കുടുംബവഴക്ക്; ഭർത്താവിനെ കൊന്ന് അറുത്തെടുത്ത തലയുമായി സ്ത്രീ പോലീസ് സ്റ്റേഷനിൽ

ചിറ്റൂർ: കുടുംബവഴക്കിനെ തുടർന്ന് ഭർത്താവിനെ ഭാര്യ തലയറുത്തു കൊന്നു. മുറിച്ചുമാറ്റിയ തലയുമായി സ്ത്രീ പോലീസ് സ്റ്റേഷനിൻ കീഴടങ്ങി. ഭർത്താവിൻ്റെ തല പ്ലാസ്റ്റിക് കവറിലാക്കി പോലീസ് സ്റ്റേഷനിൽ എത്തിക്കുകയായിരുന്നു. ആന്ധ്രപ്രദേശിലെ ചിറ്റൂർ ജില്ലയിലെ റെനിഗുണ്ടയിൽ വ്യാഴാഴ്ചയാണ് കൊലപാതകം നടന്നത്. സംഭവത്തിൽ വസുദ്ധരയുടെ (50) അറസ്റ്റ് പോലീസ് രേഖപ്പെടുത്തി.



ഗര്‍ഭിണിയായ ഫോറസ്റ്റ് ഉദ്യോഗസ്ഥയെ നിലത്തിട്ട് മര്‍ദിച്ചു; മുന്‍ ഗ്രാമമുഖ്യനും ഭാര്യയും അറസ്റ്റിൽ

തിരുപ്പതിയിൽ നിന്ന് 10 കിലോമീറ്റർ അകലെയുള്ള റെനിഗുണ്ടയിലാണ് അമ്പത്തിമൂന്നുകാരനായ ഭശ്യാം രവിചന്ദ്രൻ എന്നയാൾ കൊല്ലപ്പെട്ടത്. ഭർത്താവിന് പരസ്ത്രീ ബന്ധമുണ്ടെന്ന് ആരോപിച്ച് ദമ്പതികൾ തമ്മിൽ വഴക്ക് പതിവായിരുന്നു. സംഭവദിവസം ഇരുവരും തമ്മിൽ വഴക്കുണ്ടാകുകയും കത്തി ഉപയോഗിച്ച് വസുന്ധര ഭർത്താവിനെ കുത്തുകയായിരുന്നു. തറയിൽ വീണ ഭർത്താവിനെ ഇവർ തുടർച്ചയായി കുത്തി. ഇതിന് ശേഷം കുത്താൻ ഉപയോഗിച്ച കത്തി ഉപയോഗിച്ച് ഭർത്താവിൻ്റെ തലയറുത്തു മാറ്റുകയായിരുന്നു.

അറുത്തെടുത്ത ഭർത്താവിൻ്റെ തല പ്ലാസ്റ്റിക് കവറിലാക്കി വസുദ്ധര സമീപത്തെ പോലീസ് സ്റ്റേഷനിൽ എത്തിച്ച് കൊലപാതക വിവരം അറിയിച്ചു. പോലീസ് നടത്തിയ പരിശോധനയിൽ കുടുംബവീട്ടിൽ നിന്നും രവിചന്ദ്രൻ്റെ ശരീരം കണ്ടെത്തി. കുടുംബവഴക്കിനെ തുടർന്നാണ് കൊലപാതകം നടന്നതെന്ന് പോലീസ് വ്യക്തമാക്കി.

വിവാഹം ഉറപ്പിച്ചിട്ടും അന്യസ്ത്രീയുമായി ചാറ്റിങ്ങ്; 25കാരനെ വീട്ടുകാർ തല്ലിക്കൊന്നു

മാനസിക പ്രശ്നങ്ങളുള്ള 20 കാരനായ മകനൊപ്പമാണ് ദമ്പതികൾ കഴിഞ്ഞിരുന്നത്. കൊലപാതകം നടക്കുമ്പോൾ മകൻ വീട്ടിൽ ഉണ്ടായിരുന്നില്ല. കൊലപാതകം നടന്ന ദിവസം ദമ്പതികൾ തമ്മിൽ വഴക്കുണ്ടായതായി സമീപവാസികൾ പോലീസിനോട് പറഞ്ഞു. വസുന്ധരയെ പോലീസ് ചോദ്യം ചെയ്യുകയാണ്. ഗുണ്ടൂർ ജില്ലയിലെ നർസറോപേട്ട് സ്വദേശിയാണ് രവിചന്ദ്രൻ. പ്രകാശം ജില്ലയിലെ ഗിദ്ദലൂർ സ്വദേശിയാണ് വസുന്ധര.