കാമുകിയെ കാണാന്‍ പര്‍ദ്ദ ധരിച്ച് ഹോട്ടലിലെത്തിയ കുവൈറ്റ് പൗരന്‍ കുടുങ്ങി

Sumayya P | Lipi | Updated: 20 Jun 2021, 11:21:00 AM

കാമുകിയെ കാണാന്‍ മറ്റ് വഴികളൊന്നും ഇല്ലാതെയാണ് സ്ത്രീ വേഷത്തില്‍ താന്‍ ഹോട്ടലിലെത്തിയതെന്ന് യുവാവ് സമ്മതിച്ചതായി പോലീസ് അറിയിച്ചു.

കുവൈറ്റ് സിറ്റി: കൊവിഡ് കാലത്ത് കാമുകിയെ കാണാന്‍ രഹസ്യമായി ഹോട്ടലിലെത്തിയ കുവൈറ്റ് പൗരനായ യുവാവ് പോലിസ് പിടിയിലായി. ആളെ തിരിച്ചറിയാതിരിക്കാനായി സ്ത്രീകള്‍ ധരിക്കുന്ന അബായയും മുഖം മറയ്ക്കുന്ന നിഖാബും ധരിച്ചായിരുന്നു യുവാവ് ഹോട്ടലിലെത്തിയതെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.കാമുകനെ കാണാന്‍ കുവൈറ്റ് സ്വദേശിയായ യുവതിയാണ് നഗരത്തിലെ ഹോട്ടലില്‍ മുറി എടുത്തത്. സ്വന്തം പേര് നല്‍കാതെ മകന്റെ പേരിലായിരുന്നു മുറി ബുക്ക് ചെയ്തതെന്ന് പിന്നീട് അന്വേഷണത്തില്‍ വ്യക്തമായി. കാമുകി ക്ഷണിച്ചത് പ്രകാരം അബായയും നിഖാബും ധരിച്ച് ഹോട്ടലിലെത്തിയ യുവാവിന്റെ പെരുമാറ്റത്തില്‍ സംശയം തോന്നിയ ഹോട്ടല്‍ അധികൃതരാണ് സംഭവം പോലിസിനെ അറിയിച്ചത്. ഇതുപ്രകാരം ഹോട്ടലിലെത്തിയ പോലീസ് യുവാവിനെയും യുവതിയെയും മുറിയില്‍ വച്ച് പിടികൂടുകയായിരുന്നു.

Also Read:

വാക്സിനെടുക്കാത്ത ജീവനക്കാരുടെ ആന്റിജന്‍ ടെസ്റ്റ്; സ്വകാര്യ ആരോഗ്യ കേന്ദ്രങ്ങളില്‍ സൗകര്യം ഒരുക്കി ഖത്തര്‍

കാമുകിയെ കാണാന്‍ മറ്റ് വഴികളൊന്നും ഇല്ലാതെയാണ് സ്ത്രീ വേഷത്തില്‍ താന്‍ ഹോട്ടലിലെത്തിയതെന്ന് യുവാവ് സമ്മതിച്ചതായി പോലീസ് അറിയിച്ചു. ഇരുവരെയും കസ്റ്റഡിയിലെടുത്ത പോലീസ് സംഭവത്തെ കുറിച്ച് അന്വേഷണം നടത്തി വരികയാണെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

ദേവികുളത്തെ നെറ്റ് വര്‍ക്ക് പ്രശ്നങ്ങൾ പരിഹാരിക്കാൻ ശ്രമം; എ രാജ എംഎല്‍എ പറയുന്നു

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക

ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ

Web Title : kuwaiti man dons abaya and niqab to meet lover

Malayalam News from malayalam.samayam.com, TIL Network