പൗരത്വ നിയമഭേദഗതിയ്ക്കെതിരെ പ്രതിഷേധിച്ചവരുടെ സ്വത്തുക്കള്‍ കണ്ടുകെട്ടാനായി യുപി സര്ക്കാര് നടത്തുന്ന നീക്കം നിയമവിരുദ്ധമാണെന്നാണ് വിമര്‍ശനം.
വിമർശനവുമായി സുപ്രീം കോടതി Photo: Agencies/File
ഹൈലൈറ്റ്:
- ഉത്തരവ് പിൻവലിക്കാൻ നിര്‍ദേശം
- നടപടിയുടെ പുരോഗതി അറിയിച്ച് സര്ക്കാര്
- യുപി സര്‍ക്കാരിന് തിരിച്ചടി
ജസ്റ്റിസ് ഡി വൈ ചന്ദ്രചൂഡും ജസ്റ്റിസ് സൂര്യകാന്തും അടങ്ങിയ ബെഞ്ചാണ് കേസിൽ വിധി പറഞ്ഞത്. പൗരത്വ ഭേദഗതി പ്രക്ഷോഭത്തിനിടെ പൊതുമുതൽ നശിപ്പിച്ചെന്ന കേസിലാണ് യുപി സര്ക്കാര് വിവാദനീക്കവുമായി മുന്നോട്ടു പോയത്. പൊതുമുതൽ നശിപ്പിച്ചതിൻ്റെ നഷ്ടപരിഹാരം ഈടാക്കുന്നതിൻ്റെ ഭാഗമായി പ്രതിഷേധക്കാരുടെ സ്വത്തുക്കള്‍ കണ്ടുകെട്ടാൻ യുപി സര്ക്കാര് വിവിധ ജില്ലാ ഭരണകൂടങ്ങള്‍ക്ക് നോട്ടീസ് കൈമാറുകയായിരുന്നു. എന്നാൽ സര്ക്കാര് ഒരേ സമയം പരാതിക്കാരനെയും പ്രോസിക്യൂട്ടറെയും വിധികര്‍ത്താവിനെയും പോലെ പെരുമാറുകയാണെന്നായിരുന്നു കോടതിയുടെ വിമര്‍ശനം.
Also Read: ഇന്നെന്‍റെ ഷുഹൈബിന്‍റെ ഓർമദിനം; വികാരനിർഭരമായ കുറിപ്പുമായി കെ സുധാകരൻ
ഉത്തരവ് പിൻവലിക്കാൻ അവസാന അവസരാമാണ് നല്‍കുന്നതെന്നും ഫെബ്രുവരി 18നുള്ളിൽ തീരുമാനമെടുക്കണമെന്നും സുപ്രീം കോടതി നിര്‍ദേശിച്ചു. ഇല്ലെങ്കിൽ ഉത്തരവ് റദ്ദാക്കുമെന്നും കോടതി മുന്നറിയിപ്പ് നല്‍കി.
സമരവുമായി ബന്ധപ്പെട്ട് 106 കേസുകളാണ് രജിസ്റ്റര്‍ ചെയ്തിട്ടുള്ളതെന്ന് യുപി സര്ക്കാര് കോടതിയെ അറിയിച്ചു. കേസുകളിൽ 833 പേര്‍ പ്രതികളാണെന്നും ഇവരുടെ വസ്തുക്കള്‍ കണ്ടുകെട്ടാനായി ഇതിനോടകം 274 നോട്ടീസുകള്‍ ഇറക്കിയിട്ടുണ്ടെന്നും യുപി സര്ക്കാര് അറിയിച്ചു. 236 നോട്ടീസുകളിൽ സ്വത്തുകണ്ടുകെട്ടൽ നടപടികള്‍ ആരംഭിച്ചതായും സര്ക്കാര് കോടതിയിൽ വ്യക്തമാക്കി. എന്നാൽ ഈ നടപടികളിൽ യുപി സര്ക്കാര് ചട്ടങ്ങള്‍ പാലിച്ചില്ലെന്നാണ് സുപ്രീം കോടതിയുടെ നിരീക്ഷണം.
Also Read: കൊവിഡ് മരണങ്ങളിൽ നേരിയ വർധനവ്; ആക്ടീവ് കേസുകൾ കുറയുന്നു
കണ്ടുകെട്ടൽ നടപടികള്‍ക്കായി രൂപീകരിച്ച ക്ലെയിം ട്രിബ്യൂണലുകളിൽ ജുഡീഷ്യൽ ഉദ്യോഗസ്ഥരെ നിയമിക്കുന്നതിനു പകരം ജില്ലാ മജിസ്ട്രേറ്റുമാരെയാണ് യുപി സര്ക്കാര് നിയോഗിച്ചതെന്നും ഇത് നിയമവിരുദ്ധമാണെന്നും കോടതി ചൂണ്ടിക്കാട്ടി. ഇക്കാര്യങ്ങള്‍ 2009ലും 2018ലും രണ്ട് വിധികളിൽ സുപ്രീം കോടതി ചൂണ്ടിക്കാട്ടിയിരുന്നുവെന്നും എന്നാൽ യുപി സര്ക്കാര് ഇത് പാലിക്കാൻ തയ്യാറായിട്ടില്ലെന്നുമാണ് ആരോപണം. നിയമം പാലിക്കാൻ യുപി സര്ക്കാര് തയ്യാറാകണമെന്നും അല്ലാത്ത പക്ഷം റിപ്പോര്‍ട്ട് റദ്ദാക്കുമെന്നും സുപ്രീം കോടിതി നിര്‍ദേശം നല്‍കി.
പൗരത്വ നിയമഭേദതിയ്ക്കെതിരെ പ്രതിഷേധിച്ചവര്‍ക്കെതിരെ യുപിയിലെ യോഗി ആദിത്യനാഥിൻ്റെ നേതൃത്വത്തിലുള്ള ബിജെപി സര്ക്കാര് 2019 നവംബറിലാണ് നിയമനടപടികള്‍ ആരംഭിച്ചത്. നടപടികളുടെ പുരോഗതി എത്രത്തോളമെന്ന് അറിയിക്കാൻ കോടതി യുപി സര്‍ക്കാരിനോടു വെള്ളിയാഴ്ച ആവശ്യപ്പെട്ടിരുന്നു.
കോഡൂരിലെ 80ലക്ഷത്തിന്റെ കുഴല്‍പണം തട്ടല്‍; സൂത്രധാരന്‍ ഉള്‍പ്പെടെ പിടിയില്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : up government faces backlash from supreme court for caa protesters asset recovery move
Malayalam News from Samayam Malayalam, TIL Network
