ഹൈലൈറ്റ്:
- തട്ടിപ്പുകള്‍ കണ്ടെത്താന്‍ വ്യാപക പരിശോധന നടത്തുമെന്ന് മന്ത്രാലയം പ്രതിനിധി
- സ്വകാര്യ സ്ഥാപനങ്ങള്‍ നിയമം അനുശാസിക്കുന്നത് പ്രകാരം സ്വദേശികളെ ജോലിക്ക് വയ്ക്കുന്നുണ്ടോയെന്ന് അന്വേഷിക്കും
- സഹകരണ സ്ഥാപനങ്ങള്‍, സ്വകാര്യ സ്‌കൂളുകള്‍, ആശുപത്രികളില്‍ എന്നിവിടങ്ങളില്‍ പരിശോധന നടത്തും
Also Read: ഖത്തറില്‍ വെള്ളിയാഴ്ച മുതല്‍ പുതിയ നിയന്ത്രണങ്ങള്‍; എല്ലായിടത്തും മാസ്‌ക്ക് നിര്‍ബന്ധമാക്കി
ഇവരുടെ കേസ് പരിഗണിച്ച കുവൈറ്റ് ക്രിമിനല്‍ കോടതി, ഇവര്‍ കൈപ്പറ്റിയ ശമ്പളം തിരികെ നല്‍കണമെന്ന വ്യവസ്ഥയില്‍ താത്കാലികമായി വിട്ടയച്ചതായി പ്രാദേശിക ദിനപ്പത്രങ്ങള്‍ റിപ്പോര്‍ട്ട് ചെയ്തു. അതേസമയം, ഇവര്‍ക്കെതിരായ വിചാരണ നടപടികള്‍ തുടരുമെന്നും കോടതി വൃത്തങ്ങളെ ഉദ്ധരിച്ച് മാധ്യമങ്ങള്‍ അറിയിച്ചു. വ്യാജ തൊഴില്‍ വിവരങ്ങള്‍ കാണിച്ച് സര്‍ക്കാരില്‍ നിന്ന് ധനസഹായം പറ്റുന്ന സംഭവങ്ങളെ കുറിച്ച് പോലീസ് നടത്തിയ അന്വേഷണത്തിലാണ് 20 പേര് പിടിയിലായത്. കുവൈറ്റ് പൗരന്മാര്‍ക്ക് കൂടുതല്‍ തൊഴിലവസരങ്ങള്‍ സൃഷ്ടിക്കാന്‍ തൊഴില്‍ മന്ത്രാലയം ശ്രമങ്ങള്‍ നടത്തുന്നതിനിടയില്‍ നടക്കുന്ന ഇത്തരം തട്ടിപ്പുകള്‍ കണ്ടെത്താന്‍ വ്യാപക പരിശോധന നടത്തുമെന്നും മന്ത്രാലയം പ്രതിനിധി അബ്ദുല്ല അല്‍ മത്തൂത്ത അറിയിച്ചു.
Also Read: മക്കയിലെ ഗ്രാന്‍ഡ് മോസ്‌കില്‍ പെരുമഴ; വൃത്തിയാക്കാന്‍ 4000 തൊഴിലാളികള്‍
സ്വകാര്യ സ്ഥാപനങ്ങള്‍ നിയമം അനുശാസിക്കുന്നത് പ്രകാരം സ്വദേശികളെ ജോലിക്ക് വയ്ക്കുന്നുണ്ടോ എന്ന കാര്യവും മന്ത്രാലയം അന്വേഷിക്കും. ഇത്തരം തട്ടിപ്പുകള്‍ നടത്തുന്നവരെയും അതിന് കൂട്ടുനില്‍ക്കുന്ന സ്വകാര്യ സ്ഥാപനങ്ങളെയും ശക്തമായി നേരിടുമെന്നും അദ്ദേഹം മുന്നറിയിപ്പ് നല്‍കി. സഹകരണ സ്ഥാപനങ്ങള്‍, സ്വകാര്യ സ്‌കൂളുകള്‍, ആശുപത്രികളില്‍ എന്നിവിടങ്ങളില്‍ ഇതുമായി ബന്ധപ്പെട്ട് പരിശോധന നടത്തും. അതേസമയം, സ്വകാര്യ മേഖലയിലേക്ക് കൂടുതല്‍ കുവൈറ്റ് പൗരന്മാരെ ആകര്‍ഷിക്കുന്നതിനായി സര്‍ക്കാര്‍ മേഖലയിലുള്ളതു പോലുള്ള എല്ലാ ആനുകൂല്യങ്ങളും സ്വകാര്യ മേഖലയിലെ സ്വദേശി ജീവനക്കാര്‍ക്കും ലഭ്യമാക്കുന്ന കാര്യം സര്‍ക്കാര്‍ ഗൗരവമായി ആലോചിച്ചു വരികയാണെന്നും അദ്ദേഹം അറിയിച്ചു.
ഇവിടെ വഴിപാടും പ്രസാദവും മഞ്ച്!
Web Title : 20 kuwaiti nationals prosecuted over phantom jobs
Malayalam News from Samayam Malayalam, TIL Network
