നവജാത ശിശുവിന് 5.2 കിലോഗ്രാം ഭാരം; അസമിലെ ഏറ്റവും ഭാരമുള്ള കുഞ്ഞെന്ന് ഡോക്‌ടർമാർ

ഡിസ്‌പുർ: സംസ്ഥാനത്ത് ഏറ്റവും ഭാരമുള്ള കുഞ്ഞിന് ജന്മം നൽകി അസം സ്വദേശിയായ യുവതി. ജൂൺ പതിനഞ്ചിന് കാച്ചാർ ജില്ലയിലെ സിൽചാർ നഗരത്തിലെ കനക്‌പൂർ സ്വദേശിയായ ജയ ദാസ് (27) എന്ന യുവതിക്കാണ് 5.2 കിലോഗ്രാം ഭാരമുള്ള കുഞ്ഞ് പിറന്നത്.



ജമ്മു കശ്മീരിലെ സോപൂരിൽ ഏറ്റമുട്ടൽ; മൂന്ന് ലഷ്കര്‍ ഭീകരരെ കൊലപ്പെടുത്തി സൈന്യം

കൊവിഡ് ആശങ്ക തുടരുന്ന സാഹചര്യത്തിൽ ശസ്‌ത്രക്രിയ മുഖേനെയാണ് കുഞ്ഞിനെ പുറത്തെടുത്തത്. ജയ ദാസിൻ്റെ കുട്ടിക്ക് 5.2 കിലോഗ്രാം ഭാരമുണ്ട്. നവജാത ശിശുക്കളുടെ ശരാശരി ഭാരം 2.5 കിലോഗ്രാം ആണെന്നും ചില കേസുകളിൽ നവജാത ശിശുക്കൾക്ക് നാല് കിലോഗ്രാംവരെ ഭാരമുണ്ടാകുമെന്ന് ഡോ. ഹനീഫ് എം ഡി അഫ്‌സർ ലസ്‌കർ മാധ്യമങ്ങളോട് വ്യക്തമാക്കി.

ജയ – ബാദൽ ദാസ് ദമ്പതികളുടെ രണ്ടാമത്തെ കുട്ടിയാണെന്നും ആദ്യ കുട്ടിക്ക് ഏകദേശം 3.8 കിലോഗ്രാം ഭാരം ഉണ്ടായിരുന്നുവെന്ന് ഡോക്‌ടർമാർ പറഞ്ഞു. കൊവിഡ് ആശങ്കയുള്ളതിനാൽ പ്രസവത്തിനായി ഭാര്യയെ നേരത്തെ ആശുപത്രിയിൽ പ്രവേശിപ്പിക്കേണ്ടി വന്നുവെന്ന് ബാദൽ ദാസ് പറഞ്ഞു. “ഭാര്യയെ ആശുപത്രിയിൽ പ്രവേശിപ്പിക്കുന്നതിൽ ഭയമുണ്ടായിരുന്നു. തുടക്കത്തിൽ മടി കാണിച്ചെങ്കിലും ആശുപത്രിയിൽ പ്രവേശിപ്പിക്കാൻ തീരുമാനിച്ചു. അമ്മയെയും കുഞ്ഞിനെയും രക്ഷിച്ചതിൽ ഡോക്‌ടർമാരോട് നന്ദിയുണ്ട്” – എന്നും അദ്ദേഹം പറഞ്ഞു.

800 കിലോ ചാണകം മോഷണം പോയി; കേസെടുത്ത് പോലീസ്

പ്രസവം അടുത്തതോടെ കുടുംബം ആശങ്കപ്പെട്ടിരുന്നതായി ഡോ. ലസ്‌കർ പറഞ്ഞു. സമാനമായ സംഭവം യുകെയിൽ റിപ്പോർട്ട് ചെയ്‌തിരുന്നു. യുകെയിൽ 21കാരിയായ യുവതി ഏകദേശം 5.8 കിലോഗ്രാം ഭാരമുള്ള (12 പൗണ്ടും 14 ഔൺസും) കുഞ്ഞിന് ജന്മം നൽകിയിരുന്നു. ബ്രിട്ടനിലെ ഏറ്റവും ഭാരം കൂടിയ രണ്ടാമത്തെ നവജാത ശിശുവാണ് ഈ പെൺകുഞ്ഞ്.