മുഖം മിനുക്കാം, സുന്ദരിയാകാം; ഈ ബ്ലാക്ബെറി -തൈര് പാക്ക് ഉപയോഗിച്ചോളൂ

പ്രായമാകുന്നതിന്റെ ലക്ഷണങ്ങൾ ആദ്യം പ്രത്യക്ഷപ്പെടാൻ തുടങ്ങുന്നത് നമ്മുടെ ചർമ്മത്തിലാണ് – വരകളുടെയും ചുളിവുകളുടെയും രൂപത്തിൽ! അതിനാൽ തന്നെ പ്രായം മുപ്പതുകളിൽ എത്തുമ്പോൾ ചർമ്മ സംരക്ഷണത്തിന് ഏറെ ശ്രദ്ധ നൽകേണ്ടത് ആവശ്യമാണ്. സൗന്ദര്യ സംരക്ഷണത്തിന് ഇപ്പോഴും നാടൻ പ്രതിവിധികളാണ് ഏറെ ഗുണകരം.



ചർമ്മത്തിന് സ്വാഭാവിക ചേരുവകളേക്കാൾ മികച്ചതായി മറ്റൊന്നുമില്ല! അതുകൊണ്ടായിരിക്കാം ഇന്നത്തെ മിക്ക ബ്രാൻഡുകളും അവരുടെ സൗന്ദര്യവർദ്ധക ഉൽപ്പന്നങ്ങളിൽ പ്രകൃതിദത്ത ചേരുവകൾ ഉപയോഗിക്കുന്നതിൽ ശ്രദ്ധ കേന്ദ്രീകരിക്കുന്നത്. അതുകൊണ്ട് തന്നെയാണ് ബ്ലാക്ബെറി ചർമ്മ സംരക്ഷണത്തിൽ പ്രധാനമായി ഉപയോഗിക്കുന്നതും.

പ്രായമേറുന്നതിനനുസരിച്ച്, നേർത്ത വരകളും ചുളിവുകളും മുഖത്ത് കാണപ്പെടാൻ തുടങ്ങും. നിങ്ങൾക്ക് വരണ്ട ചർമ്മമുണ്ടെങ്കിൽ, ഇത്തരം ചുളിവുകളൊക്കെ വളരെ മുമ്പേ തന്നെ ദൃശ്യമാകും. ആന്റിഓക്‌സിഡന്റുകളുടെ അഭാവവും ഇലാസ്തികത നഷ്ടപ്പെടുന്നതുമാണ് ഇതിന് പ്രധാന കാരണം. ഇവ രണ്ടും പുനഃസ്ഥാപിക്കാൻ ബ്ലാക്ക്‌ബെറി സഹായിക്കും.

അഴകേറും പാദങ്ങൾക്ക് ഉപയോഗിക്കാം ഈ സ്‌ക്രബുകൾ

ബ്ലാക്‌ബെറിയും തൈരും



അതുകൊണ്ടാണ് ബ്ലാക്ക്‌ബെറി, തൈര് എന്നിവ ഉപയോഗിച്ച് തയ്യാറാക്കാവുന്ന ലളിതമായ ഈ ഫെയ്‌സ് മാസ്ക് ഇവിടെ പരിചയപ്പെടുത്തുന്നത്. ചർമ്മത്തിലെ നേർത്ത വരകൾ ലഘൂകരിക്കുന്ന മറ്റ് രണ്ട് ഘടകങ്ങൾ കൂടി ഉണ്ട്. നിങ്ങൾ പതിവായി ഈ ഫേയ്‌സ് പായ്ക്ക് ഉപയോഗിക്കുകയാണെങ്കിൽ, തീർച്ചയായും ചർമ്മത്തിലെ ഇത്തരം പ്രശ്നങ്ങൾ ലഘൂകരിക്കാൻ കഴിയും!

ചുളിവുകളില്ലാത്ത ചർമ്മത്തിനായി ഈ ഫേയ്‌സ് മാസ്‌ക് എങ്ങനെ തയ്യാറാക്കാമെന്ന് നമുക്ക് നോക്കാം.

നിങ്ങൾക്ക് ആവശ്യമായ ചേരുവകൾ:

* 3 ബ്ലാക്ക്‌ബെറി

* 1 ടേബിൾ സ്പൂൺ തൈര്

* 1 ടീസ്പൂൺ തേൻ

* കുറച്ച് തുള്ളി റോസ് വാട്ടർ

തയ്യാറാക്കേണ്ട വിധം:



ഘട്ടം 1: ഒരു ഫോർക്ക് ഉപയോഗിച്ച് ബ്ലാക്ക്‌ബെറി ഒരു പാത്രത്തിൽ ചതച്ച ശേഷം തേൻ, തൈര്, റോസ് വാട്ടർ എന്നിവ ചേർക്കുക.

ഘട്ടം 2: എല്ലാ ചേരുവകളും നന്നായി ഇളക്കി യോജിപ്പിക്കുക.

ഘട്ടം 3: ഇനി, നിങ്ങളുടെ മുഖം വൃത്തിയാക്കുക. വൃത്തിയുള്ള ടവ്വൽ കൊണ്ട് തുടച്ച ശേഷം ബ്രഷ് ഉപയോഗിച്ച് ഈ മാസ്ക് പ്രയോഗിക്കുക. മുകളിലേക്കുള്ള ദിശയിൽ ബ്രഷ് ഉപയോഗിക്കണമെന്നത് ഓർക്കുക. കണ്ണുകൾക്ക് ചുറ്റുമുള്ള ഭാഗം വിട്ടിട്ട് വേണം പുരട്ടാൻ. ഒരു നനഞ്ഞ കോട്ടൺ തുണിയോ വെള്ളരിക്കയുടെ കഷ്ണമോ കണ്ണിൽ വയ്ക്കാം.

ഘട്ടം 4: ഇനി ഈ കൂട്ട് 15 മുതൽ 20 മിനിറ്റ് വരെ ചർമ്മത്തിൽ തുടരാൻ അനുവദിക്കുക.

ഘട്ടം 5: പായ്ക്ക് ഉണങ്ങിക്കഴിഞ്ഞാൽ കുറച്ച് വെള്ളം നനച്ച് സൗമ്യമായി ഈ കൂട്ട് മുഖത്ത് സ്‌ക്രബ് ചെയ്യുക. നിങ്ങളുടെ മുഖം രണ്ട് മിനിറ്റ് നേരം മസാജ് ചെയ്യുക, ശേഷം തണുത്ത വെള്ളത്തിൽ കഴുകുക.

ഘട്ടം 6: ഇനി നിങ്ങളുടെ മുഖം വൃത്തിയാക്കുക, വൃത്തിയുള്ള ടവ്വൽ കൊണ്ട് തുടച്ച് ഉണക്കിയ ശേഷം ഒരു മോയിസ്ചറൈസർ പുരട്ടാം. മാസത്തിൽ രണ്ടുതവണ ഈ പായ്ക്ക് ഉപയോഗിക്കാം.

മുഖം തിളങ്ങാനൊരു മൂന്നിന കൂട്ട്!

ബ്ലാക്ക്‌ബെറിയുടെ മറ്റ് ചില ഗുണങ്ങൾ ഇതാ



പോഷക ഗുണങ്ങളുടെ ശക്തികേന്ദ്രം എന്നറിയപ്പെടുന്ന ഒരു പഴമാണ് ബ്ലാക്ക്‌ബെറി. ഇത് ചർമ്മത്തിന് ധാരാളം ആരോഗ്യ ഗുണങ്ങൾ വാഗ്ദാനം ചെയ്യുന്നു:

1. ചർമ്മകോശങ്ങളിൽ നിന്നുള്ള അഴുക്കുകൾ അകറ്റാൻ ബ്ലാക്ക്ബെറി ഒരു അത്ഭുതകരമായ എക്സ്ഫോളിയേറ്ററായി പ്രവർത്തിക്കുന്നു. അങ്ങിനെ, നിങ്ങൾക്ക് തിളക്കമുള്ളതും ആരോഗ്യകരവുമായ ചർമ്മം ലഭിക്കും. ചർമ്മത്തെ മൃദുവാക്കാൻ സഹായിക്കുന്ന ആന്റിഓക്‌സിഡന്റുകൾ ഇതിൽ അടങ്ങിയിട്ടുണ്ട്.

2. ബ്ലാക്ക്‌ബെറിയിൽ വിറ്റാമിൻ എ, സി എന്നിവ അടങ്ങിയിട്ടുണ്ട്, ഇത് സൂര്യന്റെ ദോഷകരമായ അൾട്രാവയലറ്റ് രശ്മികളിൽ നിന്ന് ചർമ്മത്തെ സംരക്ഷിക്കാൻ സഹായിക്കുന്നു. വാർദ്ധക്യ ലക്ഷണങ്ങളെ തടയാൻ ഇത് സഹായിക്കുന്നു.

3. ബ്ലാക്ക്‌ബെറിയിൽ അടങ്ങിയിരിക്കുന്ന ആന്റിഓക്‌സിഡന്റുകൾ അടഞ്ഞ ചർമ്മ സുഷിരങ്ങൾ കാരണം ചർമ്മത്തിലുണ്ടാകുന്ന വീക്കം കുറയ്ക്കാൻ സഹായിക്കുന്നു. മുഖക്കുരു സംബന്ധമായ വീക്കം, നിറവ്യത്യാസം എന്നിവ അകറ്റാനും ഇവ സഹായിക്കുന്നു. ബ്ലാക്ക്‌ബെറിയിൽ അടങ്ങിയിരിക്കുന്ന പോഷകങ്ങൾ പ്രകൃതിദത്ത ക്ലെൻസറായി പ്രവർത്തിക്കുന്നു, ഇത് ചർമ്മത്തിൽ നിന്ന് അധിക എണ്ണമയം നീക്കം ചെയ്യാൻ സഹായിക്കും. ചർമ്മത്തെ അണുവിമുക്തമാക്കുന്നതിന് ഇത് ഉത്തമമാണ്.

4. സോറിയാസിസ്, എക്സിമ എന്നിവയുള്ളവർക്ക് ശരീരത്തിൽ ആന്റിഓക്‌സിഡന്റ് അളവ് കുറവാണ്. ഈ പ്രശ്നം പരിഹരിക്കാൻ ബ്ലാക്ക്‌ബെറി സഹായിക്കുന്നു

5. വിറ്റാമിൻ എ, സി, കെ തുടങ്ങിയ വിറ്റാമിനുകൾ ഇതിൽ ധാരാളം അടങ്ങിയിട്ടുണ്ട്. ഒമേഗ 3, ഒമേഗ 6 എന്നിവയുമായി സംയോജിപ്പിക്കുമ്പോൾ ചർമ്മത്തെ പുനരുജ്ജീവിപ്പിക്കാൻ അവ നന്നായി പ്രവർത്തിക്കുന്നു.

6. ഉയർന്ന അളവിൽ ഫൈബർ ഇതിൽ അടങ്ങിയിട്ടുണ്ട്, ഇത് ചർമ്മത്തിന്റെ യുവത്വം നിലനിർത്താൻ സഹായകമായി പ്രവർത്തിക്കുന്നു.