Sumayya P | Samayam Malayalam | Updated: 19 Jun 2021, 09:57:44 AM
പഠനം പുനരാരംഭിക്കുന്നതുമായി ബന്ധപ്പെട്ട് മെയ്, ജൂണ്‍ മാസങ്ങളില്‍ അധ്യാപകര്‍, രക്ഷിതാക്കള്‍, പ്രിന്‍സിപ്പല്‍മാര്‍ തുടങ്ങിയവര്‍ക്കിടയില്‍ വിദ്യാഭ്യാസ വകുപ്പ് നടത്തിയ സര്‍വേയുടെ അടിസ്ഥാനത്തിലാണ് തീരുമാനം.
നേരിട്ടുള്ള ക്ലാസിന് പിന്തുണയുമായി രക്ഷിതാക്കള്‍
ക്ലാസ് പഠനം പുനരാരംഭിക്കുന്നതുമായി ബന്ധപ്പെട്ട് മെയ്, ജൂണ്‍ മാസങ്ങളില്‍ അധ്യാപകര്‍, രക്ഷിതാക്കള്‍, പ്രിന്‍സിപ്പല്‍മാര്‍ തുടങ്ങിയവര്‍ക്കിടയില്‍ വിദ്യാഭ്യാസ വകുപ്പ് നടത്തിയ സര്‍വേയുടെ അടിസ്ഥാനത്തിലാണ് തീരുമാനം. സര്‍ക്കാര്‍, സ്വകാര്യ സ്‌കൂള്‍ വിദ്യാര്‍ഥികളുടെ രക്ഷിതാക്കളിലാണ് സര്‍വേ നടത്തിയത്. സ്വദേശികളും പ്രവാസികളും ഉള്‍പ്പെടെ 1.17 ലക്ഷം രക്ഷിതാക്കള്‍ സര്‍വേയില്‍ പങ്കെടുത്തതായി അധികൃതര്‍ അറിയിച്ചു. സര്‍വേയില്‍ പങ്കെടുത്ത 88 ശതമാനം രക്ഷിതാക്കളും ക്ലാസ്സ് മുറി പഠനത്തെ അനുകൂലിച്ചതായി അധികൃതര്‍ അറിയിച്ചു. കൊവിഡ് വൈറസില്‍ നിന്നുള്ള മോചനത്തിന് കൂടുതല്‍ സമയം എടുക്കും എന്നതിനാല്‍ ഓണ്‍ലൈന്‍ പഠന രീതി തന്നെ തുടരുന്നതില്‍ അര്‍ഥമില്ലെന്ന നിലപാടിലാണ് രക്ഷിതാക്കളില്‍ ഏറെ പേരും. ക്ലാസ്സ് മുറി പഠത്തിന്റെ അഭാവം കുട്ടികളുടെ പഠനത്തെ മാത്രമല്ല, ശാരീരികവും മാനസികവുമായ മറ്റ് കഴിവുകളെയും സാരമായി ബാധിച്ചതായും രക്ഷിതാക്കള്‍ അഭിപ്രായപ്പെട്ടു. സുരക്ഷാ ക്രമീകരണങ്ങള്‍ ശക്തമായി പാലിക്കുന്ന പക്ഷം കുട്ടികളെ സ്‌കൂളുകളിലേക്ക് അയക്കാന്‍ തങ്ങള്‍ക്ക് ഭയമില്ലെന്നാണ് അവരുടെ നിലപാട്.
വാക്‌സിനേഷന്‍ തോത് 80 ശതമാനം
അബൂദാബിയിലെ 80 ശതമാനം അധ്യാപകരും സ്‌കൂള്‍ ജീവനക്കാരും കൊവിഡ് വാക്‌സിനേഷന്‍ പൂര്‍ത്തിയാക്കിയ സാഹചര്യത്തിലാണ് നേരിട്ടുള്ള ക്ലാസ്സുകള്‍ തുടങ്ങാന്‍ അനുമതി നല്‍കുന്നത്. സ്‌കൂളുകളിലെ സുരക്ഷാ ജീവനക്കാര്‍, ശുചീകരണ തൊഴിലാളികള്‍ ഉള്‍പ്പെടെയുള്ളവര്‍ക്ക് അധികൃതര്‍ വാക്‌സിന്‍ നല്‍കിയിരുന്നു. പലയിടങ്ങളിലും സ്‌കൂളുകള്‍ തന്നെ മുന്‍കൈയെടുത്താണ് ജീവനക്കാര്‍ക്ക് വാക്‌സിന്‍ ലഭ്യമാക്കിയത്. ഇതോടൊപ്പം കുട്ടികളെ സ്‌കൂളുകളില്‍ തിരിച്ചെത്തിക്കുന്നതിന്റെ ഭാഗമായി അവര്‍ക്കിടയിലും പ്രത്യേക വാക്‌സിനേഷന്‍ ഡ്രൈവ് നടത്തിയിരുന്നു.
ശക്തമായ കൊവിഡ് നിയന്ത്രണങ്ങള്‍
12 വയസ്സിന് മുകളിലുള്ള കുട്ടികള്‍ക്ക് ഫൈസര്‍ വാക്‌സിന്‍ സുരക്ഷിതമാണെന്ന പഠനത്തിന്റെ അടിസ്ഥാനത്തിലായിരുന്നു ഇത്. അതോടൊപ്പം ശക്തമായ കൊവിഡ് നിയന്ത്രണങ്ങള്‍ സ്‌കൂളുകളില്‍ ഏര്‍പ്പെടുത്തുമെന്നും അധികൃതര്‍ അറിയിച്ചു. പ്രവേശന കവാടത്തില്‍ തന്നെ കുട്ടികളുടെ താപനില പരിശോധിക്കുന്നതിനുള്ള ക്രമീകരണങ്ങള്‍ ഏര്‍പ്പെടുത്തും. സാമൂഹ്യ അകലം പാലിക്കല്‍, മാസ്‌ക് ധാരണം തുടങ്ങിയ പെരുമാറ്റച്ചട്ടങ്ങള്‍ കൃത്യമായി പാലിക്കുന്നതിനുള്ള സംവിധാനമൊരുക്കുമെന്നും അധികൃതര്‍ അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : abu dhabi approves in school learning for 2021 2022 academic year
Malayalam News from malayalam.samayam.com, TIL Network
