ഹൈലൈറ്റ്:
- ജനങ്ങളുടെ ആവേശമാണ് യൂത്ത് കോൺഗ്രസിന്‍റെ സമരങ്ങൾ
- ഡിവൈഎഫ്ഐ കേരളത്തിലെ യുവാക്കൾക്ക് ഒന്നടങ്കം അപമാനം
- റിജിൽ മാക്കുറ്റിയ്ക്കും സഹപ്രവർത്തകർക്കും അഭിവാദ്യങ്ങൾ
ഭരണപക്ഷ യുവജന സംഘടനകൾ മുഖ്യമന്ത്രിയുടെ അടിമകളായി ജനങ്ങളുടെ പ്രശ്നങ്ങളിലിടപെടാതെ ഒളിച്ചോടുന്ന ഈ കാലത്ത് ജനങ്ങളുടെ ആവേശമാണ് യൂത്ത് കോൺഗ്രസിന്‍റെ സമരങ്ങൾ. സംഘർഷത്തിനിടയിൽ ജയ്ഹിന്ദ് ടിവി ജീവനക്കാരന്‍റെ മാലയുടെ ഒരു ഭാഗം പൊട്ടിച്ചെടുത്തു കൊണ്ട് പോയ ഡിവൈഎഫ്ഐ കേരളത്തിലെ യുവാക്കൾക്ക് ഒന്നടങ്കം അപമാനമാണെന്നും സുധാകരൻ വിമർശിച്ചു.
Also Read : ‘കൂടെവന്ന അനുയായികൾ നേതാവിനെ ഉപേക്ഷിച്ച് ഓടി രക്ഷപ്പെട്ടു; റിജിൽ മാക്കുറ്റി ക്ലാസ്‌മേറ്റ്സിലെ സതീശൻ കഞ്ഞിക്കുഴിയെന്ന് പി ജയരാജൻ
പ്രതിഷേധക്കാരെ കായികമായി നേരിട്ട് കെ- റയിൽ അഴിമതിയുമായി മുന്നോട്ട് പോകാൻ അനുവദിക്കില്ല. സിപിഎമ്മിന്‍റെ ഗുണ്ടാസംഘം തമ്പടിച്ചിരിക്കുന്നുവെന്നറിഞ്ഞിട്ടും സധൈര്യം വേദിയിലേയ്ക്ക് കടന്നു ചെന്ന് പ്രതിഷേധമറിയിച്ച റിജിൽ മാക്കുറ്റിയ്ക്കും സഹപ്രവർത്തകർക്കും കെപിസിസിയുടെ അഭിവാദ്യങ്ങളെന്ന് പറഞ്ഞാണ് സുധാകരൻ ഫേസ്ബുക്ക് പോസ്റ്റ് അവസാനിപ്പിക്കുന്നത്.
അതേസമയം റിജിൽ മാക്കുറ്റിയെ മര്‍ദ്ദിച്ച സംഭവത്തില്‍ മന്ത്രിയുടെ പേഴ്സണൽ സ്റ്റാഫ് അംഗത്തിനെതിരെ വധ ശ്രമത്തിന് കേസെടുത്തതായും റിപ്പോർട്ടുണ്ട്. മന്ത്രി എംവി ഗോവിന്ദന്‍ മാസ്റ്ററുടെ പേഴ്സണൽ സ്റ്റാഫ് പ്രശോഭ് മൊറാഴ അടക്കമുള്ളവർക്കെതിരെയാണ് വധശ്രമത്തിന് കേസെടുത്തതെന്ന് ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്.
Also Read : മൂന്നാം തരംഗം: ദുരിതം നേരിടുന്നവരെ സഹായിക്കാൻ എല്ലാ പാർട്ടി ഘടകങ്ങളും രംഗത്ത് വരണം: സിപിഎം
മന്ത്രിയുടെ പേഴ്സണൽ സ്റ്റാഫ് അംഗത്തിന് പുറമേ ഡിവൈഎഫ്ഐ ജില്ലാ സെക്രട്ടറി എം ഷാജർ, റോബർട്ട് ജോർജ് , പിപി ഷാജർ തുടങ്ങിയവർക്കെതിരെയും കണ്ണൂർ ടൗൺ പൊലീസ് കേസ് എടുത്തിട്ടുണ്ടെന്നാണ് റിപ്പോർട്ട്. യോഗ വേദിയിൽ സംഘർഷമുണ്ടായതിന് പിന്നാലെ സ്ഥലത്ത് നിന്ന് യൂത്ത് കോണ്‍ഗ്രസ് പ്രവര്‍ത്തകരെ പോലീസ് അറസ്റ്റ് ചെയ്തു നീക്കിയിരുന്നു. യൂത്തുകോണ്‍ഗ്രസ് നൽകിയ പരാതിയിലാണ് ഇപ്പോള്‍ മന്ത്രിയുടെ പേഴ്സണല്‍ സ്റ്റാഫടക്കമുള്ളവര്‍ക്കെതിരെ കേസെടുത്തിരിക്കുന്നത്.
കാത്സ്യം ഗുളികകളിൽ 56 രാജ്യങ്ങളുടെ ദേശീയ പതാകകൾ!
Web Title : kpcc president k sudhakaran on rijil makkutty protest in kannur
Malayalam News from Samayam Malayalam, TIL Network
