ആളുകളെ അലട്ടുന്ന സൗന്ദര്യ പ്രശ്‌നങ്ങള്‍ പലതാണ്. ഇതില്‍ പലരേയും അലട്ടുന്ന ഒന്നാണ് കണ്ണിനടിയിലെ കരുവാളിപ്പ് അഥവാ കറുപ്പ്. ഡാര്‍ക് സര്‍ക്കിള്‍ എന്ന് ഇത് അറിയപ്പെടുന്നു. കണ്ണിനടിയിലെ രക്തപ്രവാഹം കുറയുന്നതാണ് കാരണം. ഇതിന് കാരണമായി പലതുമുണ്ട്. ലാപ്‌ടോപ്പ് മുതലായവയുടെ ഉപയോഗം കൂടുന്നതും ഉറക്കക്കുറവും സ്‌ട്രെസുമെല്ലാം തന്നെ ഇത്തരം പ്രശ്‌നത്തിന് കാരണമാകാം. ഇതിനായി നമുക്ക് വീട്ടില്‍ തന്നെ തയ്യാറാക്കി ഉപയോഗിയ്ക്കാവുന്ന ഒരു പ്രത്യേക പായ്ക്കുണ്ട്. ഇത് തയ്യാറാക്കുന്നത് എങ്ങനെയെന്നു നോക്കൂ.

കടലമാവ്

ഇതിനായി കടലമാവ്, അല്ലെങ്കില്‍ ഗോതമ്പു പൊടി, കറ്റാര്‍ വാഴ, വൈറ്റമിന്‍ ഇ, ആല്‍മണ്ട് അഥവാ ബദാം ഓയില്‍, കഞ്ഞി വെള്ളം എന്നിവയാണ് വേണ്ടത്. കടലമാവ് സൗന്ദര്യ പ്രശ്‌നങ്ങള്‍ക്ക് ഉപയോഗിയ്ക്കുന്ന ഒന്നാണ്. ചർമ്മത്തിലെ കരുവാളിപ്പ് നീക്കം ചെയ്യാനും പാടുകൾ ഇല്ലാതാക്കാനും, ശരീരത്തിൽ കൂടുതലായുള്ള രോമങ്ങൾ നീക്കം ചെയ്യാനും ഒക്കെ കടല മാവ് ഉപയോഗിക്കുന്നവരുണ്ട്.

കഞ്ഞിവെള്ളവും

നാം പലപ്പോഴും വെറുതേ കളയുന്ന കഞ്ഞിവെള്ളവും സൗന്ദര്യത്തിന് ഏറെ ഗുണകരമാണ്. കഞ്ഞിവെള്ളം കൊണ്ട് മുഖം കഴുകിയാൽ ചർമ്മ സുഷിരങ്ങൾ തുറക്കും. ചര്‍മത്തിൻറെ നിറം വർധിപ്പിച്ച് തിളക്കം നൽകും. മുഖക്കുരുവിന്റെ പാടുകള്‍ പൂര്‍ണമായും ഇല്ലാതാക്കും. കണ്ണിനു താഴെയുള്ള കറുപ്പിനും, അകാലവാർദ്ധക്യം തടയാനും ഉത്തമാമണ് കഞ്ഞിവെള്ളം. കഞ്ഞിവെള്ളം പഞ്ഞിയില്‍ മുക്കി കണ്ണിനു താഴെ പത്ത് മിനിട്ട് തേച്ചു പിടിപ്പിക്കു. വ്യത്യസം തിരിച്ചറിയാം

​വൈറ്റമിന്‍ ഇ

വൈറ്റമിന്‍ ഇ ഇതിലെ മറ്റൊരു ചേരുവയാണ്. ഇത് ആൻറി ഓക്സിഡൻറാണ്. വിറ്റാമിൻ ഇ എണ്ണ ചർമ്മതിനുള്ള ഒരു ഉത്തമ മരുന്നായതിനാൽ, ചർമ്മത്തിൽ നിന്ന് മാലിന്യങ്ങൾ, അഴുക്ക്, എണ്ണമെഴുക്ക് എന്നിവ നീക്കംചെയ്യാൻ വളരെ ഉപയോഗപ്രദമാണ്. കൂടാതെ, ചർമ്മത്തിന്റെ എണ്ണയുടെ സന്തുലിതാവസ്ഥ നിലനിർത്താനും ഇവ നിങ്ങളെ സഹായിക്കുന്നു. കുറ്റമറ്റ സൗന്ദര്യം നേടുന്നതിനും ആകർഷകവും ആരോഗ്യകരവുമായി കാണുന്നതിനും വൈറ്റമിന്‍ ഇ എണ്ണ ഒരു പ്രധാന പങ്ക് വഹിക്കുന്നു.

​കറ്റാര്‍ വാഴ

കറ്റാര്‍ വാഴയും സൗന്ദര്യത്തിന് ഏറെ ഗുണകരമാണ്. പല തരത്തിലെ സൗന്ദര്യ ഗുണങ്ങളും കറ്റാര്‍ വാഴ ചര്‍മത്തിനു നല്‍കുന്നു. നിറം മുതല്‍ നല്ല ചര്‍മം വരെ ഇതില്‍ പെടുന്ന പ്രത്യേക കാര്യങ്ങളാണ്. ഇതിലെ വൈറ്റമിന്‍ ഇ ചര്‍മത്തിന് ഏറെ സഹായകമാണ്. തിളക്കമുള്ള ചര്‍മവും മാര്‍ദവമുള്ള ചര്‍മവുമെല്ലാം മറ്റു ഗുണങ്ങളാണ്. ഇത് ചര്‍മ കോശങ്ങള്‍ക്കടിയിലേയ്ക്ക് ആഴ്ന്നിറങ്ങി ചര്‍മത്തിന് തിളക്കവും മൃദുത്വവും എല്ലാം നല്‍കുന്നു.

​ഇതിനായി

ഇതിനായി ഗോതമ്പു പൊടിയോ കടലമാവോ എടുക്കുക. ഇതിലേയ്ക്ക് വൈറ്റമിന്‍ ഇ ഓയില്‍ പൊട്ടിച്ചൊഴിയ്ക്കണം. കറ്റാര്‍ വാഴ ജെല്‍ ഇതിലേയ്ക്ക് ഒഴിയ്ക്കുക. ഇതില്‍ കഞ്ഞി വെള്ളവും ചേര്‍ത്ത് ഇളക്കണം. ഇത് നല്ലൊരു പേസ്റ്റാക്കി കണ്ണിനടിയില്‍ പുരട്ടാം. അല്‍പം കഴിഞ്ഞ് കഴുകാം. പിന്നീട് ബദാം ഓയില്‍ പുരട്ടി മസാജ് ചെയ്യാം. ഇത് രാത്രി കിടക്കുന്നതിനു മുന്‍പ് ചെയ്യുന്നതാണ് കൂടുതല്‍ നല്ലത്.