മുടിയുടെ ആരോഗ്യത്തിന് നാടന്‍ വിദ്യകളാണ് ഗുണം നല്‍കുക. ഇതില്‍ ഒന്നാണ് ചെമ്പരത്തി. പണ്ടു കാലം മുതല്‍ തന്നെ ഇത് പരമ്പരാഗതമായി ഉപയോഗിച്ചു വരുന്ന ഒന്നാണ്. നല്ല ഷാംപൂവിന്റെയും കണ്ടീഷണറുടേയും ഗുണം ഒരു പോലെ നല്‍കുന്ന ഒന്നാണിത്. ചെമ്പരത്തി ഇലയും പൂവുമെല്ലാം ഉണക്കിപ്പൊടിച്ച് സൂക്ഷിയ്ക്കാം. ഇത് നമ്മുടെ വീട്ടില്‍ തന്നെയുണ്ടെങ്കില്‍ ഇത് നേരിട്ട് ഉപയോഗിയ്ക്കുകയും ചെയ്യാം. എന്നാല്‍ പലപ്പോഴും പലര്‍ക്കും ഈ സൗകര്യം ലഭിയ്ക്കില്ല. ഇതിനുള്ള വഴിയാണ് ചെമ്പരത്തി പൊടി എന്നത്.

​ചെമ്പരത്തിയ്‌ക്കൊപ്പം തൈര്

ചെമ്പരത്തിയ്‌ക്കൊപ്പം തൈര് കൂടി കലര്‍ത്തി തേയ്ക്കുന്നത് മുടിയ്ക്ക് നല്‍കുന്ന ഗുണങ്ങള്‍ ചെറുതല്ല. മുടിയുടെ ആരോഗ്യത്തിന് ഏറെ നല്ലതാണ് ഈ കോമ്പോ. മുടിയ്ക്ക് സ്വാഭാവിക ഈര്‍പ്പവം തിളക്കവും നല്‍കാന്‍ തൈര് നല്ലതാണ്. ഇതിലെ വൈറ്റമിനുകള്‍ മുടിയ്ക്ക് പോഷകം നല്‍കുന്നു. വരണ്ട മുടിയ്ക്കുള്ള നല്ലൊന്നാന്തരം കണ്ടീഷണറായി ഇത് പ്രവര്‍ത്തിയ്ക്കുന്നു. ഇത് ചെമ്പരത്തിയുമായി ചേര്‍ത്ത് പുരട്ടുന്നത് ഏറെ ഗുണങ്ങള്‍ നല്‍കുന്നു.

തൈര്-ചെമ്പരത്തി

നല്ലൊന്നാന്തരം കെരാറ്റിന്‍ ട്രീറ്റ്‌മെന്റ് ഗുണം നല്‍കുന്ന ഒന്നാണ് തൈര്-ചെമ്പരത്തി കോമ്പോ. ചെമ്പരത്തി പൂക്കളിൽ പ്രകൃതിദത്തമായി കാണപ്പെടുന്ന അമിനോ ആസിഡുകൾ മുടിയുടെ വളർച്ചയെ പ്രോത്സാഹിപ്പിക്കുന്നതിന് പോഷകങ്ങൾ നൽകുന്നു. ഈ അമിനോ ആസിഡുകൾ മുടിയുടെ നിർമാണ ഘടകമായ കെരാറ്റിൻ എന്ന പ്രത്യേകതരം ഘടനാപരമായ പ്രോട്ടീൻ ഉത്പാദിപ്പിക്കുന്നു. കെരാറ്റിൻ മുടി കൊഴിയാനും മുടി പൊട്ടാനുമുള്ള സാധ്യത കുറയ്ക്കുന്നു. ഇത് മുടിയിഴകളുടെ മൊത്തത്തിലുള്ള കനം വർദ്ധിപ്പിക്കുന്നത് പ്രോത്സാഹിപ്പിക്കുകയും മുടിയെ കൂടുതൽ എളുപ്പത്തിൽ കൈകാര്യം ചെയ്യാവുന്നതാക്കുകയും ചെയ്യുന്നു. അതിനാൽ, മുടിയെ നശിപ്പിക്കുന്ന വിലകൂടിയ കെരാറ്റിൻ ചികിത്സകളിലേക്ക് തിരിയുന്നതിന് പകരം, നിങ്ങളുടെ മുടിയിൽ ചെമ്പരത്തി ഉപയോഗിച്ച് തുടങ്ങാം.ഇതിനൊപ്പം തൈര് കൂടിയാകുമ്പോള്‍ കൂടുതല്‍ ഗുണം ലഭിയ്ക്കുന്നു.

​തൈര്

തൈര് സ്വാഭാവിക കണ്ടീഷണറായി പ്രവര്‍ത്തിയ്ക്കുന്ന ഒന്നാണ്. ഇതിനാല്‍ തന്നെ വരണ്ട മുടിയ്ക്കും മറ്റും ഈ ഗുണം നല്‍കുന്നു.ചെമ്പരത്തി ഒരു അൾട്രാ-എമോലിയന്റ് ആയി പ്രവർത്തിക്കുന്നു, ഇത് നിങ്ങളുടെ മുടി വേരുകളിൽ ഈർപ്പം തടഞ്ഞു നിർത്തുകയും നിങ്ങളുടെ മുടിയിഴകളിൽ ഇലാസ്തികത പുനഃസ്ഥാപിക്കുകയും ചെയ്യുന്നു. ഇതിലെ മ്യൂസിലേജ് ഫൈബർ മുടി പൊട്ടുന്നത് തടയുകയും നിങ്ങളുടെ മുടി പട്ടുപോലെ മിനുസമാർന്നതുമാക്കുകയും ചെയ്യുന്നു.

​താരന്‍

താരന്‍, ശിരോചര്‍മത്തിലുണ്ടാകുന്ന അലര്‍ജി എന്നിവയ്‌ക്കെല്ലാം ചെമ്പരത്തി-തൈര് നല്ല പരിഹാരമാണ്. ചെമ്പരത്തി-തൈര് ഉപയോഗിക്കുന്നത് മൊത്തത്തിലുള്ള ശാന്തതയും തണുപ്പും നൽകുന്നതിന് പുറമേ മുടിയുടെ പിഎച്ച് സന്തുലിതാവസ്ഥ നിലനിർത്തുന്നു. ശുദ്ധീകരണ ഗുണങ്ങൾ തലയോട്ടിയിലെ പിഎച്ച് നില സന്തുലിതമാക്കാനും എണ്ണമയം ചെറുക്കാനും സഹായിക്കുന്നു. അൾട്രാ വയലറ്റ് രശ്മികളിൽ നിന്ന് നിങ്ങളുടെ ശിരോചർമ്മത്തെയും മുടിയെയും സംരക്ഷിക്കാൻ ഒരു സൺസ്ക്രീൻ ആയി ഇത് പ്രവർത്തിക്കുന്നു.

ഹെയർ ഡൈ

പുരാതന ആയുർവേദവും ശാസ്ത്രവും നരച്ച മുടി മറയ്ക്കുന്നതിനുള്ള പ്രകൃതിദത്ത ഹെയർ ഡൈയായി ചെമ്പരത്തി ഉപയോഗിക്കാറുണ്ട്. നരച്ച മുടി മറയ്ക്കാൻ ചെമ്പരത്തി ഒരു സ്വാഭാവിക ചായമായി ഉപയോഗിക്കാറുണ്ട്. ഹെന്ന പോലുള്ളവര്‍ തൈര് ചേര്‍ക്കുന്നത് പോലെ ഇതില്‍ തൈര് കൂടി ചേര്‍ത്താന്‍ മുടിയ്ക്ക് കൂടുതല്‍ സംരക്ഷണമാണ്. ഇത് പ്രകൃതിദത്തമായ പിഗ്മെന്റുകൾ, ആന്റിഓക്‌സിഡന്റുകൾ, വിറ്റാമിനുകൾ എന്നിവയാൽ സമ്പന്നമാണ്, ഇത് നിങ്ങളുടെ നരച്ച മുടിക്ക് നിറം നൽകുകയും നിങ്ങളുടെ സ്വാഭാവിക മുടിയുടെ നിറത്തിന് ഇരുണ്ട തിളക്കം നൽകുകയും ചെയ്യും.