ഹൈലൈറ്റ്:
- ഭര്‍ത്താവ് കിരൺകുമാര്‍ കീഴടങ്ങി
- ഇന്ന് അറസ്റ്റ് ഉണ്ടായേക്കുമെന്ന് റിപ്പോര്‍ട്ടുകള്‍
- ആരോപണവുമായി കുടുംബം
വിസ്മയയെ കിരൺ സ്ത്രീധനത്തിൻ്റെ പേരിൽ നിരന്തരം ഉപദ്രവിച്ചിരുന്നുവെന്നാണ് യുവതിയുടെ കുടുംബം പറയുന്നത്. ഇതു സംബന്ധിച്ച വിസ്മയയുമായുള്ള വാട്സാപ്പ് ചാറ്റ് സ്ക്രീൻഷോട്ടുകളും കുടുംബം പുറത്തു വിട്ടിട്ടുണ്ട്. മരിക്കുന്നതിൻ്റെ തലേദിവസവും വിസ്മയയ്ക്ക് ക്രൂരമര്‍ദ്ദനമേറ്റിരുന്നുവെന്നാണ് ആരോപണം. കിരൺ തന്നെ കൊല്ലുമെന്ന് വിസ്മയ ഒരു സുഹൃത്തിനോടു പറഞ്ഞിരുന്നതായും കുടുംബം പറയുന്നു. അതേസമയം, വിശദമായ അന്വേഷണത്തിനു ശേഷമേ മരണകാരണം സ്ഥിരീകരിക്കാനാകൂ എന്നാണ് പോലീസ് പറയുന്നത്. എന്നാൽ ഗാര്‍ഹിക പീഡന നിരോധന നിയമപ്രകാരം കിരൺകുമാറിനെതിരെ കേസെടുത്തേക്കും.
Also Read: വിസ്മയയുടെ മരണം; ഭർത്താവ് കിരൺ കസ്റ്റഡിയിൽ
അതേസമയം, വനിതാ കമ്മീഷൻ അംഗം ഷാഹിദാ കമാൽ ഇന്നു വിസ്മയയുടെ വീട് സന്ദര്‍ശിക്കും. കൊല്ലം റൂറൽ എസ്‍പിയോടു വനിതാ കമ്മീഷൻ സംഭവത്തിൽ റിപ്പോര്‍ട്ട് തേടിയിരുന്നു.
പോരുവഴിയിലെ ഭര്ത്താവിൻ്റെ വീട്ടിൽ വെച്ച് വിസ്മയ മരിച്ചതായി ഇന്നലെ പുലര്‍ച്ചെ വീട്ടുകാര്‍ക്ക് വിവരം ലഭിക്കുകയായിരുന്നു. ഞായറാഴ്ച രാത്രി കിരൺ തന്നെ ക്രൂരമായി മര്‍ദ്ദിച്ചെന്നു കാണിച്ച് വിസ്മയ ചിത്രങ്ങളടക്കം വാട്സാപ്പിൽ പങ്കുവെച്ചതിനു പിന്നാലെയായിരുന്നു വിസ്മയ മരിച്ചതായി വീട്ടുകാര്‍ക്ക് വിവരം ലഭിക്കുന്നത്. വിസ്മയ പങ്കുവെച്ച ചിത്രങ്ങളും വീട്ടുകാരുടെ ആരോപണങ്ങളും വലിയ വാര്‍ത്തയായതോടെ ഭര്‍ത്താവ് കിരൺകുമാര്‍ ഇന്നലെ രാത്രിയോടെ ശൂരനാട് പോലീസിൽ കീഴടങ്ങുകയായിരുന്നു.
Also Read: തൃശൂരിൽ ക്വാറിയിൽ വൻ സ്ഫോടനം; ഒരാൾ മരിച്ചു
കഴിഞ്ഞ വര്‍ഷം മെയിലായിരുന്നു വിസ്മയയുടെയും കിരണിൻ്റെയും വിവാഹം. സ്ത്രീധനമായി 100 പവൻ സ്വര്‍ണവും ഒന്നേകാൽ ഏക്കര്‍ ഭൂമിയും പത്ത് ലക്ഷത്തിലധികം രൂപ വില വരുന്ന കാറും നല്‍കിയിരുന്നുവെന്നാണ് വീട്ടുകാര്‍ പറയുന്നത്. എന്നാൽ കാര്‍ മോശമാണെന്നു പറഞ്ഞ് കിരൺ നിരന്തരം ഉപദ്രവിച്ചിരുന്നുവെന്നാണ് വീട്ടുകാര്‍ പറയുന്നത്.
പാടത്ത് കാട്ടുപന്നിശല്യം; ഞാറ്റടി ടെറസില്‍ ഒരുക്കി കര്‍ഷകന്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : police may arrest kiran kumar husband of vismaya today as postmortem report awaited
Malayalam News from malayalam.samayam.com, TIL Network
