ക്ലാസ് വൈകിട്ടുവരെ നീട്ടുന്ന കാര്യം കൂടുതൽ ആലോചനയ്ക്കു ശേഷമേ തീരുമാനിക്കൂ എന്ന് മന്ത്രി വ്യക്തമാക്കി. സ്കൂളുകൾ തുറക്കുന്ന പശ്ചാത്തലത്തിൽ ശുചീകരണ പ്രവർത്തനങ്ങൾ നടത്താൻ തീരുമാനിച്ചിട്ടുണ്ട്.
പ്രതീകാത്മക ചിത്രം
ഹൈലൈറ്റ്:
- ഒന്നു മുതൽ ഒൻപത് വരെയുള്ള ക്ലാസുകൾ തിങ്കളാഴ്ച ആരംഭിക്കും
- ഓൺലൈൻ ക്ലാസുകൾ ശക്തിപ്പെടുത്തും
- പാഠഭാഗങ്ങൾ പഠിപ്പിച്ചു തീർക്കാത്ത വിദ്യാലയങ്ങൾ അധിക ക്ലാസ് നൽകി പാഠഭാഗങ്ങൾ പഠിപ്പിച്ചു തീർക്കണം
ചൊവ്വാഴ്ച അധ്യാപക സംഘടനകളുമായി യോഗം ചേരും. തയ്യാറെടുപ്പുകൾക്ക് ശേഷമായിരിക്കും മുഴുവൻ വിദ്യാർത്ഥികളേയും സ്കൂളിൽ എത്തിക്കുക. വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരുമായുള്ള യോഗം നാളെ നടക്കുമെന്ന് മന്ത്രി വ്യക്തമാക്കി. ഒന്നു മുതൽ ഒൻപത് വരെയുള്ള ക്ലാസുകൾ തിങ്കളാഴ്ചയാണ് ആരംഭിക്കുന്നത്. ഓൺലൈൻ ക്ലാസുകൾ ശക്തിപ്പെടുത്താനും കൂടുതൽ പേരിലേക്ക് എത്തിക്കാനുമാണ് ആലോചിക്കുന്നതെന്ന് മന്ത്രി വ്യക്തമാക്കി.
സ്കൂളുകൾ തുറക്കുന്ന പശ്ചാത്തലത്തിൽ ശുചീകരണ പ്രവർത്തനങ്ങൾ നടത്താൻ തീരുമാനിച്ചിട്ടുണ്ട്. എസ്എസ്എൽസിയിൽ ഏകദേശം 90 ശതമാനവും ഹയർ സെക്കന്ററിയിൽ 75 ശതമാനവും പാഠഭാഗങ്ങൾ പഠിപ്പിച്ചു കഴിഞ്ഞതായി ഉദ്യോഗസ്ഥർ കഴിഞ്ഞ യോഗത്തിൽ വ്യക്തമാക്കിയിരുന്നു. സമയബന്ധിതമായി പാഠഭാഗങ്ങൾ പഠിപ്പിച്ചു തീർക്കാത്ത വിദ്യാലയങ്ങൾ അധിക ക്ലാസ് നൽകി പാഠഭാഗങ്ങൾ പഠിപ്പിച്ചു തീർക്കണം.
ബിആർസി റിസോഴ്സ് അധ്യാപകരുടേയും എസ്എസ്കെ, ഡയറ്റ് അധ്യാപകരുടേയും സേവനം മലയോര പിന്നാക്ക മേഖലകളിൽ വിദ്യാർത്ഥികളുടെ പഠന സഹായത്തിനായി ലഭ്യമാക്കും. അധ്യാപകരിൽ കൊവിഡ് ബാധമൂലം അധ്യയനം തടസപ്പെടുന്നുണ്ടെങ്കിൽ ദിവസ വേതന നിരക്കിൽ അധ്യാപകരെ വെക്കാവുന്നതാണ്. സാധാരണ ക്ലാസുകൾക്കൊപ്പം ഓൺലൈൻ ക്ലാസുകളും ഉണ്ടായിരിക്കുന്നതാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : schools in kerala will reopen on monday says minister v sivankutty
Malayalam News from Samayam Malayalam, TIL Network
