സംസ്ഥാനത്ത് കൊവിഡ് സ്ഥിരീകരിച്ച് ചികിത്സയിൽ കഴിയുന്ന 4.4 ശതമാനം പേര് മാത്രമാണ് ആശുപത്രികളിലുള്ളതെന്ന് ആരോഗ്യമന്ത്രി അറിയിച്ചു.
പ്രതീകാത്മക ചിത്രം Photo: Agencies
ഹൈലൈറ്റ്:
- രോഗികളുടെ എണ്ണത്തിൽ വർധന
- ആശുപത്രികളിലുള്ളത് 4.4 ശതമാനം പേർ മാത്രം
- പരിശോധിച്ചത് 68,971 സാമ്പിളുകൾ
24 മണിക്കൂറിനിടെ 68,971 സാമ്പിളുകള്‍ പരിശോധിച്ചെന്നും മൊത്തം 1,72,295 പേര് നിരീക്ഷണത്തിലുണ്ടെന്നും മന്ത്രി വ്യക്തമാക്കി. തിരുനന്തപുരത്ത് 3556 കേസുകളും, എറണാകുളത്ത് 3198 കേസുകളും ഇന്ന് റിപ്പോര്‍ട്ട് ചെയ്തു. കോഴിക്കോട് 1567, തൃശൂര്‍ 1389, കോട്ടയം 1103, കൊല്ലം 892, കണ്ണൂര്‍ 787, പത്തനംതിട്ട 774, മലപ്പുറം 708, പാലക്കാട് 703, ആലപ്പുഴ 588, ഇടുക്കി 462, കാസര്‍ഗോഡ് 371, വയനാട് 240 എന്നിങ്ങനെയാണ് മറ്റു ജില്ലകളിലെ കണക്കുകൾ.
ഈ ആഴ്ച രോഗികളുടെ എണ്ണത്തിൽ 149 ശതമാനം വര്‍ധനവുണ്ടായി എന്നും ഓക്സിജൻ ആവശ്യമുള്ള രോഗികളുടെ എണ്ണം 9 ശതമാനം വര്‍ധിച്ചിട്ടുണ്ടെന്നും വീണ ജോര്‍ജ് വ്യക്തമാക്കി. അതേസമയം, വെന്‍റിലേറ്റര്‍ ആവശ്യമുള്ള രോഗികളുടെ എണ്ണം 3 ശതമാനം കുറഞ്ഞു.
പ്രതിവാര ഇൻഫെക്ഷൻ പോപ്പുലേഷൻ റേഷ്യോ പത്തിനു മുകളിലുള്ള ആറു വാര്‍ഡുകളുണ്ടെന്നും ഇവിടെ കര്‍ശന നിയന്ത്രണമുണ്ടാകുമെന്നും മന്ത്രി അറിയിച്ചു. സംസ്ഥാനത്ത് പുതുതായി 545 പേരെ ആശുപത്രിയിൽ പ്രവേശിപ്പിച്ചു.
Also Read: കൊവിഡ്: സ്കൂളുകൾ അടച്ചിടും, രാത്രി കർഫ്യൂ ഇല്ല; പുതിയ തീരുമാനങ്ങൾ
കഴിഞ്ഞ ദിവസങ്ങളിലായി ഉണ്ടായ 20 മരണങ്ങള്‍ കൊവിഡ് 19 മൂലമാണെന്നു സ്ഥിരീകരിച്ചെന്നും സുപ്രീം കോടതി വിധി അനുസരിച്ച് കേന്ദ്രസര്‍ക്കാരിൻ്റെ പുതിയ മാര്‍ഗനിര്‍ദേശ പ്രകാരം അപ്പീൽ നൽകിയ 179 മരണങ്ങള്‍ കൂടി കൊവിഡ് മരണങ്ങളുടെ പട്ടികയിൽ ഉള്‍പ്പെടുത്തിയതായും മന്ത്രി അറിയിച്ചു. ഇതോടെ മൊത്തം മരണസംഖ്യ 50,568 ആയ ഉയര്‍ന്നു.
ഇന്ന് രോഗം സ്ഥിരീകരിച്ചവരിൽ 116 ആരോഗ്യപ്രവര്‍ത്തകരുമുണ്ട്. 135 പേര് മാത്രമാണ് സംസ്ഥാനത്തിനു പുറത്തു നിന്നെത്തിയത്. ചികിത്സയിലുണ്ടായിരുന്ന 3848 പേര് രോഗമുക്തി നേടിയതായും മന്ത്രി അറിയിച്ചു.
Also Read: അഭിലാഷിനെ സാക്ഷിയായി വിസ്തരിച്ചു; തെളിവായത് അഭിമുഖമോ? സി. അനുപമ അന്നു പറഞ്ഞത്
സംസ്ഥാനത്ത് 99.48 ശതമാനം പേര് ഒന്നാം ഡോസ് വാക്സിനും 82 ശതമാനം പേര് രണ്ടാം ഡോസ് വാക്സിനും സ്വീകരിച്ചതായി ആരോഗ്യമന്ത്രി അറിയിച്ചു. രാജ്യത്ത് ദശലക്ഷം പേരിൽ ഏറ്റവുമധികം പേര് വാക്സിനെടുത്ത സംസ്ഥാനം കേരളമാണെന്നും മന്ത്രി ഫേസ്ബുക്ക് പോസ്റ്റിൽ വ്യക്തമാക്കി. ഇന്നു രോഗം സ്ഥിരീകരിച്ചവരിൽ 4423 പേര് വാക്സിൻ ലഭിക്കാത്തവരാണ്. എന്നാൽ 9295 പേര് രണ്ട് ഡോസ് വാക്സിനും സ്വീകരിച്ചിട്ടുണ്ട്. വാക്സിനേഷൻ കൊവിഡ് 19 ഗുരുതരമാകുന്നത് തടയുകയും ആശുപത്രി വാസത്തിൽ നിന്നും രക്ഷിക്കുമെന്നും മന്ത്രി വ്യക്തമാക്കി.
മദ്യപിക്കുന്നത് മാതാവ് വിലക്കി, വീടിനു തീവെച്ച് മകൻ!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : health minister veena george announces number of covid 19 cases in kerala on jan 14
Malayalam News from Samayam Malayalam, TIL Network
