Sumayya P | Samayam Malayalam | Updated: Jan 3, 2022, 8:00 PM
രാജ്യത്തെ ഗര്‍ഭിണികള്‍ക്ക് ബൂസ്റ്റര്‍ വിതരണം ആരംഭിച്ചതായും മന്ത്രാലയം വക്താവ് അറിയിച്ചു
രോഗം ഗുരുതരമാവുന്നത് വാക്‌സിന്‍ എടുക്കാത്തവരില്‍
തീരെ വാക്‌സിന്‍ എടുക്കാത്തവരോ ഭാഗികമായി മാത്രം വാക്‌സിന്‍ എടുത്തവരോ ആയ ആളുകളിലാണ് കോവിഡ് ബാധ ഗുരുതരമായ ആരോഗ്യ പ്രശ്‌നങ്ങള്‍ സൃഷ്ടിക്കുന്നതെന്നും അദ്ദേഹം മുന്നറിയിപ്പ് നല്‍കി. ഈ സാഹചര്യത്തില്‍ വാക്‌സിന്‍ എടുക്കാത്തവര്‍ എത്രയും വേഗം അതിനായി രജിസ്റ്റര്‍ ചെയ്യണം. രാജ്യത്തെ ഗര്‍ഭിണികള്‍ക്ക് ബൂസ്റ്റര്‍ വിതരണം ആരംഭിച്ചതായും മന്ത്രാലയം വക്താവ് അറിയിച്ചു. ഇവരില്‍ വാക്‌സിന്‍ പാര്‍ശ്വഫലങ്ങള്‍ ഉണ്ടാക്കുന്നില്ലെന്ന പഠനത്തിന്റെ അടിസ്ഥാനത്തിലാണ് തീരുമാനം.
ബൂസ്റ്റര്‍ ഡോസ് ലോംഗ് കൊവിഡ് തടയും
കോവിഡ് ഗുരുതരമായ ആരോഗ്യ പ്രശ്‌നങ്ങള്‍ സൃഷ്ടിക്കുന്നവരില്‍ കോവിഡ് ഭേദമായ ശേഷവും വിവിധ ആരോഗ്യ പ്രശ്‌നങ്ങള്‍ ഉണ്ടാവുന്നതായി പഠനങ്ങള്‍ വ്യക്തമാക്കിയിട്ടുണ്ട്. രോഗം ഗുരുതരമാവാതിരിക്കാന്‍ ബൂസ്റ്റര്‍ ഡോസ് ഒരു പരിധി വരെ സഹായകമാണെന്നും അദ്ദേഹം പറഞ്ഞു. അതേസമയം, ബൂസ്റ്റര്‍ ഡോസ് എടുത്തവര്‍ക്ക് വീണ്ടും ബൂസ്റ്റര്‍ ഡോസ് നല്‍കുന്ന കാര്യത്തില്‍ തീരുമാനം ആയിട്ടില്ലെന്നും അദ്ദേഹം അറിയിച്ചു. കുട്ടികള്‍ക്ക് ചെറിയ അളവിലാണ് വാക്‌സിന്‍ ഡോസ് നല്‍കുന്നത്. അവര്‍ക്ക് അനുയോജ്യമായ സിറിഞ്ചാണ് കുത്തിവയ്പ്പിനായി ഉപയോഗിക്കുന്നതെന്നും ഡോ. മുഹമ്മദ് അറിയിച്ചു.
പ്രതിദിന കൊവിഡ് കേസുകള്‍ 1000 കടന്നു
അതിനിടെ, രാജ്യത്ത് പ്രതിദിന കോവിഡ് കേസുകളുടെ എണ്ണം 1000 കടന്നതായി ആരോഗ്യ മന്ത്രാലയം അറിയിച്ചു. ഒരു മാസത്തിനിടയില്‍ ആദ്യമായാണ് കോവിഡ് കേസുകളുടെ എണ്ണം 1000 കടക്കുന്നത്. ഇന്നലെ 1024 പുതിയ കേസുകളാണ് രാജ്യത്ത് റിപ്പോര്‍ട്ട് ചെയ്യപ്പെട്ടത്. ഇതോടെ രാജ്യത്തെ കോവിഡ് ബാധിതരുടെ എണ്ണം 558,106 ആയി ഉയര്‍ന്നു. 8879 പേരാണ് രാജ്യത്ത് ഇതിനകം കോവിഡ് ബാധിച്ച് മരിച്ചത്. നിലവില്‍ കോവിഡ് ബാധിച്ച് ആശുപത്രിയില്‍ കഴിയുന്നവരില്‍ 69 പേര്‍ ഗുരുതരാവസ്ഥയില്‍ ചികില്‍സയിലാണെന്നും അധികൃതര്‍ അറിയിച്ചു.
ഒരാഴ്ചയ്ക്കിടെ കണ്ടെത്തിയത് 8955 നിയമ ലംഘനങ്ങള്‍
അതിനിടെ, രാജ്യത്ത് കോവിഡ് വ്യാപനം ശക്തമായ സാഹചര്യത്തില്‍ മാസ്‌ക്ക് ധാരണം, സാമൂഹിക അകലം പാലിക്കല്‍ ഉള്‍പ്പെടെയുള്ള പെരുമാറ്റച്ചട്ടങ്ങള്‍ കര്‍ശനമായി നടപ്പിലാക്കുമെന്ന് ആരോഗ്യ മന്ത്രാലയം വക്താവ് അറിയിച്ചു. ഇതിന്റെ ഭാഗമായി പൊതു ഇടങ്ങളിലും വ്യാപാര സ്ഥാപനങ്ങളിലും പരിശോധനകള്‍ കര്‍ശനമാക്കിയിട്ടുണ്ട്. രാജ്യത്ത് കോവിഡ് നിയന്ത്രണങ്ങള്‍ തീരികെ കൊണ്ടുന്നതിന് ശേഷം ഇതിനകം ഇതുമായി ബന്ധപ്പെട്ട 8955 നിയമ ലംഘനങ്ങള്‍ അധികൃതര്‍ പിടികൂടിയിട്ടുണ്ട്. മാസ്‌ക്ക് ധരിക്കാത്തതിന് 1000 റിയാലാണ് ആദ്യ വട്ടം പിഴ ഈടാക്കുന്നത്. നിയമ ലംഘനം ആവര്‍ത്തിച്ചാല്‍ ഒരു ലക്ഷം റിയാല്‍ വരെ പിഴ ഉയരുമെന്നും അദ്ദേഹം മുന്നറിയിപ്പ് നല്‍കി.
കൂടുതല്‍ നിയമ ലംഘനങ്ങള്‍ റിയാദില്‍
കോവിഡ് പെരുമാറ്റച്ചട്ടങ്ങളുമായി ബന്ധപ്പെട്ട നിയമ ലംഘനങ്ങള്‍ ഏറ്റവും കൂടുതല്‍ റിപ്പോര്‍ട്ട് ചെയ്യപ്പെട്ടത് റിയാദ് റീജ്യണിലാണെന്ന് ആഭ്യന്തര മന്ത്രാലയം അറിയിച്ചു. 2715 കേസുകളാണ് ഇവിടെ റിപ്പോര്‍ട്ട് ചെയ്യപ്പെട്ടത്. മദീനയില്‍ 1423, മക്കയില്‍ 1088, കിഴക്കന്‍ പ്രവിശ്യയില്‍ 894, ഹൈലില്‍ 513, അസീറില്‍ 481, ഖാസിമില്‍ 407, ബഹായില്‍ 340, വടക്കന്‍ അതിര്‍ത്തി പ്രദേശങ്ങളില്‍ 316, തബൂക്കില്‍ 247, ജൗഫില്‍ 238, നജ്‌റാനില്‍ 148, ജസാനില്‍ 145 എന്നിങ്ങനെയാണ് ഒരാഴ്ചയ്ക്കിടയില്‍ റിപ്പോര്‍ട്ട് ചെയ്യപ്പെട്ട നിയമ ലംഘനങ്ങള്‍. കഴിഞ്ഞ വ്യാഴാഴ്ചയാണ് രാജ്യത്ത് കോവിഡ് നിയന്ത്രണങ്ങള്‍ വീണ്ടും നടപ്പിലാക്കാന്‍ പൊതുജനാരോഗ്യ മന്ത്രാലയം തീരുമാനിച്ചത്. ജനങ്ങളോട് ആഹ്വാനം ചെയ്തു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : daily covid cases above 1000 in saudi
Malayalam News from Samayam Malayalam, TIL Network
