ജമ്മു കശ്മീർ: പ്രധാനമന്ത്രിയുടെ സര്‍വകക്ഷിയോഗം, മെഹബൂബ മുഫ്തി പങ്കെടുക്കുന്നതിൽ തീരുമാനമായില്ല

ന്യൂഡൽഹി: ജൂൺ 24ന് പ്രധാനമന്ത്രി നരേന്ദ്രമോദി വിളിച്ച ജമ്മു കശ്മീരിലെ രാഷ്ട്രീയ നേതാക്കളുടെ സര്‍വകക്ഷിയോഗത്തില്‍ പിഡിപി നേതാവും ജമ്മു കശ്മീര്‍ മുന്‍ മുഖ്യമന്ത്രിയുമായ മെഹബൂബ മുഫ്തി പങ്കെടുത്തേക്കില്ല. യോഗത്തിൽ പങ്കെടുക്കണമെന്നാവശ്യപ്പെട്ട് ഡൽഹിയിൽ നിന്ന് വിളിച്ചിരുന്നെന്ന് മുഫ്തി നേരത്തെ വ്യക്തമാക്കിയിരുന്നു. എന്നാൽ യോഗത്തിൽ മുഫ്തിപങ്കെടുക്കണമോ എന്ന് തീരുമാനിച്ചിട്ടില്ലെന്നാണ് വൃത്തങ്ങളെ ഉദ്ധരിച്ച് ഇംഗ്ലീഷ് വാർത്താ ചാനലായ ഇന്ത്യ ടുഡേ റിപ്പോർട്ട് ചെയ്യുന്നത്.



യോഗത്തിൽ പങ്കെടുക്കുന്നത് സംബന്ധിച്ച് ചര്‍ച്ച ചെയ്യുന്നതിനായി പിഡിപിയുടെ രാഷ്ട്രീയകാര്യ സമിതി ഞായറാഴ്ച യോഗം ചേര്‍ന്നിരുന്നു. യോഗത്തിൽ ഗുപ്കര്‍ സഖ്യത്തെ പ്രതിനിധീകരിച്ച് രണ്ട് പേരെ അയക്കാനാണ് തീരുമാനിച്ചിരിക്കുന്നതെന്നാണ് പുറത്തുവരുന്ന റിപ്പോർട്ട്. മെഹബൂബ യോഗം ബഹിഷ്കരിച്ചിട്ടില്ലെന്നും യോഗത്തിൽ തങ്ങളെ ആര് പ്രതിനിധീകരിക്കണമെന്ന് തീരുമാനിക്കുകയാണെന്നുമാണ് നേതാക്കൾ പറയുന്നത്.

തൃണമൂലിൽ തിരിച്ചെടുക്കണമെന്നാവശ്യപ്പെട്ട് സമരം; മുന്നൂറോളം ബിജെപി പ്രവർത്തകരെ ഗംഗാജലം തളിച്ച് സ്വീകരിച്ചു

നാല് മുൻ മുഖ്യമന്ത്രിമാരടക്കം പതിനാല് നേതാക്കള്‍ക്ക് പ്രധാനമന്ത്രിയുടെ ഓഫീസിൽ നിന്നും ക്ഷണം ലഭിച്ചിട്ടുണ്ടെന്നാണ് പുറത്തുവരുന്ന റിപ്പോർട്ട്. കേന്ദ്രഭരണ പ്രദേശമായ ജമ്മു കാശ്മീരിലെ ഭാവി നടപടികളെക്കുറിച്ച് ചർച്ച ചെയ്യാനാണ് പ്രധാനമന്ത്രിയുടെ അധ്യക്ഷതയിൽ യോഗം ചേരുന്നത്. സംസ്ഥാന പദവി ലഭിക്കുന്നത് സംബന്ധിച്ച പ്രഖ്യാപനങ്ങൾ യോഗത്തിലുണ്ടാകുമോയെന്നാണ് രാജ്യം ഉറ്റുനോക്കുന്നത്.

നാഷണൽ കോൺഫറൻസ് നേതാവ് ഫാറുഖ് അബ്ദുള്ള, മകൻ ഒമർ അബ്ദുള്ള, കോൺഗ്രസ് നേതാവ് ഗുലാം നബി ആസാദ്, താരാ ചന്ദ്, പിഡിപി അധ്യക്ഷ മെഹബൂബ മുഫ്തി, സിപിഎം നേതാവ് യൂസഫ് തരിഗാമി , പീപ്പിൾസ് കോൺഫറൻസ് നേതാവ് മുസാഫർ ഹുസൈൻ ബൈഗ്, ബിജെപി നേതാക്കളായ നിർമ്മല്‍ സിംഗ്, കവീന്ദർ ഗുപ്ത തുടങ്ങിയവർക്കാണ് ക്ഷണം.

സംസ്ഥാനത്തെ ബാറുകള്‍ നാളെ മുതല്‍ അടച്ചിടും; പ്രതികരിക്കാതെ സർക്കാർ

ബിജെപിയും കശ്മീർ അപ്നി പാർട്ടിയും യോഗത്തിൽ പങ്കെടുക്കുമെന്ന് വ്യക്തമാക്കിയിട്ടുണ്ട്. എന്നാൽ നാഷണൽ കോൺഫറൻസ്, കോൺഗ്രസ്, സിപിഎം തുടങ്ങിയ പാർട്ടികൾ സഖ്യത്തിലെ കൂടിയാലോചനയ്ക്ക് ശേഷമാകും ഇക്കാര്യത്തിൽ അന്തിമ തീരുമാനം എടുക്കുക.