സമൂഹമാധ്യമങ്ങളിലൂടെ വൈറലായ ‘ബാബ കാ ദാബ’ ഉടമ ആത്മഹത്യക്ക് ശ്രമിച്ചു; ചികിത്സയിൽ

ന്യൂഡൽഹി: സമൂഹമാധ്യമങ്ങളിലൂടെ ശ്രദ്ധേയനായ ഡൽഹിയിലെ ബാബ കാ ദാബ ഉടമ കന്ത പ്രസാദ് ആത്മഹത്യക്ക് ശ്രമിച്ചു. വ്യാഴാഴ്ച രാത്രിയാണ് ഇയാളെ ആശുപത്രിയിലേക്ക് മാറ്റിയത്. എന്നാൽ, എന്തുകൊണ്ടാണ് 80കാരനായ കാന്ത പ്രസാദ് ആത്മഹത്യക്ക് ശ്രമിച്ചതായി വ്യക്തമല്ല. പോലീസാണ് ഇക്കാര്യം വ്യക്തമാക്കിയത്.



Also Read : കൊവിഡ് ചതിച്ചു; മോദിയുടെ സ്വീകാര്യതയിൽ 20 ശതമാനം ഇടിവ്, എന്നിട്ടും ലോക നേതാക്കളിൽ മുന്നിൽ

ഡൽഹി പോലീസ് നൽകുന്ന വിവരം അനുസരിച്ച് വ്യാഴാഴ്ച രാത്രി 11.15 ഓടെ സഫ്ഡാറഞ്ജ് ആശുപത്രിയിൽ ഇത്തരത്തിൽ ഒരു ആത്മഹത്യാ ശ്രമം ഉണ്ടായതായി വിവരം ലഭിക്കുകയായിരുന്നു. പരിശോധിച്ചപ്പോൾ ഇത് കാന്ത പ്രസാദാണെന്ന് മനസിലാകുകയായിരുന്നു.

മദ്യവും ഉറക്ക ഗുളികയും കഴിച്ച് അവശനായ നിലയിൽ കന്ത പ്രസാദിനെ ആശുപത്രിയിൽ നിന്നും കണ്ടെത്തുകയായികുന്നു. ഇക്കാര്യം ഇയാളുടെ മകനും സ്ഥിരീകരിക്കുന്നുണ്ട്. കഴിഞ്ഞ ഏതാനും ദിവസങ്ങളായി പ്രസാദിന് വിഷാദ രോഗം ബാധിച്ചിരുന്നതായി ഭാര്യയെ ഉദ്ധരിച്ച് റിപ്പോര്‍ട്ട് പുറത്തുവരുന്നുണ്ട്.

കഴിഞ്ഞ വര്‍ഷം യൂട്യൂബ് ഫൂഡ് വ്ലോഗറായ ഗൗരവ് വാസനാണ് ഇരുവരുടെയും കഥ പുറം ലോകത്തെ അറിയിച്ചത്. ഡൽഹിയിലെ മാളവ്യ നഗറിൽ ബാബാ കാ ദാബ എന്ന പേരിൽ ചായക്കട നടത്തി വരികയായിരുന്നു കാന്താ പ്രസാദും ഭാര്യയും. വീഡിയോ പുറത്തുവന്ന് നിമിഷങ്ങള്‍ക്കുള്ളിൽ വീഡിയോ വൈറലാവുകയും നാനാഭാഗത്തു നിന്നും കാന്താ പ്രസാദിനെ തേടി സഹായഹസ്തങ്ങള്‍ എത്തുകയും ചെയ്തിരുന്നു. ഇതും വാര്‍ത്തകളിൽ ഇടംപിടിച്ചിരുന്നു.

പിന്നീട്, ഗൗരവ് വാസനും കാന്ത പ്രസാദും തമ്മിൽ ഇന്ത്യയിലുടനീളം ഒഴുകിയ ഫണ്ട് കൈമാറ്റം സംബന്ധിച്ച് ഒരു തർക്കം ഉടലെടുത്തിരുന്നു. ശേഷം കാന്ത പ്രസാദുമായി അനുരഞ്ജനത്തിലായി ഒരു ചിത്രം സമൂഹമാധ്യമങ്ങളില്‍ പങ്കുവയ്ക്കുകയും ചെയ്തിരുന്നു.

Also Read : ഡ്രൈവിംഗ് ലൈസൻസ്, രജിസ്ട്രേഷൻ കാലാവധി അവസാനിച്ചാലും പിഴയില്ല; കാലാവധി സെപ്തംബർ വരെ

തനിക്ക് ലഭിച്ച ഫണ്ട് ഉപയോഗിച്ച കാന്ത പ്രസാദ് ഒരു റെസ്റ്റോറന്റ് തുറന്നിരുന്നു. എന്നാൽ, അത് 2021ൽ അടച്ചുപൂട്ടേണ്ടിവന്നു. തുടര്‍ന്ന്, ദമ്പതികൾ മാൽവിയ നഗറിലെ ഭക്ഷണശാലയിലേക്ക് തിരിച്ചുപോകുകയും ചെയ്തു. എന്നാൽ, എന്താണ് ആത്മഹത്യാ ശ്രമത്തിന് കാരണമെന്ന് വ്യക്തമല്ല.