പയ്യോളി: ദേശീയപാതയില്‍ ഇരിങ്ങലില്‍ കാറും ബൈക്കും കൂട്ടിയിടിച്ച് മാതൃഭൂമി സര്‍ക്കുലേഷന്‍ വിഭാഗം ജീവനക്കാരന്‍ മരണമടഞ്ഞു. കൊയിലാണ്ടി കൊല്ലം ഊരാംകുന്നുമ്മല്‍ ദേവികയില്‍ പരേതനായ സഹദേവന്റെ മകന്‍ നിഷാന്ത് കുമാര്‍ (44) ആണ് മരിച്ചത്.
ഇന്ന് രാവിലെ 9.30 ഓടെ ഇരിങ്ങലില്‍ വെച്ചാണ് അപകടം. വടകര ഭാഗത്തേക്ക് പോവുകയായിരുന്ന നിഷാന്ത് സഞ്ചരിച്ച ബൈക്കില്‍ എതിര്‍ദിശയില്‍ നിന്നെത്തിയ കാര്‍ ഇടിക്കുകയായിരുന്നു. ഗുരുതരമായി പരിക്കേറ്റ നിഷാന്തിനെ ഉടന്‍ വടകര ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല
മാതാവ്: കമല. ജസ്‌നയാണ് ഭാര്യ. നന്ദിത, നൈനിക എന്നിവര്‍ മക്കളാണ്.
Content Highlights: Mathrubhumi employee killed in a bike accident
