ബസ് ചാർജ് വർധന ഉണ്ടാകുമോ? പ്രതികരിച്ച് ഗതാഗത മന്ത്രി, പെൻഷൻ പ്രതിസന്ധി പരിഹരിക്കും

തിരുവനന്തപുരം: ഇന്ധന വിലവർധന തുടരുന്ന സാഹചര്യത്തിൽ ബസ് ചാർജ് വർധിപ്പിക്കുമോ എന്ന കാര്യത്തിൽ നിലപാട് വ്യക്തമാക്കി ഗതാഗത മന്ത്രി. ഇന്ധന വിലവർധനവിനെ തുടർന്നുണ്ടായ സാമ്പത്തിക പ്രതിസന്ധി മറികടക്കാൻ ടിക്കറ്റ് നിരക്ക് വർധിപ്പിക്കുന്ന കാര്യം പരിഗണനയിൽ ഇല്ലെന്ന് മന്ത്രി ആൻ്റണി രാജു പറഞ്ഞു.



അമ്മ മകനെ പീഡിപ്പിച്ചെന്ന പരാതി; കടയ്‌ക്കാവൂർ പോക്‌സോ കേസിൽ വഴിത്തിരിവ്

ബസ് ചാർജ് പരിഗണന നിലവിലില്ല. കെഎസ്ആർടിസിയിലെ പെൻഷൻ പ്രതിസന്ധി പരിഹരിക്കും. സഹകരണ ബാങ്ക് വഴിയുള്ള വിതരത്തിനുള്ള കരാൻ പുതുക്കും. ഇതിനൊപ്പം കെഎസ്ആർടിസിയിൽ സമ്പത്തിക അച്ചടക്കം കൊണ്ടുവരുമെന്നും മന്ത്രി വ്യക്തമാക്കി.

കെഎസ്ആർടിസിയുടെ ആദ്യ എൽഎൻജി ബസ് സർവീസ് തിരുവനന്തപുരത്ത് ഉദ്ഘാടനം ചെയ്‌ത് സംസാരിക്കുകയായിരുന്നു മന്ത്രി. കൊവിഡ് നിയന്ത്രണങ്ങൾ തുടരുന്നതിനിടെ ദിനം പ്രതി ഇന്ധനവില വർധന റിപ്പോർട്ട് ചെയ്യുന്ന സാഹചര്യത്തിൽ ബസ് ചാർജ് വർധിപ്പിക്കുമോ എന്ന ആശങ്ക തുടരുന്നതിനിടെയാണ് മന്ത്രി നിലപാടറിയിച്ചത്. അതേസമയം, സ്വകാര്യ ബസ് അസോസിയേഷൻ നികുതിയിളവടക്കമുള്ള നിരവധി ആവശ്യങ്ങൾ സർക്കാരിന് മുന്നിലെത്തിച്ചിട്ടുണ്ട്.

കേന്ദ്രപദ്ധതികളിൽ സംസ്ഥാനത്തിന്‍റെ ‘സ്റ്റിക്കർ’ ഒട്ടിക്കുന്നു; കേരള സർക്കാർ ‘സ്റ്റിക്കർ ഗവൺമെന്‍റ്’: കൃഷ്ണകുമാർ

കെഎആർടിസി ജീവനക്കാരുടെ ശമ്പള പരിഷ്‌കരണവുമായുള്ള ചർച്ചകൾ ആരംഭിച്ചു. 2015ൽ സേവന – വേതന പരിഷ്കരണത്തിനുള്ള ശ്രമം ഉണ്ടായെങ്കിലും നീട്ടിവെക്കുകയായിരുന്നു. കെഎസ്‌ആർടിസി നവീകരണത്തിൻ്റെ പാതയിലാണെന്നും ജീവനക്കാരെ വിശ്വാസത്തിലെടുത്ത് ആധുനികവൽകരണം നടപ്പാക്കുന്നതിന്റെ മുന്നോടിയായാണ് ശമ്പള പരിഷ്കരണ ചർച്ചകൾക്ക് തുടക്കം കുറിക്കുന്നതെന്നും ഗതാഗത മന്ത്രി ആന്റണി രാജു പറഞ്ഞു.