Also Read: കുവൈറ്റില്‍ മലയാളികള്‍ ഉള്‍പ്പെടെ ആയിരക്കണക്കിന് ആരോഗ്യ പ്രവര്‍ത്തകരെ കാത്തിരിക്കുന്നത് 12 ലക്ഷത്തിലധികം ആനുകൂല്യം
സംഭവത്തില്‍ മൂന്ന് പേരെ അറസ്റ്റ് ചെയ്തതായി സൗദി സകാത്ത്, ടാക്സ് ആന്‍ഡ് കസ്റ്റംസ് അതോറിറ്റി അറിയിച്ചു. രണ്ട് അതിവിദഗ്ധ ഓപ്പറേഷനുകളിലൂടെയാണ് രാജ്യത്തേക്ക് മയക്കുമരുന്ന് കടത്താനുള്ള ശ്രമങ്ങള്‍ സൗദി കസ്റ്റംസ് അധികൃതര്‍ പരാജയപ്പെടുത്തിയത്. ജിദ്ദ ഇസ്ലാമിക് പോര്‍ട്ടില്‍ പ്ലാസ്റ്റിക് കൈയുറ ബോക്സുകള്‍ക്കുള്ളില്‍ ഒളിപ്പിച്ച നിലയില്‍ കടത്താന്‍ ശ്രമിച്ച 20.6 ലക്ഷത്തിലധികം മയക്ക് മരുന്ന് ഗുളികകള്‍ കസ്റ്റംസ് വിഭാഗം പിടികൂടുകയായിരുന്നു. ദുബ തുറമുഖത്ത് 4.23 ലക്ഷം ഗുളികകളാണ് പിടികൂടിയത്. ഇവിടെ എത്തിയ ഓറഞ്ചുകള്‍ അടങ്ങിയ ചരക്ക് ട്രക്കുകളില്‍ ഒന്നില്‍ ഘടിപ്പിച്ചിരുന്ന സ്പെയര്‍ ടയറില്‍ ഒളിപ്പിച്ച നിലയിലായിരുന്നു മയക്കുമരുന്ന് ഗുളികകള്‍.
Also Read: കുവൈറ്റില്‍ വിസിറ്റ് വിസയിലെത്തിയവര്‍ക്ക് വര്‍ക്ക് പെര്‍മിറ്റിലേക്ക് മാറ്റാം, സമയ പരിധി നീട്ടി
ഇരു സംഭവങ്ങളിലുമായി രാജ്യത്തിനകത്തുള്ള മൂന്ന് പേരെ അറസ്റ്റ് ചെയ്തതായി അതോറിറ്റി അറിയിച്ചു. ചരക്കുകള്‍ സ്വീകരിക്കാനെത്തിയവരാണ് പിടിയിലായത്. കള്ളക്കടത്ത് തടയാനും സമൂഹത്തെയും ദേശീയ സമ്പദ് വ്യവസ്ഥയെയും സംരക്ഷിക്കുന്നതിനും ജനങ്ങള്‍ സഹകരിക്കണമെന്ന് അതോറിറ്റി ആവശ്യപ്പെട്ടു. കള്ളക്കടത്തുമായി ബന്ധപ്പെട്ട വിവരങ്ങള്‍ അറിയിക്കുന്നവര്‍ക്ക് സാമ്പത്തിക പാരിതോഷികം നല്‍കുമെന്നും വിവരം നല്‍കുന്നവരെ കുറിച്ചുള്ള വിവരങ്ങള്‍ സ്വകാര്യമായി സംരക്ഷിക്കുമെന്നും സൗദി സകാത്ത്, ടാക്സ് ആന്‍ഡ് കസ്റ്റംസ് അതോറിറ്റി ഉറപ്പുനല്‍കി. വിവരങ്ങള്‍ ലഭിക്കുന്നവര്‍ 1910ലോ 00966114208417 ലോ 1910@zatca.gov.sa എന്ന ഇമെയിലിലോ അധികൃതരുമായി ബന്ധപ്പെടണം.
മകളുടെ ഫോട്ടോ കാണിച്ച് യുവാവിനെ പറ്റിച്ചു നഷ്ടമായത് 11 ലക്ഷം
Web Title : saudi customs foils two drug smuggling attempts
Malayalam News from Samayam Malayalam, TIL Network
