യുപിയിൽ ബിജെപിയുടെ മുഖ്യമന്ത്രി സ്ഥാനാര്‍ഥിയായി മത്സരിക്കുന്ന യോഗി ആദിത്യനാഥ് നാമനിര്‍ദേശപത്രിക സമര്‍പ്പിച്ച ശേഷം വോട്ടര്‍മാരെ ഓൺലൈനായി അഭിസംബോധന ചെയ്തു.
യുപി മുഖ്യമന്ത്രി യോഗി ആദിത്യനാഥ് Photo: ANI/File
ഹൈലൈറ്റ്:
- 1.54 കോടിയുടെ സ്വത്തുണ്ടെന്ന് യോഗി
- ആറ് ബാങ്ക് അക്കൗണ്ടുകള്‍
- സമ്പാദ്യമായി സ്വര്‍ണാഭരണങ്ങളും
ഇതാദ്യമായണ് ഗോരഖ്പൂരിൽ നിന്ന് നിയമസഭാ തെരഞ്ഞെടുപ്പിൽ യോഗി മത്സരിക്കുന്നത്. വരുന്ന മാര്‍ച്ച് മൂന്നിനാണ് ആറാം ഘട്ട നിയമസഭാ തെരഞ്ഞെടുപ്പിൽ ഗോരഖ്പൂരിൽ വോട്ടെടുപ്പ് നടക്കുന്നത്. തനിക്ക് ബാങ്ക് ബാലൻസും ഭൂസ്വത്തുക്കളും മറ്റു ആസ്തികളും ഉള്‍പ്പെടെ മൊത്തം 1,54,94,054 രൂപയുടെ ആസ്തിയുണ്ടെന്ന് മുഖ്യമന്ത്രി യോഗി ആദിത്യനാഥ് സത്യവാങ്മൂലത്തിൽ വ്യക്തമാക്കി. ആറ് ബാങ്ക് അക്കൗണ്ടുകളിലുള്ള നിക്ഷേപവും കൈയ്യിലുള്ള പണവും ചേര്‍ത്താണ് ഈ തുക. കൂടാതെ 12,000 രൂപ വരുന്ന സാംസങ് മൊബൈൽ ഫോൺ, ഒരു ലക്ഷം രൂപ വരുന്ന റിവോള്‍വര്‍, 80,000 രൂപയുടെ ഒരു റൈഫിള്‍ എന്നിവയും തന്‍റെ പക്കലുണ്ടെന്നു യോഗി അറിയിച്ചു.
Also Read: സംസ്ഥാനത്ത് ഇന്ന് 38,684 കൊവിഡ് കേസുകള്‍; ടിപിആർ വീണ്ടും കുറഞ്ഞു
49,000 രൂപ വലി വരുന്ന 20 ഗ്രാമിൻ്റെ ഒരു സ്വര്‍ണക്കമ്മൽ, ഒരു സ്വര്‍ണ ചെയിൻ, കൂടാതെ കഴുത്തിൽ അണിയുന്ന പത്ത് ഗ്രാം ഭാരവം 20,000 രൂപ വിലയും വരുന്ന സ്വര്‍ണമാല എന്നിവയും തനിക്കുണ്ടെന്ന് യോഗി സത്യവാങ്മൂലത്തിൽ അറിയിച്ചു. കഴിഞ്ഞ സാമ്പത്തിക വര്‍ഷം തനിക്ക് 13.2 ലക്ഷം രൂപയുടെ സ്വത്തും 2019-20 സാമ്പത്തികവര്‍ഷം 15.68 ലക്ഷം രൂപയുടെ സ്വത്തും ഉണ്ടെന്ന് യോഗി വ്യക്തമാക്കിയിട്ടുണ്ട്. തനിക്കെതിരെ ക്രിമിനൽ കേസുകളൊന്നുമില്ലെന്നും യോഗി ആദിത്യനാഥ് വ്യക്തമാക്കി.
Also Read: മുഖ്യമന്ത്രിയുടെ ദുരിതാശ്വാസനിധി: മുഴുവൻ രേഖകളും ഹാജരാക്കാൻ ലോകായുക്ത നിർദേശം
നാമനിര്‍ദേശ പത്രികകള്‍ സമര്‍പ്പിച്ച് ശേഷം യോഗി ആദിത്യനാഥ് മീററ്റിലെ വോട്ടര്‍മാരെയും അഭിസംബോധന ചെയ്തു. ഓൺലൈനായി സംഘടിപ്പിച്ച ജൻ ചൗപൽ എന്ന പരിപാടിയിലൂടെയായിരുന്നു യോഗിയുടെ അഭിസംബോധന. പ്രധാനമന്ത്രി നരേന്ദ്ര മോദിയും പരിപാടിയിൽ പങ്കെടുത്തു. ദേശീയത, വികസനം, സദ്ഭരണം എന്നീ മൂല്യങ്ങള്‍ ഉയര്‍ത്തിപ്പിടിച്ചാണ് താൻ തെരഞ്ഞെടുപ്പിൽ മത്സരിക്കുന്നതെന്ന് ബിജെപിയുടെ മുഖ്യമന്ത്രി സ്ഥാനാര്‍ഥി കൂടിയായ യോഗി പരിപാടിയിൽ വ്യക്തമാക്കി. ഫെബ്രുവരി ആറാം തീയതി ബിജെപി പ്രകടനപത്രിക പുറത്തിറക്കുമെന്നും യോഗി ആദിത്യനാഥ് അറിയിച്ചു.
ഉദ്‌ഘാടനത്തിന് ഒരുങ്ങി വലിയഴീക്കൽ പാലം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : up cm yogi adityanath declares assets before assembly elections 2022
Malayalam News from Samayam Malayalam, TIL Network
