Mary T | Samayam Malayalam | Updated: Jan 22, 2022, 8:41 AM
കുറ്റക്കാരില്‍ നിന്ന് 19 ലക്ഷം മുതല്‍ രണ്ട് കോടി രൂപ വരെ (SR 10,000- SR 1 Million) വരെ പിഴ ഈടാക്കുകയോ ചെയ്യും. അല്ലെങ്കില്‍ ഒന്ന് മുതല്‍ അഞ്ച് വര്‍ഷം വരെ തടവ് ശിക്ഷ നടപ്പാക്കും. അല്ലെങ്കില്‍ രണ്ട് ശിക്ഷകള്‍ ഒരുമിച്ചോ ഉണ്ടാകുമെന്ന് സൗദി ആഭ്യന്തര മന്ത്രാലയം.
ഹൈലൈറ്റ്:
- സൗദിയില്‍ കൊവിഡ് കേസുകള്‍ ഉയര്‍ന്ന നിലയില്‍
- മാസ്‌ക് ധരിക്കുന്നതും സാമൂഹിക അകലം പാലിക്കുന്നതും ഏര്‍പ്പെടുത്തിയിരുന്നു
- ഒക്ടോബറിലാണ് അവസാനമായി ഈ നിബന്ധന റദ്ദ് ചെയ്തത്
കൊവിഡ് രോഗബാധയെ കുറിച്ച് കിംവദന്തികള്‍ പ്രചരിപ്പിക്കുകയോ സാമൂഹിക മാധ്യമങ്ങളില്‍ പരിഭ്രാന്തി പരത്തുകയോ വൈറസിനെതിരായ നടപടിക്രമങ്ങള്‍ ലംഘിക്കാന്‍ പ്രേരിപ്പിക്കുകയോ ചെയ്താല്‍ 19 ലക്ഷം മുതല്‍ രണ്ട് കോടി രൂപ വരെ (SR 10,000- SR 1 Million) വരെ പിഴ ഈടാക്കുകയോ ഒന്ന് മുതല്‍ അഞ്ച് വര്‍ഷം വരെ തടവ് ശിക്ഷയോ അല്ലെങ്കില്‍ രണ്ട് ശിക്ഷകള്‍ ഒരുമിച്ചോ ഉണ്ടാകുമെന്ന് സൗദി ആഭ്യന്തര മന്ത്രാലയം അറിയിച്ചു.
Also Read: സന്ദര്‍ശകരുടെ ശ്രദ്ധയ്ക്ക്; അബുദാബിയില്‍ പ്രവേശിക്കാനുള്ള നിബന്ധനകളില്‍ മാറ്റം
രാജ്യത്ത് കൊവിഡ് കേസുകള്‍ ഉയര്‍ന്ന സാഹചര്യത്തില്‍ കഴിഞ്ഞ മാസം മാസ്‌ക് ധരിക്കുന്നതും ഔട്ട്‌ഡോര്‍, ഇന്‍ഡോര്‍ ഇടങ്ങളില്‍ സാമൂഹിക അകലം പാലിക്കുന്നതും വീണ്ടും ഏര്‍പ്പെടുത്തിയിരുന്നു. മക്കയിലെ ഗ്രാന്‍ഡ് മോസ്‌കിലും മദീനയിലെ പ്രവാചക മസ്ജിദിലും അധികൃതര്‍ വീണ്ടും സാമൂഹിക അകലം നടപ്പാക്കണമെന്ന് നിര്‍ദേശമിറക്കുകയും ചെയ്തു. ഒക്ടോബറിലാണ് അവസാനമായി ഈ നിബന്ധന റദ്ദ് ചെയ്തത്.
അതേസമയം, രാജ്യത്തെ കുറിച്ച് നുണകള്‍ പ്രചരിപ്പിച്ചാല്‍ അത് കുറ്റകൃത്യമായി കണക്കാക്കുമെന്ന് സൗദി അധികൃതര്‍ അറിയിച്ചു. കടുത്ത ശിക്ഷയും പിഴയും ആണ് ഇത്തരക്കാരെ കാത്തിരിക്കുന്നത്. സൗദി പബ്ലിക് പ്രോസിക്യൂഷന്‍ ആണ് ഇതുസംബന്ധിച്ച മുന്നറിയിപ്പ് നല്‍കിയിരിക്കുന്നത്. രാജ്യത്തെ കുറിച്ച് സോഷ്യല്‍ മീഡിയയില്‍ എന്തെങ്കിലും തെറ്റായ വിവരങ്ങള്‍ പങ്കുവെച്ചാലും ശിക്ഷ ലഭിക്കും. ഇത് പോസ്റ്റ് ചെയ്യുന്ന വ്യക്തികള്‍ക്കെതിരെയായിരിക്കും ശിക്ഷ ലഭിക്കുന്നത്.
അഞ്ചു വര്‍ഷം വരെ തടവും മുപ്പത് ലക്ഷം റിയാല്‍ പിഴ ലഭിക്കുന്ന കുറ്റമാണ് ഇത്. സോഷ്യല്‍ മീഡിയകളില്‍ റിയാദ് സീസണ്‍ സംഗീത പരിപാടിയെ കുറിച്ച് ചില തെറ്റായ വിവരങ്ങള്‍ പരക്കുന്നുണ്ട്. ഇത് ശ്രദ്ധയില്‍പ്പെട്ടിട്ടുണ്ടെന്നും സോഷ്യല്‍ മീഡിയയില്‍ വ്യാജ പോസ്റ്റ് ഇട്ടവര്‍ക്ക് സമന്‍സ് അയച്ചിട്ടുണ്ടെന്നും സൗദി പബ്ലിക് പ്രോസിക്യൂഷന്‍ കഴിഞ്ഞ ദിവസം അറിയിച്ചു.
Also Read: ഒമാനില്‍ മവാലിഹിലെ സെന്‍ട്രല്‍ മാര്‍ക്കറ്റിന് പകരം അത്യാധുനിക ഖസായിന്‍ ഫുഡ് സിറ്റി ഒരുങ്ങുന്നു
ഇവരുടെ പേരിലുള്ള കുറ്റം തെളിഞ്ഞാല്‍ ശിക്ഷാ നടപടികള്‍ ചുമത്തുമെന്നും പബ്ലിക് പ്രോസിക്യൂഷന്‍ അറിയിച്ചു. കുറ്റകൃതൃങ്ങള്‍ നടത്താല്‍ ഉപയോഗിച്ച ഫോണ്‍, സോഷ്യല്‍ മീഡിയ അക്കൗണ്ട് എന്നിവ പിടിച്ചെടുക്കും. രാജ്യത്തെ പൗരന്മാരും വിദേശികളും ഔദ്യോഗിക കേന്ദ്രങ്ങളില്‍ നിന്നും വരുന്ന വിവിരങ്ങള്‍ മാത്രം സ്വീകരിക്കുക. മറ്റു കാര്യങ്ങള്‍ ഒന്നും വിശ്വസിക്കാതിരിക്കുകയെന്ന് അതോറിറ്റി അറിയിച്ചു.
കാത്സ്യം ഗുളികകളിൽ 56 രാജ്യങ്ങളുടെ ദേശീയ പതാകകൾ!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : up to sr1 million fine in saudi arabia for spreading covid19 rumors
Malayalam News from Samayam Malayalam, TIL Network
