വടക്ക് കിഴക്കൻ സംസ്ഥാനങ്ങളില്‍ വാക്സിൻ വിരുദ്ധ പ്രചരണങ്ങള്‍ വ്യാപകം; യേശു രക്ഷിക്കുമെന്ന് മതനേതാവ്

ഷില്ലോങ്: രാജ്യത്തിന്റെ വടക്കുകിഴക്കൻ സംസ്ഥാനങ്ങളില്‍ കൊവിഡ് പ്രതിരോധ വാക്സിൻ വിരുദ്ധ പ്രചരണങ്ങൾ വ്യാപകമായി നടക്കുന്നതായി റിപ്പോര്‍ട്ട്. മേഘാലയയിലെ ഒരു മതനേതാവിന്റെ പ്രസ്ഥാവനയാണ് ഇപ്പോള്‍ വിവാദമായിരിക്കുന്നത്. പാസ്റ്റര്‍ ഫാവ എന്ന പേരിൽ അറിയപ്പെടുന്ന നേതാവാണ് വിവാദമായ പ്രസ്താവന നടത്തിയിരിക്കുന്നത്.



Also Read : കൊവിഡ് ഇരകള്‍ക്ക് 4 ലക്ഷം രൂപ നഷ്ടപരിഹാരമായി നൽകാനാകില്ല; സുപ്രീം കോടതിയോട് കേന്ദ്രം



സര്‍ക്കാരിന്റെ പാവങ്ങള്‍ക്കായുള്ള സ്കീമുകള്‍ നിരസിക്കണമെന്നാണ് നേതാവ് അനുയായികളോടെ നിര്‍ദ്ദേശിക്കുന്നത്. കൊവിഡ് വാക്സിനേഷൻ ഡ്രൈവിൽ പങ്കെടുക്കരുതെന്നും വാക്സിന്‍ സ്വീകരിക്കരുതെന്നും നിര്‍ദ്ദേശിക്കുന്നുണ്ട്. മുതിർന്ന ജില്ലാ സര്‍ക്കാര്‍ ഉദ്യോഗസ്ഥനെ ഉദ്ധരിച്ച് വാര്‍ത്താ ഏജൻസിയാണ് ഈ റിപ്പോര്‍ട്ട് പുറത്തുവിട്ടിരിക്കുന്നത്.

സംസ്ഥാനത്തെ ഒറ്റപ്പെട്ടുകിടക്കുന്ന ഖാസി ജയന്തിയ ഹിൽസ് മേഖലയിലാണ് ഏറ്റവും കുറവ് വാക്സിനേഷൻ കുറഞ്ഞിരിക്കുന്നത്. ഏഴ് ജില്ലകളാണ് പ്രദേശത്ത് കുറവ് കാണിക്കുന്നത്. ഇവിടെ ചില ഭാഗങ്ങളില്‍ ഈ മതനേതാവിന് വ്യക്തമായ സ്വാധീനമുണ്ടെന്നും ഉദ്യോഗസ്ഥർ പറഞ്ഞു.

ക്രിസ്റ്റ്യൻ പ്രബലമായ സംസ്ഥാനത്ത് നേരത്തെയും ഈ മത പ്രഭാഷകൻ വിവാദമുണ്ടാക്കിയിരുന്നു. 2018 മുതൽ ഇയാള്‍ ഒളിവിൽ കഴിയുകയായിരുന്നു. 2018ൽ നിയമസഭ തെരഞ്ഞെടുപ്പിൽ വോട്ട് ചെയ്യുന്നതിൽ നിന്നും നിരവധിയാളുകള്‍ പങ്കെടുക്കാതിരിക്കുന്നതിന് ഇയാള്‍ ആഹ്വാനം ചെയ്തിരുന്നു. ഇതിനേത്തുടര്‍ന്ന് നിരവധി ആളുകള്‍ വോട്ടെടുപ്പിൽ നിന്നും വിട്ടു നിന്നിരുന്നു.

ഞാൻ വാക്സിനേഷൻ സ്വീകരിക്കില്ല. ജീസസ് എല്ലാവരേയും സുഖപ്പെടുത്തും, എല്ലാവരുടേയും രോഗത്തിൽ നിന്നും കണ്ടെത്തിയിട്ടില്ലെന്നും ഇയാളുടെ അനുയായി വ്യക്തമാക്കി. അതിനാൽ തന്നെ തനിക്ക് വാക്സിൻ സ്വീകരിക്കാൻ ഒരു മാര്‍ഗവുമില്ലെന്നും അവര്‍ പറഞ്ഞു.

Also Read : നടിയെ ബലാത്സംഗം ചെയ്ത സംഭവം; തമിഴ്നാട് മുൻ മന്ത്രിയെ അറസ്റ്റ് ചെയ്തു



മൂന്നാം തരംഗം ഉയര്‍ത്തുന്ന ഭീഷണിയിലാണ് രാജ്യമിന്നുള്ളത്. ഇതുവരെ 27 കോടി ആളുകള്‍ക്ക് വാക്സിന്‍ നൽകിക്കഴിഞ്ഞു. വാക്സിനേഷൻ പൂര്‍ത്തിയാക്കിയാൽ മാത്രമേ കൊവിഡ് കേസുകള്‍ കുറയൂ എന്നാണ് ആരോഗ്യവിദഗ്ദ്ധര്‍ പറയുന്നത്.