ശരീരത്തിൽ ഇരുമ്പിന്റെ കുറവിനെ കുറിച്ചും അത് ഉണ്ടാക്കുന്ന ആരോഗ്യ പ്രശ്നങ്ങളെ കുറിച്ചും നാം കേട്ടിട്ടുണ്ട്. എന്നാൽ ശരീരത്തിന് ചെമ്പിന്റെ കുറവും ഉണ്ടാകുമെന്ന കാര്യം നിങ്ങൾക്കറിയാമോ?
ശരീരത്തിൽ ചെമ്പ് കുറഞ്ഞാലും പ്രശ്നമാണ്
ഹൈലൈറ്റ്:
- ശരീരത്തിലെ ചെമ്പിന്റെ കുറവിന്റെ മെഡിക്കൽ പദമാണ് ഹൈപ്പോകുപ്രീമിയ
- ഇത് ആരോഗ്യത്തെ ഏതൊക്കെ രീതിയിൽ ബാധിക്കുമെന്ന് നോക്കാം.
ആരോഗ്യ വിവരങ്ങളുടെയും പരിശോധനകളുടെയും വിശകലനത്തിലൂടെയാണ് ഹൈപ്പോകുപ്രീമിയ രോഗനിർണയം നടത്തുന്നത്. ക്ഷീണം, അടിയ്ക്കടി രോഗബാധിതരാകുക, ജലദോഷം മുതലായവ ഈ കുറവിന്റെ ലക്ഷണങ്ങളിൽ ഉൾപ്പെടാം.
ചെമ്പിന്റെ കുറവ് ആരോഗ്യത്തെ എങ്ങനെ ബാധിക്കുമെന്ന് നോക്കാം:
1. തലച്ചോറിന്റെ പ്രവർത്തനം തകരാറിലായേക്കാം: നാഡീവ്യവസ്ഥയെ നിയന്ത്രിക്കുന്നതിൽ ചെമ്പ് വഹിക്കുന്ന പങ്കിനെ കുറിച്ച് പഠനങ്ങൾ തെളിയിച്ചിട്ടുണ്ട്. ശരീരത്തിലെ ചെമ്പിന്റെ അഭാവം നടത്തം, ഓട്ടം, തുടങ്ങിയ കഴിവുകൾ കുറയാനും വൈജ്ഞാനിക പ്രവർത്തനത്തിൽ ഇടിവ് സംഭവിക്കുവാനും ഇടയാക്കും.
2. അനീമിയ: ആരോഗ്യമുള്ള ചുവന്ന രക്താണുക്കളുടെ അഭാവമാണ് ഈ അവസ്ഥയുടെ പ്രത്യേകത. അനീമിയ അഥവാ വിളർച്ച എന്ന അവസ്ഥയിലേക്ക് നയിച്ചേക്കാവുന്ന വിവിധ ഘടകങ്ങളിൽ, ചെമ്പിന്റെ അപര്യാപ്തത വളരെ പ്രധാനപ്പെട്ട ഒന്നാണ്.
3. മുടിയും ചർമ്മവും: ചെമ്പിന്റെ കുറവ് നിങ്ങളുടെ ചർമ്മത്തെയും മുടിയുടെ ആരോഗ്യത്തെയും വളരെയധികം ദോഷകരമായി ബാധിക്കും. മെലാനിൻ നഷ്ടം മൂലം മുടി അകാല നരയും ചർമ്മത്തിന്റെ നിറത്തിൽ വിളർച്ചയും ഉൾപ്പെടുന്ന ചില പ്രത്യാഘാതങ്ങൾ ഉണ്ടായേക്കാം.
4. കാഴ്ചശക്തിയിലെ മാറ്റങ്ങൾ: ഇത് ചെമ്പിന്റെ അഭാവത്തിന്റെ പെട്ടെന്നുള്ള ലക്ഷണമായിരിക്കില്ലെങ്കിലും, ദീർഘകാല ഹൈപ്പോകുപ്രീമിയ കാഴ്ചശക്തിയിൽ മാറ്റങ്ങൾ വരുത്താനും കാഴ്ച നഷ്ടപ്പെടാനും ഇടയാക്കും.
5. അസ്ഥികളുടെ ബലക്കുറവ്: എല്ലുകളുടെ ആരോഗ്യം നിയന്ത്രിക്കുന്നതിൽ ചെമ്പ് ഒരു പ്രധാന പങ്കു വഹിക്കുന്നു. ശരീരത്തിലെ ചെമ്പിന്റെ അഭാവം ദുർബലവും പൊട്ടുന്നതുമായ അസ്ഥികൾക്ക് കാരണമാകും, ഇത് അസ്ഥികളുടെ ആരോഗ്യത്തിന് ഹ്രസ്വവും ദീർഘകാലവുമായ കേടുപാടുകൾക്ക് കാരണമാകും.
വയറിലെ കൊഴുപ്പ് കുറയ്ക്കാൻ ഈ ടിപ്സ് സഹായിക്കും
ചെമ്പിന്റെ കുറവ് എങ്ങനെ നികത്താം?
1. ചെമ്പിന്റെ അപര്യാപ്തത നികത്തുന്നതിനുള്ള ആദ്യപടി അതിന് പിന്നിലെ കാരണം തിരിച്ചറിയുക എന്നതാണ്. മുളയിലേ തന്നെ പ്രശ്‌നം ഇല്ലാതാക്കാൻ നിങ്ങളുടെ ശരീരത്തെക്കുറിച്ചുള്ള ഉൾക്കാഴ്‌ച ലഭിക്കുന്നതിന് ഒരു വിദഗ്ദ്ധ ഡോക്ടറെ സമീപിക്കുക.
2. അതിന്റെ ആവശ്യകത നിറവേറ്റാൻ നിങ്ങൾക്ക് കോപ്പർ സപ്ലിമെന്റുകൾ കഴിക്കാം, എന്നാൽ കഴിക്കേണ്ട ഡോസിന്റെ അളവ് ഒരു ആരോഗ്യ വിദഗ്ധൻ നിർദ്ദേശിക്കുകയും മേൽനോട്ടം വഹിക്കുകയും ചെയ്യുന്നുണ്ടെന്ന് ഉറപ്പാക്കുക.
3. നിങ്ങളുടെ ശരീരത്തിന്റെ ചെമ്പ് ആവശ്യകതകൾ നിറവേറ്റാൻ സഹായിക്കുന്ന ആരോഗ്യകരമായ ഭക്ഷണം കഴിക്കുക. കൂൺ, വിത്ത്, നട്ട്സുകൾ, കക്കയിറച്ചി, ഇലക്കറികൾ തുടങ്ങിയ ഭക്ഷണങ്ങൾ നിങ്ങളുടെ ഭക്ഷണക്രമത്തിൽ ചേർക്കാം.
ശ്രദ്ധിക്കുക: ഈ ലേഖനത്തിൽ പരാമർശിച്ചിരിക്കുന്ന നുറുങ്ങുകളും നിർദ്ദേശങ്ങളും പൊതുവായ വിവര ആവശ്യങ്ങൾക്ക് മാത്രമുള്ളതാണ്, അവ ഒരു വിദഗ്ദ്ധ ഡോക്ടറുടെ ഉപദേശത്തിന് പകരമായി കണക്കാക്കരുത്. ഏതെങ്കിലും ഫിറ്റ്നസ് പ്രോഗ്രാം ആരംഭിക്കുന്നതിന് മുമ്പ് അല്ലെങ്കിൽ നിങ്ങളുടെ ഭക്ഷണക്രമത്തിൽ എന്തെങ്കിലും മാറ്റങ്ങൾ വരുത്തുന്നതിന് മുമ്പ് എല്ലായ്പ്പോഴും നിങ്ങളുടെ ഡോക്ടറെയോ ഡയറ്റീഷ്യനെയോ സമീപിക്കുക.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : signs and symptoms of copper deficiency
Malayalam News from Samayam Malayalam, TIL Network
