Jibin George | Samayam Malayalam | Updated: Feb 4, 2022, 4:04 PM
ഉന്നതവിദ്യാഭ്യാസമേഖലയിലെ വിവിധ പദ്ധതികളുടെയും ആസൂത്രണങ്ങളുടെയും വിശദീകരണങ്ങളുമായി എത്രയോ തവണ നമ്മുടെ മാധ്യമങ്ങളെ കണ്ടിട്ടുണ്ട്. എന്നാൽ അവയൊന്നും വാർത്തയായി പ്രത്യക്ഷപ്പെട്ടു കണ്ടിട്ടില്ലെന്ന് മന്ത്രി
ഉന്നത വിദ്യാഭ്യാസമന്ത്രി ആര്‍ ബിന്ദു. Photo: Facebook
ഹൈലൈറ്റ്:
- ഉന്നതവിദ്യാഭ്യാസമേഖലയിൽ വിവാദങ്ങളുയർത്തുയാണെന്ന് ഉന്നത വിദ്യാഭ്യാസമന്ത്രി ആര്‍ ബിന്ദു.
- കഴിഞ്ഞ കുറച്ചു മാസങ്ങളായി ഈ സാഹചര്യമാണുള്ളത്.
- ഫേസ്ബുക്ക് പോസ്റ്റിലൂടെയാണ് മന്ത്രിയുടെപ്രതികരണം.
ഉന്നതവിദ്യാഭ്യാസമേഖലയിലെ വിവിധ പദ്ധതികളുടെയും ആസൂത്രണങ്ങളുടെയും വിശദീകരണങ്ങളുമായി എത്രയോ തവണ നമ്മുടെ മാധ്യമങ്ങളെ കണ്ടിട്ടുണ്ട്. എന്നാൽ അവയൊന്നും വാർത്തയായി പ്രത്യക്ഷപ്പെട്ടു കണ്ടിട്ടില്ലെന്ന് മന്ത്രി വ്യക്തമാക്കി.
കൊവിഡ് ലക്ഷണമുണ്ടെങ്കിൽ മാത്രം പ്രവാസികളും യാത്രക്കാരും പരിശോധന നടത്തിയാൽ മതി; നിർദേശവുമായി സർക്കാർ
കണ്ണൂര്‍ സര്‍വകലാശാല വൈസ് ചാൻസലര്‍ നിയമനവുമായി ബന്ധപ്പെട്ട് നൽകിയ ഹര്‍ജി ലോകായുക്ത തള്ളിയ സാഹചര്യത്തിലാണ് ഉന്നത വിദ്യാഭ്യാസമന്ത്രി ആര്‍ ബിന്ദു പ്രതികരണം നടത്തിയത്. മുൻ പ്രതിപക്ഷ നേതാവ് രമേശ് ചെന്നിത്തല നല്‍കിയ ഹര്‍ജിയാണ് ലോകായുക്ത തള്ളിയത്. മന്ത്രി സ്വജനപക്ഷപാതമോ അഴിമതിയോ നടത്തിയതായി കണ്ടെത്താൻ കഴിഞ്ഞിട്ടില്ലെന്നാണ് ലോകായുക്ത വ്യക്തമാക്കി.
സര്‍വകലാശാല പ്രോ വൈസ് ചാൻലര്‍ എന്ന അധികാര പരിധിയിൽ നിന്നു കൊണ്ടു മന്ത്രി നിര്‍ദേശം മുന്നോട്ടു വെക്കുക മാത്രമാണ് ചെയ്തതെന്ന് ലോകായുക്ത ഉത്തരവിൽ വ്യക്തമാക്കുന്നു. കൂടാതെ വൈസ് ചാൻസലറെ നിയമിക്കാനുള്ള പൂര്‍ണ അധികാരം ഗവര്‍ണറുടേതു മാത്രമാണെന്നും ഉത്തരവിൽ വ്യക്തമാക്കുന്നുണ്ട്. നിയമനം നടത്തിയത് ഗവര്‍ണറാണെന്നും ഉത്തരവിൽ ചൂണ്ടിക്കാട്ടുന്നു.
സംസ്ഥാനത്ത് പ്രതിവര്‍ഷം 60,000ത്തോളം പുതിയ കാന്‍സര്‍ രോഗികൾ; ലോക ക്യാൻസർ ദിനത്തിൽ ആരോഗ്യമന്ത്രി
ഉന്നത വിദ്യാഭ്യാസമന്ത്രി ആര്‍ ബിന്ദുവിൻ്റെ ഫേസ്ബുക്ക് പോസ്റ്റിൻ്റെ പൂർണരൂപം
കേരളത്തിന്റെ ഭാവിയ്ക്ക് അനിവാര്യമായ മാറ്റങ്ങൾക്ക് ഉന്നതവിദ്യാഭ്യാസമേഖലയിൽ അരങ്ങൊരുക്കുമ്പോൾ വിവാദങ്ങളുയർത്തുകയും അവയ്ക്കു പിന്നാലെ പോകലുമാണ് കഴിഞ്ഞ കുറച്ചു മാസങ്ങളായി ഉണ്ടായതെന്ന് ഇപ്പോഴെങ്കിലും പറയാതെ വയ്യ.
കാര്യങ്ങൾ അവധാനതയോടെ കാണാനും പഠിച്ചവതരിപ്പിക്കാനും ബാധ്യതപ്പെട്ടവരാണ് ജനാധിപത്യത്തിൽ പ്രതിപക്ഷവും മാധ്യമങ്ങളും. ഉന്നതവിദ്യാഭ്യാസമേഖലയിലെ വിവിധ പദ്ധതികളുടെയും ആസൂത്രണങ്ങളുടെയും വിശദീകരണങ്ങളുമായി എത്രയോ തവണ നമ്മുടെ മാധ്യമങ്ങളെ കണ്ടിട്ടുണ്ട്. എന്നാൽ അവയൊന്നും വാർത്തയായി പ്രത്യക്ഷപ്പെട്ടു കണ്ടിട്ടില്ല. വിവാദങ്ങളുടേതായ നിഷേധാത്മക അന്തരീക്ഷമുയർന്നപ്പോൾ ആ ദൃശ്യങ്ങളെല്ലാം പുറത്തുവന്നു!
അന്നു പറഞ്ഞ വാക്കുകളൊന്നും എത്തേണ്ടവരിൽ എത്താതിരിക്കാനായിരുന്നു നല്ലൊരുപങ്ക് മാധ്യമങ്ങളും കാട്ടിയ ‘അവധാനത’ എന്നല്ലേ മനസ്സിലാക്കേണ്ടത്? വക്രീകരണമെന്നും തമസ്‌കരണമെന്നും ഇതിനെ വിളിക്കാതെങ്ങനെ! . സമൂഹത്തിന്റെ ഉത്തമതാത്പര്യം സംരക്ഷിക്കാൻ ഉത്തരവാദപ്പെട്ടവരിൽനിന്ന് വക്രീകരണവും തമസ്‌കരണവുമല്ല ജനത പ്രതീക്ഷിക്കുന്നത്. പ്രതിപക്ഷത്തെ പ്രധാന വ്യക്തിത്വങ്ങളായാലും മാധ്യമങ്ങളായാലും അനാവശ്യവിവാദങ്ങളുടെ ഇടയന്മാരായിക്കൂടാ.
അങ്ങനെ ആ കുരുക്കും പൊട്ടി; ലോകായുക്തയിൽ നിന്ന് യുഡിഎഫിനേറ്റത് കനത്ത പ്രഹരം: എഎ റഹീം
സൃഷ്ടിപരമായ സഹകരണമാണ് എല്ലാവരുടെ ഭാഗത്തുനിന്നും ഉണ്ടാവേണ്ടത്. അല്ലാത്ത തരം പ്രവൃത്തികൾ സമയത്തിന്റെയും ഊർജ്ജത്തിന്റെയും ദുർവിനിയോഗമാണ്. ആക്ഷേപങ്ങളുയർത്തുന്നതിലായാലും അവയെ പ്രചരിപ്പിക്കുന്നതിലായാലും അടിസ്ഥാനപരമായ ധാർമ്മികത പുലർത്താൻ ഇപ്പറഞ്ഞവരെല്ലാം ബാധ്യസ്ഥരാണ്. വാർത്താസമ്മേളനംവിളിച്ചുതന്നെ ഈ നിലപാടുകൾ വിശദമായി പറയാൻ അവസരം കിട്ടിയ ഒരു ദിവസത്തിന്റെ ഓർമ്മയിൽ ഇതിവിടെ കിടക്കട്ടെ.
പറഞ്ഞതുപോലെ തന്നെ പുനീതിൻ്റെ വീട്ടിലെത്തി അല്ലു അർജുൻ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : kerala higher education minister r bindu’s facebook post
Malayalam News from Samayam Malayalam, TIL Network
