കൊവിഡ് മുൻനിര പോരാളികള്‍ക്കായി ക്രാഷ് കോഴ്സ് ഏര്‍പ്പെടുത്തും, ഒരു ലക്ഷം മുന്നണി പോരാളികളെ അണിനിരത്തും; പ്രധാനമന്ത്രി

പരിശീലന പരിപാടിയിൽ ഹോം കെയര്‍ സപ്പോര്‍ട്ട്, ബേസിക് കെയര്‍ സപ്പോര്‍ട്ട്, അഡ്വാൻസ് കെയര്‍ സപ്പോര്‍ട്ട്, എമര്‍ജൻസി കെയര്‍ സപ്പോര്‍ട്ട്, സാമ്പിൾ കളക്ഷൻ സപ്പോര്‍ട്ട്, മെഡിക്കൽ എക്വിപ്മെന്റ് സപ്പോര്‍ട്ട് എന്നിങ്ങനെ ആറായി തിരിച്ചാണ് പരിശീലനം നൽകുന്നത്.

ഇത്തരത്തിൽ പരിശിലന പരിപാടി ആസൂത്രണം ചെയ്യുന്നത് പ്രധാൻ മന്ത്രി കൗശൽ വികാസ് യോജന 3.0യാണ്. ഇതിലൂടെ 276 കോടി മാറ്റി വച്ചതായി മാറ്റി വച്ചതായി പ്രധാന്നമന്ത്രിയുടെ ഓഫീസ് അറിയിച്ചു.

കൊവിഡ് 19 വ്യാപനത്തിന്റെ രണ്ടാം തരംഗത്തിന്റെ അനുഭവത്തിന്റെ അടിസ്ഥാനത്തിൽ ആയിരിക്കും പരിശീലനം നൽകുന്നത്. രണ്ടാം തരംഗത്തിൽ കൊറോണ വൈറസിന് പലതവണ വ്യതിയാനമുണ്ടാകുന്നത് നാം കണ്ടു. ഏതൊക്കെ തരത്തിലുള്ള വെല്ലുവിളികളാണ് ഇതുയര്‍ത്തുന്നത് എന്നും നാം മനസ്സിലാക്കി. വൈറസ് നമുക്കിടയിൽ ഇപ്പോഴുമുണ്ട്. അതിന് ഇനിയും വ്യതിയാനങ്ങള്‍ സംഭവിച്ചേക്കാം. അതിനാൽ ഇനിയുമുണ്ടായേക്കാവുന്ന വെല്ലുവിളികള്‍ മറികടക്കുന്നതിന് വേണ്ടി രാജ്യത്തിന്റെ തയ്യാറെടുപ്പുകള്‍ വര്‍ദ്ധിപ്പിക്കേണ്ടതുണ്ടെന്ന് പ്രധാനമന്ത്രി പറഞ്ഞു.

Also Read : ഡ്രൈവിംഗ് ലൈസൻസ്, രജിസ്ട്രേഷൻ കാലാവധി അവസാനിച്ചാലും പിഴയില്ല; കാലാവധി സെപ്തംബർ വരെ

രാജ്യത്ത് 1,500 ഓക്സിജൻ പ്ലാന്റുകള്‍ നിര്‍മിക്കാനുള്ള ജോലികള്‍ യുദ്ധകാല അടിസ്ഥാനത്തിൽ നടപ്പാക്കി വരികയാണെന്നും പ്രധാനമന്ത്രി പറഞ്ഞു. ഇന്ത്യയിൽ എല്ലാ ജില്ലയിലേക്കും സേവനം എത്തിക്കാനാവുന്ന രീതിയിലാണ് പ്രവര്‍ത്തനം ഇതിനായി കൂടുതൽ മനുഷ്യവിഭവശേഷി ആവശ്യമുണ്ടെന്നും പ്രധാനമന്ത്രി പറഞ്ഞു.