Sumayya P | Lipi | Updated: 21 Jun 2021, 02:54:00 PM
ശുചിത്വത്തിലും വൃത്തിയിലും ഉയര്‍ന്ന നിലവാരം ഉറപ്പാക്കുന്നുണ്ടോയെന്ന് പരിശോധിച്ചാണ് ഖത്തര്‍ ടൂറിസം ഹോട്ടലുകള്‍ക്ക് ഈ സര്‍ട്ടിഫിക്കറ്റ് നല്‍കുന്നത്.
ഹൈലൈറ്റ്:
- കൊവിഡ് സാഹചര്യത്തല്‍ ഖത്തറിലെത്തുന്ന യാത്രക്കാര്‍ക്ക് ഏറ്റവും സുരക്ഷിതമായ ആതിഥ്യം ഒരുക്കാന്‍ പദ്ധതി
- ജീവനക്കാരുടെയും സന്ദര്‍ശകരുടെയും കൊവിഡ് പരിശോധന നടത്താനുള്ള സൗകര്യം
ശുചിത്വത്തിലും വൃത്തിയിലും ഉയര്‍ന്ന നിലവാരം ഉറപ്പാക്കുന്നുണ്ടോയെന്ന് പരിശോധിച്ചാണ് ഖത്തര്‍ ടൂറിസം ഹോട്ടലുകള്‍ക്ക് ഈ സര്‍ട്ടിഫിക്കറ്റ് നല്‍കുന്നത്. കൊവിഡ് നിയന്ത്രണങ്ങളിലെ ഇളവ് ഉള്‍പ്പെടെ ഖത്തര്‍ ക്ലീന്‍ സര്‍ട്ടിഫിക്കറ്റ് ഉള്ള ഹോട്ടലുകള്‍ക്ക് പ്രത്യേക പരിഗണനകളും ഭരണകൂടം നല്‍കുന്നുണ്ട്.
രാജ്യത്തെ നൂറ് ശതമാനം ഹോട്ടലുകളും ഇതിനകം ഖത്തര്‍ ക്ലീന്‍ സര്‍ട്ടിഫിക്കറ്റ് നേടിയതായും ഇത് അഭിമാനകരമായ നേട്ടമാണെന്നും ഖത്തര്‍ നാഷണല്‍ ടൂറിസം കൗണ്‍സില്‍ സെക്രട്ടറി ജനറല്‍ അക്ബര്‍ അല്‍ ബാകിര്‍ അറിയിച്ചു. ആദ്യത്തെ ഖത്തര്‍ ക്ലീന്‍ സര്‍ട്ടിഫിക്കറ്റ് നേടിയ ഡബ്ല്യൂ ദോഹ ഹോട്ടലില്‍ നടന്ന ഖത്തര്‍ ക്ലീന്‍ ക്യാംപയിന്റെ വാര്‍ഷിക ചടങ്ങില്‍ സംസാരിക്കുകയായിരുന്നു അദ്ദേഹം. കൊവിഡ് സാഹചര്യത്തല്‍ ഖത്തറിലെത്തുന്ന യാത്രക്കാര്‍ക്ക് ഏറ്റവും സുരക്ഷിതമായ ആതിഥ്യം ഒരുക്കാന്‍ പദ്ധതിയിലൂടെ സാധിച്ചതായി അക്ബര്‍ അല്‍ ബാകിര്‍ പറഞ്ഞു. ഇതിനകം ക്ലീന്‍ ഖത്തര്‍ സര്‍ട്ടിഫിക്കറ്റുകള്‍ നേടിയ ഹോട്ടലുകളില്‍ പ്രവര്‍ത്തിക്കുന്ന റസ്റ്റൊറന്റുകളില്‍ കൊവിഡ് വാക്സിന്‍ സ്വീകരിച്ചവര്‍ക്ക് ഇരുന്ന് ഭക്ഷണം കഴിക്കുന്നതിനുള്ള അനുമതി നല്‍കിയിട്ടുണ്ട്.
Also Read: 
ഇന്ത്യ–ദുബായ് എമിറേറ്റ്സ് സർവീസുകൾ ജൂണ്‍ 23 മുതൽ
കൊവിഡിന്റെ പശ്ചാത്തലത്തില്‍ അതിഥികളുടെ സുരക്ഷ ഉറപ്പുവരുത്തുന്നതിന്റെ ഭാഗമായി വിവിധ മുന്‍കരുതല്‍ നടപടികളും ക്ലീന്‍ ഖത്തര്‍ പദ്ധതിയുമായി ബന്ധപ്പെട്ട് നടപ്പില്‍ വരുത്തുന്നുണ്ട്. മുറികള്‍, എസി, വാട്ടര്‍ ടാങ്കുകള്‍, ടോയ്‌ലെറ്റുകള്‍, റിസെപ്ഷന്‍, ലോബി, ഗസ്റ്റ് ഏരിയ തുടങ്ങി എല്ലാ ഭാഗങ്ങളും കൃത്യമായ ഇടവേളകളില്‍ അണുവിമുക്തമാക്കുകയാണ് ഇവയിലൊന്ന്. സമ്പര്‍ക്കം പരമാവധി കുറയ്ക്കുന്നതിനായി മൊബൈല്‍ വഴിയുള്ള ചെക്ക് ഇന്‍, ചെക്ക് ഔട്ട് രീതികള്‍, ഓണ്‍ലൈന്‍ പെയ്‌മെന്റ് തുടങ്ങിയവയും ഇവിടങ്ങളില്‍ നടപ്പിലാക്കുന്നുണ്ട്. ജീവനക്കാരുടെയും സന്ദര്‍ശകരുടെയും ശരീരോഷ്മാവ് പരിശോധിക്കാനും കൊവിഡ് ബാധ സംശയിക്കുന്നവരെ ഐസൊലേഷനിലേക്ക് മാറ്റുന്നതിനുള്ള സംവിധാനവും ഇവിടെ ഒരുക്കിയിട്ടുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 10 0percentage of hotels in qatar are now qatar clean certified
Malayalam News from malayalam.samayam.com, TIL Network
