അമ്മ മകനെ പീഡിപ്പിച്ചെന്ന പരാതി; കടയ്‌ക്കാവൂർ പോക്‌സോ കേസിൽ വഴിത്തിരിവ്

തിരുവനന്തപുരം: പ്രായപൂർത്തിയാകാത്ത മകനെ അമ്മ ലൈംഗികമായി പീഡിപ്പിച്ചെന്ന കടയ്‌ക്കാവൂർ പോക്‌സോ കേസിൽ നിർണായക വഴിത്തിരിവ്. 13 കാരനായ മകനെ അമ്മ പീഡിപ്പിച്ചെന്ന ആരോപണം വ്യാജമാണെന്ന് പ്രത്യേക അന്വേഷണ സംഘം കണ്ടെത്തിയതായി ഏഷ്യാനെറ്റ് ന്യൂസ് റിപ്പോർട്ട് ചെയ്‌തു.



തിരുവനന്തപുരത്ത് ഒരു കുടുംബത്തിലെ മൂന്ന് പേരെ വീട്ടിൽ മരിച്ച നിലയിൽ കണ്ടെത്തി

കുട്ടി നൽകിയ മൊഴി വിശ്വാസ യോഗ്യമല്ലെന്ന് വ്യക്തമാക്കി അന്വേഷണ സംഘം കോടതിയിൽ റിപ്പോർട്ട് നൽകി. പരാതിക്ക് പിന്നിൽ പരപ്രേരണയില്ല. ശാസ്‌ത്രീയ പരിശോധനയ്‌ക്ക് ശേഷമാണ് ഈ കണ്ടെത്തലുകളെന്നും സംഘം വ്യക്തമാക്കി.

വൈദ്യ പരിശോധനയിൽ പീഡനം നടന്നുവെന്നതിന് തെളിവില്ലെന്നും കോടതിക്ക് കൈമാറിയ റിപ്പോർട്ടിൽ വ്യക്തമാക്കുന്നു. കുട്ടി അശ്ലീല ദൃശ്യങ്ങൾ കാണുന്നത് അമ്മ കണ്ടെത്തുകയും തുടർന്ന് മകൻ പീഡന ആരോപണം ഉന്നയിക്കുകയായിരുന്നു എന്നുമാണ് അന്വേഷണ സംഘം വ്യക്തമാക്കുന്നതെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്‌തു.

കടയ്ക്കാവൂർ പൊലീസ് കുട്ടിയുടെ അമ്മയെ ഇക്കഴിഞ്ഞ ഡിസംബർ 28ന് അറസ്റ്റ് ചെയ്‌തത്. മുൻ ഭർത്താവാണ് യുവതിക്കെതിരെ പോലീസിൽ പരാതി നൽകിയത്. അമ്മയെ കേസിൽ കുടുക്കിയെന്ന ഇളയ കുട്ടി വ്യക്തമാക്കിയിരുന്നു. എന്നാൽ പീഡനം നടന്നുവെന്ന അനിയൻ്റെ മൊഴി ശരിവച്ച് മൂത്ത സഹോദരനും രംഗത്തുവന്നിരുന്നു.

‘ഹിന്ദുവിൻ്റെ പണം’ കൈകാര്യം ചെയ്യാൻ ഹിന്ദു ബാങ്കുകൾ; കേരളത്തിൽ പുതിയ സംഘപരിവാർ പദ്ധതി: റിപ്പോര്‍ട്ട്

കേസിൽ അമ്മയക്ക് കഴിഞ്ഞ ജനുവരിയിൽ ഉപാധികളോടെ ജാമ്യം ലഭിച്ചിരുന്നു. സംഭവത്തിൽ വിശദമായ അന്വേഷണം നടത്തണമെന്നും കോടതി ആവശ്യപ്പെട്ടിരുന്നു. താൻ നിരപരാധിയാണെന്നും സത്യം പുറത്തുവരണമെന്നും യുവതി പറഞ്ഞിരുന്നു. പതിനാല് വയസുള്ള മകനെ ലൈംഗികമായി പീഡിപ്പിച്ചുവെന്ന പരാതിയിലാണ് കുട്ടിയുടെ അമ്മയെ അറസ്റ്റ് ചെയ്തത്.