Mary T | Samayam Malayalam | Updated: Dec 30, 2021, 2:42 PM
പീഡിയാട്രിക് സര്‍ജന്‍ ഒമര്‍ മന്‍സൂറിന്റെ നേതൃത്വത്തിലുള്ള മെഡിക്കല്‍ സംഘം നടത്തിയ ശസ്ത്രക്രിയയിലൂടെയാണ് ബ്രേസ്ലെറ്റ് നീക്കം ചെയ്തത്. അപകടനനില തരണം ചെയ്ത കുട്ടി സുഖം പ്രാപിച്ചു വരികയാണ്.
വയറ്റില്‍ നിന്ന് ബ്രേസ്ലെറ്റ് നീക്കം ചെയ്യുന്നതിനു മുമ്പും ശേഷവും
ഹൈലൈറ്റ്:
- കുട്ടി ബ്രേസ്ലെറ്റ് അറിയാതെ വിഴുങ്ങുകയായിരുന്നു
- എക്‌സറേ പരിശോധിച്ചപ്പോഴാണ് കുടലില്‍ ബ്രേസ്ലെറ്റ് കണ്ടെത്തിയത്
- രണ്ട് മണിക്കൂറിലേറെ ശസ്ത്രക്രിയ നീണ്ടുനിന്നു
Also Read: ഗര്ഭസ്ഥശിശുവിന്റെ ഹൃദയത്തില്‍ നിന്ന് ട്യൂമര്‍ നീക്കം ചെയ്തു; അപൂര്‍വ ശസ്ത്രക്രിയ നടത്തി സൗദി ഡോക്ടര്‍
കുട്ടി ബ്രേസ്ലെറ്റ് അറിയാതെ വിഴുങ്ങുകയായിരുന്നു. കടുത്ത വയറുവേദനയെ തുടര്‍ന്ന് ജിദ്ദയിലെ റെഡ് സീ സിറ്റിയിലെ കിങ് അബ്ദുല്ലസീസ് ഹോസ്പിറ്റലില്‍ പ്രവേശിപ്പിക്കുകയായിരുന്നു. എക്‌സറേ പരിശോധിച്ചപ്പോഴാണ് കുടലില്‍ ബ്രേസ്ലെറ്റ് കണ്ടെത്തിയത്.
പീഡിയാട്രിക് സര്‍ജന്‍ ഒമര്‍ മന്‍സൂറിന്റെ നേതൃത്വത്തിലുള്ള മെഡിക്കല്‍ സംഘം നടത്തിയ ശസ്ത്രക്രിയയിലൂടെയാണ് ബ്രേസ്ലെറ്റ് നീക്കം ചെയ്തത്. രണ്ട് മണിക്കൂറിലേറെ ശസ്ത്രക്രിയ നീണ്ടുനിന്നു. അപകടനനില തരണം ചെയ്ത കുട്ടി സുഖം പ്രാപിച്ചു വരികയാണ്.
കഴിഞ്ഞയാഴ്ച ഗര്ഭസ്ഥശിശുവിന്റെ ഹൃദയത്തില്‍ നിന്ന് ട്യൂമര്‍ നീക്കം ചെയ്ത് സൗദി ഡോക്ടറും സംഘവും വാര്‍ത്തകളില്‍ ഇടംപിടിച്ചിരുന്നു. അമേരിക്കയിലെ ഒഹിയോയില്‍ ക്ലെവെന്‍ഡ് മെഡിക്കല്‍ സെന്ററില്‍ വെച്ചാണ് അപൂര്‍വ ശസ്ത്രക്രിയ നടത്തിയത്. സൗദി ഡോക്ടറായ ഹാനി നജാമിന്റെ നേതൃത്വത്തിലൂള്ള ഒരു സംഘമാണ് ഈ വിജയ ശസ്ത്രക്രിയ നടത്തിയത്.
‘താന്‍ 25 ആഴ്ച ഗര്‍ഭിണി ആയിരിക്കുമ്പോഴാണ് കുഞ്ഞിന്റെ ഹൃദയത്തില്‍ ട്യൂമര്‍ വളരുന്നതായി കണ്ടെത്തിയതെന്ന്’ കുഞ്ഞിന്റെ അമ്മ സാം ഡ്രൈനണ്‍ എന്‍ബിസി ന്യൂസിനോട് പറഞ്ഞു. ഗര്‍ഭസ്ഥശിശുവിനെ ജീവനോടെ നിലനിര്‍ത്തണമെന്ന് ഡോക്ടര്‍മാര്‍ നിര്‍ദേശിച്ചു. പിന്നാലെ പെട്ടെന്ന് ഒരു ശസ്ത്രക്രിയയ്ക്ക് സാം വിധേയയായി. രക്തചംക്രമണ പ്രശ്നങ്ങള്‍ക്ക് സാധ്യതയുണ്ടെന്നും അതിനാല്‍ കുഞ്ഞിന്റെ ഹൃദയത്തിന്റെ ഇടതുവശത്ത് വളരുന്ന ട്യൂമര്‍ ഉടന്‍ തന്നെ നീക്കം ചെയ്യണമെന്നും സാമിനോടും ഡേവിഡിനോടും ഡോക്ടര്‍മാര്‍ പറഞ്ഞു.
തുടര്‍ന്ന്, ക്ലെവെന്‍ഡ് ആശുപത്രിയില്‍ വെച്ച് 36 മണിക്കൂര്‍ നീണ്ടുനിന്ന ശസ്ത്രക്രിയയ്ക്ക് യുവതി വിധേയയായി. ശസ്ത്രക്രിയയില്‍ ഗര്‍ഭപാത്രം തുറക്കേണ്ടി വന്നു. ഗര്ഭസ്ഥശിശുവിന്റെ രണ്ട് കൈകളും നെഞ്ചിലേക്ക് ഉയര്‍ത്താനും അവിടെയുള്ള ട്യൂമര്‍ നീക്കം ചെയ്യാനും ഡോക്ടര്‍മാര്‍ക്ക് സാധിച്ചു. തുടര്‍ന്ന്, രക്തയോട്ടം വീണ്ടെടുക്കുകയും ഒടുവില്‍ പൂര്‍ണവളര്‍ച്ചയെത്തി പ്രസവിക്കാന്‍ വേണ്ടി ഗര്‍ഭസ്ഥ ശിശുവിനെ ഗര്‍ഭപാത്രത്തില്‍ തന്നെ വയ്ക്കുകയും ചെയ്തു.
Also Read:ഖത്തറില്‍ പുതുക്കിയ റെഡ് ലിസ്റ്റില്‍ ആറ് രാജ്യങ്ങള്‍ കൂടി; പട്ടികയില്‍ രണ്ട് ഗള്‍ഫ് രാജ്യങ്ങളും
കുഞ്ഞിന് ഹൃദയ കാന്‍സര്‍ ഉണ്ടെന്ന് കാണിക്കുന്ന വീഡിയോയും മെഡിക്കല്‍ സെന്റര്‍ പുറത്തുവിട്ടു. ട്യൂമര്‍ നീക്കം ചെയ്യാനുള്ള ശസ്ത്രക്രിയയുടെ വിശദാംശങ്ങളും പുറത്തുവിട്ടിട്ടുണ്ട്. ജൂലൈ 13 നാണ് ശസ്ത്രക്രിയ നടന്നത്. 10 ആഴ്ചയ്ക്ക് ശേഷം സിസേറിയന്‍ ശസ്ത്രക്രിയയിലൂടെ സാം ഡ്രൈനണ്‍ കുഞ്ഞിന് ജന്മം നല്‍കി. ഓപറേഷന്‍ വിജയിച്ചതായും കുട്ടിയുടെ ജനനം പൂര്‍ണ ആരോഗ്യത്തോടെയാണെന്നും മെഡിക്കല്‍ സെന്റര്‍ അധികൃതര്‍ സ്ഥിരീകരിച്ചു.
ഉയരത്തിൽ പൊങ്ങാം… കാഴ്ചകൾ കാണാം; കടന്നുവരൂ കാരാപ്പുഴയിലേക്ക്…
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : bracelet stuck in child’s bowels removed in saudi arabia
Malayalam News from Samayam Malayalam, TIL Network
