ഒരുക്കങ്ങള്‍ 90 ശതമാനത്തിലേറെ പൂര്‍ത്തിയായി
കൊവിഡിന്റെ തുടക്കത്തില്‍ ഒരുക്കങ്ങളുടെ വേഗത അല്‍പം കുറഞ്ഞെങ്കിലും നേരത്തേ ആരംഭിച്ചതിനാല്‍ ആ വിടവ് നികത്താന്‍ സാധിച്ചു. സ്റ്റേഡിയങ്ങളുടെ നിര്‍മാണം ഉള്‍പ്പെടെ ലോകകപ്പിനായുള്ള ഒരുക്കങ്ങള്‍ 90 ശതമാനവും പൂര്‍ത്തിയായിക്കഴിഞ്ഞു. ലോകകപ്പിനെത്തുന്നവരെ സ്വീകരിക്കുന്നതിനായി മികച്ച ഗതാഗത സംവിധാനം, താമസ സൗകര്യങ്ങള്‍, ആരോഗ്യ സംവിധാനങ്ങള്‍ തുടങ്ങിയവയെല്ലാം ഒരുങ്ങിക്കഴിഞ്ഞു. സ്റ്റേഡിയങ്ങളില്‍ മിക്കവയും പ്രവര്‍ത്തന സജ്ജമായി. ചില സ്റ്റേഡിയങ്ങള്‍ ഇതിനകം അന്താരാഷ്ട്ര മത്സരങ്ങള്‍ സംഘടിപ്പിച്ചുകഴിഞ്ഞു. ഫൈനല്‍ മല്‍സരം നടക്കുന്ന ലുസൈല്‍ സ്റ്റേഡിയത്തിന്റെ പ്രവൃത്തികള്‍ 90 ശതമാനം പൂര്‍ത്തിയായതായും അദ്ദേഹം പറഞ്ഞു.
കാണികള്‍ക്കായി 10 ലക്ഷം വാക്സിന്
കൊവിഡിന്റെ പശ്ചാത്തലത്തില്‍ ഫുട്‌ബോള്‍ ആരാധകരെ സ്വീകരിക്കുന്ന കൃത്യമായ പദ്ധതികള്‍ ഖത്തര്‍ ആവിഷ്‌ക്കരിച്ചുവരികയാണ്. പൂര്‍ണമായും വാക്സിനെടുത്തവരെ മാത്രമായിരിക്കും ലോക കപ്പില്‍ കാണികളായി അനുവദിക്കുക. ആ സമയം ആവുമ്പോഴേക്കും ഭൂരിഭാഗം രാജ്യങ്ങളിലും വാക്സിനേഷന് പൂര്‍ത്തിയായിട്ടുണ്ടാവുമെന്നാണ് കരുതുന്നതെന്നും പ്രധാനമന്ത്രി ചൂണ്ടിക്കാട്ടി. എന്നാല്‍ ലോക കപ്പിന് വേണ്ടി ഖത്തറിലേക്കു വരുന്ന വാക്സിനെടുക്കാത്ത ആളുകള്‍ക്കായി പ്രത്യേക വാക്സിനേഷന് പദ്ധതിയും ഖത്തര്‍ തയ്യാറാക്കിയിട്ടുണ്ട്. അവര്‍ക്കായി 10 ലക്ഷം ഡോസ് വാക്സിന് ഒരുക്കാനാണ് ഖത്തര്‍ ലക്ഷ്യമിടുന്നത്. ഇതുമായി ബന്ധപ്പെട്ട് ഒരു വാക്സിന് നിര്‍മാണ കമ്പനിയുമായി ചര്‍ച്ച നടത്തിവരികയാണെന്നും പ്രധാനമന്ത്രി പറഞ്ഞു.
ഖത്തറില്‍ വാക്സിനേഷന് 72 ശതമാനം
ഖത്തറിലെ 72 ശതമാനം പേര്‍ക്കും ഈയാഴ്ച്ചയോടെ ചുരുങ്ങിയത് ഒരു ഡോസ് വാക്സിന് ലഭിക്കുമെന്നും പ്രധാനമന്ത്രി പറഞ്ഞു. ലോകത്ത് ലഭ്യമായവയില്‍ ഏറ്റവും മികച്ച രണ്ട് വാക്സിനുകളാണ് ഖത്തറില്‍ നല്‍കുന്നത്. ഫൈസര്‍ ബയോണ്‍ടെക്, മോഡേണ എന്നീ വാക്സിനുകള് നിരവധി പരീക്ഷണങ്ങളില്‍ ഏറ്റവും മികച്ചതെന്ന് തെളിയിക്കപ്പെട്ടതാണ്. മഹാമാരിയുടെ തുടക്കത്തില്‍ തന്നെ ഈ കമ്പനികളുമായി പങ്കാളിത്തത്തില്‍ ഏര്‍പ്പെട്ടതിനാലാണ് തുടക്കത്തില്‍ തന്നെ ഈ രണ്ടു വാക്സിനുകള് ഖത്തറില്‍ എത്തിക്കാന്‍ സാധിച്ചതെന്നും അദ്ദേഹം അറിയിച്ചു. പൂര്‍ണമായും ലോക്ക്ഡൗണ്‍ ചെയ്യുക എന്ന ആശയത്തോട് ഖത്തറിന് ആദ്യം മുതല്‍ തന്നെ യോജിപ്പുണ്ടായിരുന്നില്ല. പൂര്‍ണ ലോക്ക്ഡൗണ്‍ ഏര്‍പ്പെടുത്തിയ രാജ്യങ്ങളില്‍ അവ വേണ്ടത്ര ഫലപ്രദമായില്ലെന്നാണ് പിന്നീട് വിലയിരുത്തപ്പെട്ടത്. എന്നാല്‍ ഖത്തറിലെ പ്രധാന പദ്ധതികളെ ബാധിക്കാത്ത രീതിയിലാണ് നിയന്ത്രണങ്ങള്‍ ഏര്‍പ്പെടുത്തിയത്. അതുകൊണ്ട് തന്നെ കൊവിഡ് നിയന്ത്രണങ്ങള്‍ക്കിടയിലും ലോക കപ്പ് പദ്ധതികള്‍ ഉള്‍പ്പെടെയുള്ള പ്രവര്‍ത്തനങ്ങള്‍ നിശ്ചയിക്കപ്പെട്ട രീതിയില്‍ മുന്നോട്ട് കൊണ്ടുപോകാനായതായും അദ്ദേഹം പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar to provide one million covid-19 vaccine for fans attending 2022 fifa world cup
Malayalam News from malayalam.samayam.com, TIL Network
