൽ അനന്ത്നാഗ് ജില്ലയിലാണ് ആദ്യം ഏറ്റുമുട്ടലുണ്ടായത്. ഇതിന്പിന്നാലെ, കുൽഗാം ജില്ലയിലെ മിർഹാമ ഗ്രാമത്തിൽ ഭീകരർ ഒളിച്ചിരിക്കുന്നുവെന്ന വിവരത്തിന്റെ അടിസ്ഥാനത്തിൽ പരിശോധന നടത്താൻ എത്തിയപ്പോഴായിരുന്നു രണ്ടാമത്തെ ഏറ്റുമുട്ടലുണ്ടായത്.

നിർദ്ദിഷ്ട ഇൻപുട്ടുകളുടെ അടിസ്ഥാനത്തിൽ ഒരു ഓപ്പറേഷൻ ആരംഭിച്ചതായി ഉദ്യോഗസ്ഥർ പറഞ്ഞു. തിരച്ചിൽ നടത്തുന്നതിനിടെയാണ് ഭീകരർ വെടിയുതിർത്തത്.

Also Read : ഗാഡ്ഗിൽ വിഷയത്തിൽ പി ടിക്കൊപ്പം നിൽക്കാതിരുന്നത് ബാഹ്യസമ്മർദ്ദം കാരണം: തുറന്നുപറഞ്ഞ് ഉമ്മൻചാണ്ടി

ഏറ്റവുമാദ്യം ഒരു ഭീകരൻ കൊല്ലപ്പെട്ടുവെന്നാണ് കശ്മീർ പോലീസ് റിപ്പോർട്ട് ചെയ്തിരിക്കുന്നത്. പിന്നീടാണ് ഏറ്റുമുട്ടലിന്റെ കൂടുതൽ വിവരങ്ങൾ പുറത്തുവിട്ടത്.