പ്രണയാഭ്യർഥന നിരസിച്ച നഴ്സിനെ ഐസിയുവിൽ വച്ച് വെടിവച്ച് കൊന്നു; നാല് കുട്ടികളുടെ പിതാവായ പ്രതി പിടിയിൽ

നേഹ ചന്ദേൽ എന്ന ഇരുപത്താറുകാരിയാണ് ജോലിക്കിടെ ആശുപത്രിക്കുള്ളിൽ കൊല്ലപ്പെട്ടത്. പിസ്റ്റൾ ഉപയോഗിച്ച് പോയന്‍റ് ബ്ലാങ്കിൽ നിന്നും നേഹയുടെ തലയിലേക്കാണ് വാർഡ് ബോയ് റിതേഷ് ശാക്യ നിറയൊഴിച്ചത്. നാടൻ തോക്ക് ഉപയോഗിച്ചായിരുന്നു കൃത്യമെന്ന് ബിന്ദ് പോലീസ് സൂപ്രണ്ട് ശലേന്ദ്ര സിങ് ചൗഹാന്‍ വ്യക്തമാക്കി.

Also Read : മൊബൈൽ ഫോൺ മോഷ്ടിച്ചെന്നു സംശയം; യുവാവിനെ മർദ്ദിച്ചു നഗ്നനായി നടത്തിച്ചു



വ്യാഴാഴ്ച രാത്രിയാണ് ഞെട്ടിക്കുന്ന സംഭവം നടന്നത്. കൊലപാതകത്തിന് പിന്നാലെ തന്നെ റിതേഷ് ശാക്യ പോലീസിൽ കീഴടങ്ങുകയായിരുന്നു. വിവാഹിതനായ ഇയാൾ നാല് കുട്ടികളുടെ പിതാവാണെന്നാണ് പോലീസ് പറയുന്നത്. നേഹ ചന്ദേലിനെ വിവാഹം ചെയ്യാൻ ഇയാൾ ആഗ്രഹിച്ചിരുന്നു. എന്നാൽ മറ്റൊരാളുമായി വിവാഹം ഉറപ്പിച്ചിരുന്ന നഴ്സ് ഇത് നിരസിച്ചു. മാസങ്ങളോളം ഇയാൾ ഈ ആവശ്യം ഉയർത്തി ശല്യം ചെയ്തെങ്കിലും യുവതി അവഗണിക്കുകയായിരുന്നു. ഈ വൈരാഗ്യമാണ് അക്രമത്തിലേക്ക് നയിച്ചതെന്നാണ് റിപ്പോർട്ട്.

Also Read : മമ്മി ഉറങ്ങിയാൽ അയാൾ എന്നെ തേടിവരും, പോൺ സിനിമകൾ കാണാൻ നിർബന്ധിച്ചു; രണ്ടാനച്ഛനെക്കുറിച്ച് പതിനെട്ടുകാരി



അതേസമയം കൊലപാതകത്തിന് പിന്നാലെ ആശുപത്രിയിൽ മതിയായ സുരക്ഷ ഉറപ്പ് വരുത്തണമെന്ന് ആവശ്യപ്പെട്ട് നഴ്സുമാർ പണിമുടക്കി. നൂറോളം നഴ്സുമാർ ജില്ലാ ആശുപത്രിയിൽ കുത്തിയിരുന്നാണ് പ്രതിഷേധിച്ചത്.