ഈ പ്രശ്നങ്ങൾ അകറ്റി മുടി തഴച്ച് വളരാൻ ഉലുവ ഉപയോഗിക്കാം ഇങ്ങനെ

​മുടിയഴകിന് ഉലുവ

അടുക്കള ചേരുവകളുടെ കൂട്ടത്തിൽ നമുക്ക് ഏറ്റവും പരിചയമുള്ള ഒന്നായിരിക്കും ഉലുവ. രുചിയുടെയും ആരോഗ്യ ഗുണങ്ങളുടെയും കാര്യത്തിൽ മാത്രമല്ല, കേശസംരക്ഷണത്തിന്റെ കാര്യത്തിലും ഉലുവ നിങ്ങളെ അത്ഭുതപ്പെടുത്തും. എണ്ണിയാലൊടുങ്ങാത്ത ഗുണങ്ങളാണ് ഉലുവ എന്ന ചെറു ചെരുവയ്ക്കുള്ളിൽ അടങ്ങിയിട്ടുള്ളത്. ഇതിലുള്ള അമിനോ ആസിഡുകൾ മുടിയുടെ വളര്‍ച്ചയ്ക്ക് ഏറ്റവുമധികം ഗുണങ്ങൾ ചെയ്യുന്ന ഒന്നാണ്. മുടിയുമായി ബന്ധപ്പെട്ട് ഉണ്ടാവുന്ന പ്രശ്നങ്ങളെ ഒരു പരിധി വരെ അകറ്റി നിർത്താൻ ഇതിലെ മറ്റ് പോഷണങ്ങൾ സഹായിക്കും. ഉലുവ ഉപയോഗിച്ചുകൊണ്ട് വളരെ എളുപ്പത്തിൽ നിങ്ങൾക്ക് മുടിക്കായി ചെയ്യാൻ കഴിയുന്ന ചില ഹെയർ പായ്ക്കുകളെ പരിചയപ്പെട്ടാലോ ?

​നാരങ്ങ – ഉലുവ പായ്ക്ക്

മുടിവളർച്ചയെ ഉത്തേജിപ്പിക്കാനും താരൻ അടക്കമുള്ള പ്രശ്നങ്ങളെ അകറ്റി നിർത്താനും നിങ്ങൾക്ക് ഈ പരിഹാരമാർഗ്ഗം പരീക്ഷിക്കാം. 3 ടേബിൾസ്പൂൺ ഉലുവ വിത്തുകൾ തണുത്ത വെള്ളത്തിൽ ഒരു രാത്രി മുഴുവൻ കുതിർത്തി വയ്ക്കുക. അടുത്തദിവസം രാവിലെ, അവ ഒരു മിക്സറിലിട്ട് നന്നായി അരച്ചെടുത്ത് പേസ്റ്റാക്കി മാറ്റുക. ഇതിലേക്ക് 4 ടേബിൾസ്പൂൺ നാരങ്ങ നീര് ചേർത്ത് കൂട്ടിയോജിപ്പിക്കുക. ഈ മിശ്രിതം നിങ്ങളുടെ തലയോട്ടിയിലും മുടിയിലും ഉടനീളം പുരട്ടി വയ്ക്കാം. 45 മിനിറ്റ് സൂക്ഷിച്ചതിനെ തുടർന്ന് മുടി തണുത്ത വെള്ളത്തിൽ കഴുകുക. ഈ ചേരുവയിലെ ഗുണങ്ങൾ നിങ്ങളുടെ മുടിയുടെ ആരോഗ്യമുള്ള വളർച്ചയ്ക്ക് വഴിയൊരുക്കുക മാത്രമല്ല, തലയോട്ടിയ കൂടുതൽ ആഴത്തിൽ വൃത്തിയാക്കുകയും ചെയ്യും.

​വെളിച്ചെണ്ണ ഉലുവ ഹെയർ മാസ്ക്

മുടിയുടെ അറ്റം പിളരുന്നതിൻ്റെ പ്രശ്നങ്ങളെ പരിഹരിക്കുന്നതിനും അകാല നരയുടെ ലക്ഷണങ്ങളെ അകറ്റുന്നതിനുമായി നിങ്ങൾക്ക് വെളിച്ചെണ്ണ യോടൊപ്പം ഉലുവ ചേർത്ത് ഉപയോഗിക്കാം. 3 – 4 ടേബിൾസ്പൂൺ ഉലുവ വെയിലത്തു വച്ച് ഉണക്കിയെടുത്ത ശേഷം ഒരു ബ്ലെൻഡറിൽ ഇട്ട് പൊടിച്ചെക്കുക. ‘5 ടേബിൾസ്പൂൺ ചെറുചൂടുള്ള വെളിച്ചെണ്ണയോടൊപ്പം ഇത് മിക്സ് ചെയ്യുക. ഈ മിശ്രിതം നിങ്ങളുടെ തലയോട്ടിയിൽ പുരട്ടി നന്നായി മസാജ് ചെയ്യുക. നിങ്ങളുടെ മുടിയുടെ വേരു മുതൽ അറ്റം വരെ ഇത് നന്നായി തേച്ചുപുരട്ടുക. 2 മണിക്കൂറോളം ഇത് തലയിൽ സൂക്ഷിച്ച ശേഷം ചെറുചൂടുള്ള വെള്ളത്തിൽ കഴുകിക്കളയാം. ഈ ഹെയർ പായ്ക്ക് നിങ്ങളുടെ മുടികൊഴിച്ചിലും മുടി പൊട്ടലുമൊക്കെ എളുപ്പത്തിൽ തടഞ്ഞു നിർത്തും. അതുവഴി മുടിയുടെ ആരോഗ്യകരവും ആകർഷണീയതയും താനേ വർദ്ധിക്കുകയും ചെയ്യും.

Also read: കേശസംരക്ഷണത്തിന് അവക്കാഡോ ഓയിൽ, ഉപയോഗിക്കാൻ 5 വഴികൾ

​തൈര് – ഉലുവ ഹെയർ പായ്ക്ക്

തലയോട്ടിയിലെ അധിക എണ്ണമയം നീക്കം ചെയ്യുന്നതിനും മുടിയുടെ ബലം വർദ്ധിപ്പിക്കുന്നതിനും ഒക്കെ നിങ്ങൾക്ക് ഈ ഹെയർ പായ്ക്ക് പരീക്ഷിക്കാം. 3 ടേബിൾസ്പൂൺ ഉലുവ ഒരു രാത്രി മുഴുവൻ വെള്ളത്തിൽ കുതിർത്തിവെച്ച ശേഷം രാവിലെ ഇതെടുത്ത് നന്നായി അരച്ച് കട്ടിയുള്ള പേസ്റ്റ് ഉണ്ടാക്കുക. 5 ടേബിൾസ്പൂൺ തൈര് ഒരു പാത്രത്തിൽ എടുത്ത ശേഷം ഈ പേസ്റ്റ് അതിലേക്ക് ചേർത്ത് നന്നായി കൂട്ടിക്കലർത്താം. നിങ്ങളുടെ മുടി വേരുകളിലുടനീളം ഇത് പുരട്ടി നന്നായി മസാജ് ചെയ്യുക. ഒരു മണിക്കൂർ മുടിയിൽ ഇത് സൂക്ഷിച്ചശേഷം ചെറുചൂടുള്ള വെള്ളത്തിൽ കഴുകിക്കളയാം. തൈരിലെ നല്ല ബാക്ടീരിയൽ ഗുണങ്ങൾ നിങ്ങളുടെ തലയോട്ടിയിലെ അണുബാധയെ കുറയ്ക്കാൻ സഹായിക്കുമ്പോൾ ഉലുവയിലെ ഗുണങ്ങൾ നിങ്ങളുടെ മുടിയുടെ വളർച്ച മെച്ചപ്പെടുത്തുന്നതാക്കി മാറ്റുന്നു.

Also read: മുഖം തിളങ്ങാനൊരു മൂന്നിന കൂട്ട്!

​എള്ളെണ്ണ – ഉലുവ ഹെയർ ഓയിൽ

കഠിനമായ മുടികൊഴിച്ചിലും മുടിയുടെ കട്ടി കുറയുന്നതുമായ പ്രശ്നങ്ങൾ നേരിടുന്നുണ്ടെങ്കിൽ നിങ്ങൾക്ക് ഈ ഹെയർ പാക്ക് പരീക്ഷിക്കാം. ഒരുപിടി പുതിനയില നന്നായി അരിഞ്ഞെടുത്ത് മാറ്റി വയ്ക്കുക. ഒരു പാത്രത്തിൽ 5 ടേബിൾസ്പൂൺ എള്ള് എണ്ണ ഒഴിച്ച് ചൂടാക്കി ഇതിലേക്ക് പുതിനയിലയും 2 ടേബിൾസ്പൂൺ ഉലുവയും ചേർക്കുക. ഉലുവ പൊട്ടാൻ തുടങ്ങി കഴിഞ്ഞാൽ, സ്റ്റൗ ഓഫ് ചെയ്ത് ഈ മിശ്രിതം തണുക്കാൻ അനുവദിക്കുക. എണ്ണ മാത്രം എടുത്ത് തലയോട്ടി മുഴുവനും നന്നായി തേച്ചുപിടിപ്പിക്കുക. മുടിയുടെ വേരു മുതൽ അറ്റം വരേയ്ക്കും നന്നായി പുരട്ടി മസാജ് ചെയ്ത് കൊടുക്കാം. പുതിനയും എള്ള് എണ്ണയും തലയോട്ടിൽ താരൻ അടക്കമുള്ള പലതരം പ്രശ്നങ്ങൾക്ക് കാരണമാവുന്ന ബാക്ടീരിയകളെ പ്രതിരോധിക്കാൻ സഹായം ചെയ്യുന്നു. അതേസമയം ഉലുവ മുടിവേരുകൾക്ക് ഉള്ളിലേക്ക് ഇറങ്ങിച്ചെന്ന് മുടിയുടെ പോഷണം വർദ്ധിപ്പിച്ചുകൊണ്ട് വളർച്ചയെ മെച്ചപ്പെടുത്തുന്നു.