ഗവർണർ കുട്ടികളെപ്പോലെ പെരുമാറുന്നു; നിയമപരമായി നേരിടുമെന്ന് കോൺഗ്രസ്

തിരുവനന്തപുരം: സർവകലാശാല വിഷയത്തിൽ ഗവർണർ ആരിഫ് മുഹമ്മദ് ഖാനെതിരെ കോൺഗ്രസ്. ചാൻസലറുടെ ചുമതല വഹിക്കാത്ത ഗവർണറെ നിയമപരമായി നേരിടുമെന്ന് പ്രതിപക്ഷ നേതാവ് വി ഡി സതീശൻ പറഞ്ഞു. ഹൈക്കോടതി നോട്ടീസ് സ്വീകരിക്കാത്തത് നിയമവിരുദ്ധമാണ്. നിയമപരമായ നടപടികൾ സ്വീകരിക്കാത്ത ഗവർണർ കുട്ടികളെപ്പോലെയാണ് പെരുമാറുന്നതെന്ന് അദ്ദേഹം പറഞ്ഞു.



‘പുതുവർഷത്തിൽ അതീവ ജാഗ്രത’; ആഘോഷങ്ങൾ കരുതലോടെ വേണമെന്ന് മന്ത്രി വീണാ ജോർജ്

ചാൻസലർ പദവി ഏറ്റെടുക്കില്ലെന്നുള്ള ഗവർണറുടെ നിലപാട് നിയമവിരുദ്ധമാണ്. പദവി ഏറ്റെടുക്കാനുള്ള നിയമപരമായ ബാധ്യതയുള്ള ആളാണ് ഗവർണർ. നിയമ നിർമ്മാണ സഭ പാസാക്കിയ നിയമം അനുസരിച്ച് അദ്ദേഹം ഇപ്പോൾ ചാൻസലറാണ്. ആ പദവി ഏറ്റെടുക്കാതിരിക്കാൻ ഗവർണർക്ക് അധികാരമില്ല. കുട്ടികളെപ്പോലെ സംസാരിക്കേണ്ട ആളല്ല ഗവർണർ. നിയമവിരുദ്ധമായാണ് ഗവർണർ സംസാരിക്കുന്നത്.

ചാൻസലർ പദവി ഗവർണർ ഒഴിയുന്നത് സർവകലാശാലകളുടെ സ്വതന്ത്രവും സുതാര്യവുമായ പ്രവർത്തനങ്ങളെ ബാധിക്കും. കണ്ണൂർ വി സി നിയമനത്തിൽ തനിക്കുപറ്റിയ തെറ്റ് ഗവർണർ തിരുത്തുകയാണ് വേണ്ടത്. ചാൻലസർ പദവി ഏറ്റെടുക്കില്ലെന്ന നിലപാട് വി സി നിയമനത്തെ ന്യായീകരിക്കാൻ മാത്രമേ ഉപകാരപ്പെടൂ.

സംസ്ഥാനത്ത് ഇന്ന് 2423 പേർക്ക് കൊവിഡ് സ്ഥിരീകരിച്ചു; 15 മരണം

നിയമത്തിലൂടെ സ്ഥാപിതമായ ചാൻസലർ പദവി ഗവർണർ ഏറ്റെടുക്കാതിരിക്കുന്നത് സർവകലാശാലകളെ ഭരണ പ്രതിസന്ധിയിലേക്ക് നയിക്കും. വി സി നിയമനവുമായി ബന്ധപ്പെട്ട് മന്ത്രി നേരിട്ട് കത്തെഴുതിയത് തെറ്റാണെന്നു പറയുന്ന ഗവർണർ കത്തെഴുതിയതിനെ ന്യായീകരിക്കുന്ന മന്ത്രിയെ പുറത്താക്കണമെന്ന് മുഖ്യമന്ത്രിയോട് നിർദ്ദേശിക്കണമെന്നും സതീശൻ ആവശ്യപ്പെട്ടു.