Also Read: ആരാധനാലയങ്ങൾ തുറക്കുന്നതിൽ നിലപാടറിയിച്ച് സർക്കാർ; ഭക്‌ത ജനങ്ങളെ തടയുകയെന്നത് സർക്കാരിൻ്റെ ലക്ഷ്യമല്ലെന്ന് ദേവസ്വം മന്ത്രി
വിവാദമായ കേന്ദ്ര കൊവിഡ് 19 വാക്സിനേഷൻ നയം പുതുക്കിയതിനു പിന്നാലെയാണ് പ്രധാനമന്ത്രിയുടെ പ്രഖ്യാപനം. 45 വയസ്സിനു താഴെ പ്രായമുള്ളവരുടെ വാക്സിനേഷൻ ചെലവ് കേന്ദ്രസര്‍ക്കാര്‍ ഏറ്റെടുക്കില്ലെന്നായിരുന്നു കേന്ദ്രത്തിൻ്റെ മുൻനിലപാട്. 18 വയസ്സിനും 45 വയസ്സിനും ഇടയിൽ പ്രായമുള്ളവരുടെ വാക്സിൻ ചെലവ് സംസ്ഥാനങ്ങള്‍ക്ക് ആവശ്യമെങ്കിൽ ഏറ്റെടുക്കാമെന്നും കേന്ദ്രസര്‍ക്കാര്‍ വ്യക്തമാക്കിയിരുന്നു. എന്നാൽ രാജ്യത്തെ കൊവിഡ് 19 വാക്സിൻ വിതരണം താളം തെറ്റിക്കുന്നതാണ് കേന്ദ്ര നയമെന്ന് വ്യാപകമായ വിമര്‍ശനം ഉയര്‍ന്നതിനു പിന്നാലെ കേന്ദ്രം വാക്സിൻ നയം തിരുത്തുകായിരുന്നു. രാജ്യത്ത് ഉത്പാദിപ്പിക്കുന്ന വാക്സിൻ്റെ 75 ശതമാനം കേന്ദ്രസര്‍ക്കാര്‍ വാങ്ങി സംസ്ഥാനങ്ങള്‍ വഴി സൗജന്യമായി വിതരണം ചെയ്യുമെന്നും ബാക്കി സ്വകാര്യ ആശുപത്രികള്‍ വഴി വിൽക്കുമെന്നുമാണ് പുതിയ നയം.
രാജ്യത്ത് പുതിയ കൊവിഡ് 19 കേസുകളുടെ എണ്ണത്തിൽ വലിയ കുറവുണ്ടായതോടെ മിക്ക സംസ്ഥാനങ്ങളും നിയന്ത്രണങ്ങള്‍ വെട്ടിക്കുറച്ചിട്ടുണ്ട്. എന്നാൽ കൊവിഡ് മൂന്നാം തരംഗമുണ്ടാകുമെന്ന മുന്നറിയിപ്പിൻ്റെ അടിസ്ഥാനത്തിൽ കേന്ദ്രസര്‍ക്കാര്‍ മുൻകരുതൽ നടപടികള്‍ തുടങ്ങി. രാജ്യത്ത് ഉടനീളം ഒരുലക്ഷത്തോളം കൊവിഡ് പോരാളികള്‍ക്ക് ഓൺലൈൻ വഴി പരിശീലനം നല്‍കാനാണ് കേന്ദ്രം പദ്ധതിയിടുന്നത്. വൈറസ് നമുക്കൊപ്പമുണ്ടെന്നം ഇനിയും വൈറസിനു ജനിതക വ്യതിയാനം സംഭവിക്കാൻ സാധ്യതയുണ്ടെന്നും പ്രധാനമന്ത്രി കഴിഞ്ഞ ദിവസം പറഞ്ഞിരുന്നു. ഈ സാഹചര്യത്തിൽ ജാഗ്രത തുടരണമെന്നും പ്രധാനമന്ത്രി നിര്‍ദേശിച്ചു.
ഡൽഹി കലാപം; തിഹാർ ജയിലിൽ നിന്നും പുറത്തിറങ്ങി വിദ്യാർത്ഥികൾ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : pm narendra modi says central government committed to provide free covid 19 vaccines for all
Malayalam News from malayalam.samayam.com, TIL Network
