കൊവിഡ്-19 മൂന്നാം തരംഗം മൂന്ന് മാസത്തിനുള്ളിൽ; എയിംസ് ഡയറക്ടർ

ന്യൂഡൽഹി: കൊവിഡിന്റെ മൂന്നാം തരംഗം ആറ് മുതൽ എട്ടാഴ്ചയ്ക്കുള്ളിൽ രാജ്യത്തുണ്ടാകുമെന്ന് എംയിംസ് ഡയറക്ടർ ഡോ രൺദീപ് ഗുലേറിയ. രണ്ടാം തരംഗം സൃഷ്ടിച്ച പ്രതിസന്ധിയിൽ നിന്നും രാജ്യം കരകയറാൻ ബുദ്ധിമുട്ടുമ്പോഴാണ് മൂന്നാം തരംഗം മൂന്ന് മാസത്തിനുള്ളിൽ ഉണ്ടാകുമെന്ന മുന്നറിയിപ്പുമായി ഗുലേരിയ രംഗത്തെത്തിയിരിക്കുന്നത്.



ജമ്മു കശ്മീ‍ര്‍ സര്‍വകക്ഷിയോഗം വിളിക്കാൻ പ്രധാനമന്ത്രി; പുതിയ രാഷ്ട്രീയനീക്കവുമായി കേന്ദ്രസര്‍ക്കാര്‍

“മൂന്നാം തരംഗം ഒഴിവാക്കാനാവില്ല. ആറ് മുതൽ എട്ട് ആഴ്ചകൾക്കുള്ളിൽ മൂന്നാം തരംഗം ഉണ്ടാകുമെന്നാണ് പ്രതീക്ഷിക്കുന്നത്. ഒരുപക്ഷേ അതിൽ നിന്നും ചെറിയ വ്യത്യാസങ്ങൾ ഉണ്ടായേക്കാം.” രൺദീപ് ഗുലേരിയ പറഞ്ഞു.

ഇനിയും വൈറസിന് ജനിതക മാറ്റം ഉണ്ടാകുമെന്ന് നമുക്ക് അറിയാം. അത്തരത്തിൽ ജനിതക മാറ്റം സംഭവിച്ച വൈറസുകളാണ് രണ്ടാം തരംഗത്തിന് കാരണമായത്. അതിനാൽ ഇനിയുള്ള സമയങ്ങളിൽ ആശുപത്രി അടക്കമുള്ള സ്ഥലങ്ങളിൽ കർശന നിരീക്ഷണം ആവശ്യമാണെന്ന് അദ്ദേഹം പറഞ്ഞു.

രണ്ടാം തരംഗത്തിന് ശേഷം നിയന്ത്രണങ്ങൾക്ക് ഇളവ് നൽകുന്ന സമയമാണ്. രണ്ടാം തരംഗത്തിന് ശേഷവും നാം അതിൽ നിന്നും പാഠം ഉൾക്കൊണ്ടില്ല. നിയന്ത്രണങ്ങൾക്ക് ഇളവ് വരുത്തിയതോടെ മാനദണ്ഡങ്ങൾ പാലിക്കാതെ ജനക്കൂട്ടം പ്രത്യക്ഷപ്പെട്ടു തുടങ്ങിയെന്നും അദ്ദേഹം പറഞ്ഞു.

‘അഭിപ്രായ സ്വാതന്ത്രം നഷ്‌ടമായി’: ഇന്ത്യയുടെ പുതിയ ഐടി ചട്ടങ്ങളില്‍ ആശങ്ക പ്രകടിപ്പിച്ച് യുഎൻ

നിലവിൽ മഹാരാഷ്ട്രയിൽ 1.4 ലക്ഷം രോഗികളാണ് ഉള്ളത്. മൂന്നാം തരംഗത്തിൽ അത് എട്ട് ലക്ഷം വരെയാകുമെന്നും ഗുലേരിയ മുന്നറിയിപ്പു നൽകി. പെട്ടെന്ന് രോഗികളുടെ എണ്ണത്തിലുണ്ടാകുന്ന വർദ്ധനവാണ് ഭീഷണി. ആരോഗ്യ മേഖല തകരാൻ ഇത് കാരണമാകുമെന്നും ഗുലേരിയ കൂട്ടിച്ചേർത്തു.